Morgunblaðið - 13.08.1981, Blaðsíða 3

MORGUNBLAÐIÐ, FIMMTUDAGUR 13. ÁGÚST 1981
3
Kristín Ólafsdóttir, fram-
kvæmdastjóri myndarinnar, ok
María Pétursdóttir, 7 ára, sem á
að ieika Julie Christie, eða
rcttara saKt Ruby, i æsku.
Kristín stundar nám í félags-
fræði i Bretlandi. María er
dóttir hjónanna Messiönu Tóm-
asdóttur ok Péturs Knútssonar
Ridttewell.
Ljosm.: Emilía
„JULIE Christie kemur til
landsins þ. 22. ágúst og þá
verður strax hafist handa við
kvikmyndatökuna. en það er um
einn fimmti hluti myndarinnar,
sem verður tekinn hér á landi.“
sanði Kristin Óiafsdóttir i sam-
tali við Mbl. i gær. Kristín er
framkvæmdastjóri þess hluta
kvikmyndatöku bresku kvik-
myndarinnar, sem taka á hér á
landi ok ber vinnuheitið „Gull".
Gerð þessarar myndar er kost-
uð af „British Film Institute" og
eins og áður hefur verið sagt frá í
Morgunblaðinu fjallar hún um
tvær konur og ólíka upplifun
þeirra á auðmagni, en í samein-
ingu gera þær svo úttekt á
ýmsum fyrirbærum er varða
stöðu kvenna í gegnum tíðina.
Annað aðalhlutverkið er í hönd-
Julie Christie leikur
í „Gull“ á Langjökli
Tvær íslenzkar telpur leika hana unga
um Julie Christie, en hitt leikur
frönsk þeldökk leikkona, Colette
Lafond.
Tökur hér á landi fara fram á
Langjökli og hópurinn, sem að
verkinu stendur, mun hafa aðset-
ur í Húsafelli þá u.þ.b. 9 daga,
sem Kristín sagðist reikna með
að tökurnar tækju.
í handriti mun ísland gegna
hlutverki ónefnds landsvæðis þar
sem gullgrafarar hafa aðsetur og
eru það bernskuslóðir persónunn-
ar Ruby, sem Julie Christie leik-
ur. Tvær íslenskar telpur munu
fara með hlutverk þeirrar per-
sónu á mismunandi aldursskeið-
um, Vigdís Hrefna Pálsdóttir, 3ja
ára, og María Pétursdóttir, 7 ára.
Einnig munu um 12 íslendingar
hafa verið ráðnir í „statista"-
hlutverk, allt karlmenn. Aðrir
leikendur og aðstandendur mynd-
arinnar eru breskir. Leikstjóri er
Sally Potter, listrænn leikstjóri
Rose English og tónlistin, sem er
að sögn Kristínar afar mikilvæg-
ur þáttur í myndinni, er samin af
Lindsey Cooper. Kvikmyndatöku
annast Babette Mangolte, en hún
hefur m.a. unnið með Chantal
Akerman.
Leikmyndin, sem notast verður
við á Langjökli, er einföld í
sniðum, einn kofi, sem nú er verið
að ganga frá.
Hvildarákvæði og helgarviimubönn:
Valda rýrnun á
hráefni og erfið-
leikum í vinnslu
— segir Hjalti Einarsson framkv.stj. SH
„ÞAÐ ER ekki vafi á því að
iagaákvæðið um 10 stunda hvíld
verkafólks frá vinnu og helgar-
vinnubann verkalýðsfélaganna
hefur gert fiskvinnslunni hér á
landi erfitt um vik að undan-
förnu og ekki er vafi á því að
hráefni hefur rýrnað af þessum
sökum. Þó er mér ekki kunnugt
um bcina árekstra vegna þess.
Vandinn hefur yfirleitt verið
leystur á annan hátt." sagði
Iljalti Einarsson. einn af fram-
kvæmdastjórum SH, er Morgun-
blaðið innti hann eftir áhrifum
þessa lagaákvæðis.
„Fiskvinnslan hér á landi er
þannig, að afli berst í mjög
misjöfnu magni á land, og þegar
um aflahrotur er að ræða, er eina
leiðin að vinna mikið til að forða
fiskinum frá skemmdum. Við höf-
um hreinlega ekki efni á að
skemma dýrmætt hráefni á þann
hátt að vinna það ekki. Þess ber
einnig að geta, að þegar afli berst
eins misjafnlega á land og raun
ber vitni, koma dauðir launalitlir
kaflar inn á milli, en það bil hefur
einmitt verið brúað með mikilli
vinnu í aflahrotum.
