Morgunblaðið - 12.03.1981, Blaðsíða 2
2
MORGUNBLAÐIÐ, FIMMTUDAGUR 12. MARZ 1981
Varð að lenda í Reykja-
vík á öðrum hreyflinum
EIN Fokker-véla FluKleiAa. TF-
FLO, varð að snúa við á leið sinni
frá Reykjavík til Hornafjarðar
um hádeKÍsbilið í ga'r þar sem
aðvórunarljós í mælaborði gaf til
kynna að eldur væri í öðrum
hreyfli vélarinnar. Flugstjóri var
Ámundi II. ólafsson ok aðstoðar-
fluKmaður Lárus GuðKeirsson.
Eftir viðeÍKandi ráðstafanir
sneru þeir við ok lentu vélinni á
öðrum hreyflinum á Reykjavíkur-
fluKvelli. Gekk lendinKÍn vel ok
var slökkviliðið til taks.
— Við vorum komnir í farflugs-
hæð okkar, 17 þúsund fet, og
höfðum flogið í um 20 mínútur
þegar rautt aðvörunarljós kvikn-
aði. Það er aldrei að vita hvort um
gabb eða alvöru er að ræða og í
tilfellum sem þessum er það eina
rétta að drepa á hreyflinum, tæma
úr slökkvitækjum hans og lenda,
sagði Ámundi H. Ólafsson flug-
stjóri í samtali við Mbl. í gær.
— Þegar ljósið kviknar stöðvum
við hreyfilinn strax, snúum
skrúfublöðunum upp í vindinn til
að þau veiti sem minnsta mótstöðu
og tæmum úr slökkvitækjum. Við
tæmdum úr öðru hylkinu og vorum
í þann mund að tæma úr hinu
þegar ljósið slokknaði, sem þýddi
að hitinn hafði þá lækkað. Ég
tilkynnti þá farþegunum hvað
gerst hefði, við snerum við og
lentum eftir hálfa klukkustund.
Lárus Guðgeirsson flaug vélinni
þegar þetta gerðist og lauk hann
fluginu og lenti vélinni, en í
fluginu skiptum við oft verkum
þannig að annar okkar flýgur aðra
leiðina og hinn til baka. Um borð
var 41 farþegi og lét flugfreyjan,
Elisabet Jónsdóttir, þau orð falla
um farþegana að þeir hefðu verið
rólegir og helzt spurt hvenær þeir
gætu komist af stað aftur.
Ámundi H. Ólafsson sagði að
flugmenn fengju þjálfun tvisvar á
ári, m.a. til að bregðast við aðstæð-
um sem þessum, en það væri
einkanlega í flugtaki og að nokkru
leyti í lendingu, sem beita þyrfti
stýrum sérstaklega þegar flogið
væri á öðrum hreyflinum, vélin
leitaði þá alltaf á þann hreyfil sem
væri „dauður". Eftir lendingu var
vélin tekin til skoðunar og athugað
hvort bilun væri í aðvörunarkerf-
inu eða i hreyflinum sjálfum.
Á laugardag varð þessi sama vél
fyrir því á Aðaldalsflugvelli að
annar hreyfill hennar hitnaði um
of. Gylfi Jónsson var þá flugstjóri
og sagði hann í samtali við Mbl., að
í flugtaki hefðu þeir orðið varir við
ofhitun í öðrum hreyflinum og
hann misst afl þegar þeir reyndu
að stilla hita á útblæstri háns.
Sagði hann vélina ekki hafa verið í
neinni hættu, en hann hefði eigi að
síður ákveðið að lenda strax aftur
og var ákveðið að skipta um
hreyfil. Það var í hinum nýja
hreyfli, sem aðvörunarljósið
kviknaði. TF-FLO, sem var smíðuð
fyrir 11 árum, var keypt frá Kóreu
sl. vetur og það var sú vél sem sl.
sumar varð að lenda á Keflavíkur-
flugvelli þar sem annað aðalhjól
hennar læstist ekki niðri sem
skyldi. Urðu nokkrar skemmdir á
vélinni, en farþega sakaði ekki.
Bæði Gylfi og Ámundi kváðu það
algjöra tilviljun að sama vélin yrði
fyrir þessu og væri ekkert sam-
band þarna á milli, en Ámundi
kvaðst vonast til að „Eyjólfur færi
nú að hressast".
Ámundi H. ólafsson flugstjóri (t.v.) og Lárus Guðgeirsson
flugmaður. Ljósm. RA.\
Slökkviliðið var til taks er vélin Jenti á öðrum hreyflinum.
Ljósm. Tómas Helxason.
Nefnd fjallar
um ástæður
orkuskortsins
STARFSHÓPUR á vegum Lands-
virkjunar, Rafmagnsveitna ríkis-
ins og Orkustofnunar vinnur nú að
því að kanna ástæður orkuskorts-
ins í vetur og hvað af honum megi
læra.
Nefnd þessi skilar væntanlega
sameiginlegu áliti til iðnaðarráðu-
neytisins með vorinu.
Gufuborinn
til Færeyja
LÍKLEGT er að gufuborinn.
sem er í eigu Orkustofnunar
og Reykjavíkurborgar, fari til
Færeyja síðla næsta sumars
eða næsta haust.
Þar vilja Færeyingar láta
bora rannsóknarholur til at-
hugunar á jarðlögum á land-
grunninu. 10—15 Islendingar
munu væntanlega fara til vinnu
í Færeyjum við þetta verkefni.
Samningaviðræður við Færey-
inga um leigu á bornum eru á
lokastigi, en síðan á borgar-
stjórn Reykjavíkur eftir að
fjalla um málið.
MSINLEN1T
Dansarar Bolshoi-ballettsins sýna í Þjóðleikhúsinu i kvöld, annað kvöld
og sunnudagskvöld og var myndin tekin á æfingu í gær. Um tima i gær
var ekki vitað hvað hefði orðið um farangur hluta dansflokksins, en i
honum voru m.a. dansskór. Komu þeir þó i leitirnar og varð að senda
einkaþotu með þá til landsins. Náðu þeir hingað um sjöleytið, en sýning
hófst i gærkvöldi á tilsettum tíma.
Hitaveita Akraness og Borgarf jarðar:
Stuðlastál með
lægsta tilboð
Hvanneyri, 10. marH.
t DAG voru opnuð tilboð á Akra-
nesi i fimmta áfanga Hitaveitu
Akraness og Borgarfjarðar, frá
Seleyri gegnt Borgarnesi að Höfn f
Melasveit. Alls bárust 11 tilboð, en
þar af voru 3 ekki opnuð vegna
formgalla. Tilboðin voru þessi, frá
eftirtoldum aðilum:
Grétar Ólafsson, 4.256.400 krón-
ur, Borgarverk hf. 3.559.710, Ás-
valdur Gunnarsson 3.201.304, ístak
2.952.258, Grétar Sveinsson
2.867.616, Vörðufell 2.859.245, Mið-
fell 2.734.635, Stuðlastál Akranesi,
2.166.215, en áætlun gerði ráð fyrir
að verkið kostaði 2.841.847 nýkrón-
ur.
Útflutningur á áli
gegnum Sundahöfn
FYRIR nokkru ákvað Eimskipa-
félagið, sem sér um álflutninga
fyrir ÍSAL til Hollands, að setja i
flutninga gámaskip, og var þá
ákveðið að flytja útskipunina frá
Straumsvik til Sundahafnar i
Reykjavik, að sögn Ragnars Ifall-
dórssonar, forstjóra ÍSAL.
Ragnar sagði enga aðstöðu vera
fyrir hendi í Straumsvík til að
skipa út í gámaskip, en ef reynslan
yrði góð af þessum málum í
Sundahöfn, myndi væntanlega
verða komið upp aðstöðu í
Straumsvík, en ekki væri talin
ástæða til að fara út í svona mikla
fjárfestingu fyrr en reynslan lægi
fyrir.
Það kom fram hjá Ragnari, að
þessi útflutningur áls til Hollands
væri á bilinu einn þriðji til helm-
ingur af álútflutningi fyrirtækis-
ins, og færi annar útflutningur og
innflutningur eftir sem áður fram
í Straumsvík.
Formgallar tilboðanna þriggja
voru meðal annars fólgnir í því að
eitt þeirra barst 3 mínútum of seint
og tvö höfðu ekki nægilegar ábyrgð-
ir.
Áttundi áfangi hitaveitunnar, frá
Urriðaá að Akranesi, verður boðinn
út í næstu viku, og tilboð í sjötta
áfanga, frá Höfn að Læk í Leirár-
sveit, verða opnuð 24. mars. Varð-
andi útboð á lögninni frá Bæ í
Bæjarsveit að Deildartunguhver, er
óákveðið hvenær verður boðið út.
Hús á Hvanneyri og í Borgarnesi
hafa verið hituð með hitaveitunni
um nokkurn tíma, en verulegt
hitafall er á leiðinni, þannig að til
dæmis fellur hitastigið frá dælu-
stöð við Brún í Bæjarsveit til húsa á
Hvanneyri á bilinu 20 til 50 gráður
eftir veðurfari eða af öðrum orsök-
um.
— Ófeigur
Laxveiðin í sumar:
Breytingar á leigu
Hofsár í Vopnafirði
BREYTINGAR hafa nú verið
gerðar á leigu árinnar Ilofsár i
Vopnafirði, sem er ein kunnasta
laxveiðiá landsins. Veiðifélagið í
Vopnafirði leigir nú ána sjálft, og
selur síðan út veiðileyfi. en und-
anfarin ár hefur Skotinn Brian
Booth leigt ána, og jafnframt
aðstóðuna i veiðihúsinu.
Halldór Björnsson, bóndi í Engi-
hlíð í Vopnafirði, sagði í samtali
við Morgunblaðið í gær, að Booth,
sem er minjagripasali í Lundún-
um, hafi verið við Hofsá í nær
tuttugu ár. Fyrst var hann aðeins
með hluta árinnar, en síðustu 10 til
12 árin hefur hann leigt ána alla.
Hann hefur þó aldrei notað hverja
stöng allt sumarið, heldur hefur
hann leigt ána áfram, og hafa
íslendingar verið í hópi veiði-
manna þar ekki síður en útlend-
ingar.
Einn kunnasti laxveiðimaðurinn
í ánni undanfarin ár hefur hins
vegar verið Karl Bretaprins, sem
þangað hefur komið til veiða ár
eftir ár í boði Booths. Halldór
sagði alls ekki útilokað að prinsinn
kæmi oftar til veiða í Vopnafirði,
því Booth hefði þegar leigt all-
margar stangir í ánni næsta
sumar, og einnig aðgang að veiði-
húsinu.
Alls eru átta veiðisvæði í Hofsá,
þar sem veiða má á sjö stengur í
einu, og neðar í ánni eru þrjú
silungsveiðisvæði. Alls eiga þrjátíu
jarðir veiðirétt á vatnasvæði Hofs-
ár og Sunnudalsár, sem báðar
renna um Vopnafjörð. Að sögn
Halldórs í Engihlíð, verða laxveiði-
menn í Vopnafirði í sumar víða að
af landinu, auk þeirra útlendinga
er keypt hafa stengur í ánni.
Samninganefnd
Húnvetninga
ræðir við RARIK
SAMNINGANEFND, skipuð full-
trúum hreppa og annarra aðila,
sem hagsmuna eiga að gæta i
Húnavatnssýslu vegna væntan-
legrar virkjunar Blöndu, er kom-
in til Reykjavikur til samninga-
viðræðna við Rafmagnsveitur
ríkisins og eru þær hafnar.
Þá munu nefndarmenn kynna
sér framkvæmd fyrri virkjana og
vinnubrögð í sambandi við þau frá
sjónarhóli þeirra sem eiga land-
nytja að gæta. Fóru nefndarmenn
að virkjunum á Suðurlandi í gær til
þess að kynna sér viðhorf manna
þar og framgang mála.
Ríkisstjórnin hlaup-
ist ekki undan ábyrgð
MORGUNBLAÐINU hefur borizt
eftirfarandi samþykkt frá sameig-
inlegum fundi hreppsnefnda i
Sauðanes-, Svalbarðs- og Þórshafn-
arhreppi og stjórnar Verkalýðsfé-
lags Þórshafnar:
Sameiginlegur fundur hrepps-
nefnda í Sauðanes-, Svalbarðs- og
Þórshafnarhreppi og stjórnar
Verkalýðsfélags Þórshafnar sam-
þykkir svohljóðandi ályktun til rík-
isstjórnar lýðveldisins Islands.
Fundurinn skorar á ríkisstjórnina,
að hún standi við bókun sína frá 1.
ágúst 1980, þar sem segir: að rík'is-
stjórnin heimili kaup á notuðum,
erlendum togara, sem gerður verði
út sameiginlega af aðilum á Þórs-
höfn og Raufarhöfn og tekur að sér
að útvega fjármagn til kaupanna.
Fundurinn átelur harðlega þann
skrípaleik er sviðsettur hefur verið
af einstökum aðilum vegna togara-
kaupa Útgerðarfélags Norður-
Þingeyinga.
Fundarmenn hafa fram til þessa
staðið í þeirri góðu trú, að Fram-
kvæmdastofnun rikisins og Byggða-
sjóður séu stofnanir stjórnvalda til
að stuðla að jafnvægi í byggð
landsins, en ekki til að setja á svið
skollaleiki þar sem tekist er á um
pólitíska hagsmuni einstakra
manna, en byggðasjónarmið að engu
höfð.
Fundarmenn hafa einnig staðið í
þeirri góðu trú, að landinu væri
stjórnað af Alþingi og ríkisstjórn en
ekki af misjafnlega vönduðum fjöl-
miðlastarfsmönnum.
Að lokum ítrekar fundurinn þá
áskorun sína til ríkisstjórnarinnar,
að hún hlaupist ekki undan ábyrgð í
málinu og standi vörð um byggð á
Norðausturlandi.