Þá hefur þetta væntanlega orðið
til þess, að útgerðarmenn hafa
neyðzt til að sigla með aflann og
einnig komið fram í samningum
við starfsfólk og verkalýðsfélög,
sem því miður draga oftast ein-
hvern dilk á eftir sér. Þá hefur
þetta valdið því, að í fiskimjöls-
verksmiðjum hefur verið farið út í
það að draga frídagana saman,
þannig að teknir eru tveir dagar
aðra hvora helgi og verksmiðjurn-
ar þá stöðvaðar, sem vissulega er
rekstrarlega óhagkvæmt. Það er
því ekki nokkur vafi á því, að þessi
lög og helgarbönnin koma fisk-
vinnslunni illa og verða að teijast
hæpin ráðstöfun, þó að þau séu
einnig til góðs í vissum tilvikum,"
sagði Hjalti.
Hermt að
Gervasoni
sé laus
í GREIN í franska blaðinu „Le
Monde" í gær segir. að fallið hafi
verið frá öllum ásökunum á hendur
Gervasoni og að hann geti farið
frjáls ferða sinna. án nokkurra
skuldbindinga.
í samtali Mbl. við Pascal Biquil-
lon, stuðningsmann Gervasonis,
kom hins vegar fram, að lögfræð-
ingur Gervasonis hefði ekki fengið
nein svör um það hvort Gervasoni
hefðu verið gefnar upp allar sakir
endanlega og vissi hann ekki hvaðan
Ije Monde hefði fengið upplýsingar
sínar, né hvort þær væru réttar.
Biquillon sagði, að lögfræðingi
Gervasonis hefði verið lofað svörum
um þetta frá varnarmálaráðuneyt-
inu í dag, fimmtudag.
Forystumenn málmiðnaðarmannafélaga:
Sambandið taki sig út ú?
samningasamflotinu hjá ASÍ
„ÉG GET full.vrt það. að í minu
félagi eru uppi háva'rar raddir
um að Málm- og skipasmiðasam-
bandið taki sig útúr samflotinu
hjá ASÍ og semji sér. Ég er
þeirrar skoðunar að þetta stóra
samflot i samningunum hafi
skert okkar hlut. Ég geri mér
hins vegar fulla grein fyrir því
að vinnandi fólk á Islandi getur
ekki án heildarsamtakanna,
ASÍ, verið. Þess hlutverk ætti
hinsvegar að vera að ná fram
félagslegu hliðinni. sem eitt og
eitt samband gctur aldrei gert.
Ég teldi því afar æskilegt og tel
mig þar tala fyrir munn margra
annarra, að ASl sjái um félags-
legu hlið málanna sem snýr að
ríkisvaldinu. en að sérsambtind-
in sjái hvert fyrir sig um aðra
þætti samningamálanna," segir
Ilaukur Þorstcinsson, gjaldkeri
Félags málmiðnaðarmanna, Ak-
ureyri. m.a. i samtali við Málm,
blað Málm- og skipasmiðasam-
bands tslands. en i fyrsta tölu-
blaði þessa árs birtast m.a.
samtöl við 7 forystumenn félaga
málmiðnaðarmanna. í svörum
allra hinna sex koma fram sömu
og svipuð sjónarmið og hjá
Hauki.
„Það sem menn hafa mest
verið að ræða um undanfarið er
að MSÍ taki sig útúr heildar-
samtökunum og semji sjálft í
næstu samningum og þær raddir
heyrast líka að okkar félag semji
sér,“ segir m.a. Halldór Þor-
steinsson, formaður Málm- og
skipasmiðafélags Norðfjarðar.
„Menn eru ákaflega óhressir með
síðustu kjarasamninga, við gerð
þeirra misstum við yfirborganir
og þegar allt er tiltekið fengum
við ekki nema 6% hækkun."
Stefán Friðþórsson hjá
Sveinafélagi járniðnaðarmanna,
Vestmannaeyjum, segir m.a.: „Ég
hef tekið eftir því meðal okkar
félaga, að þeirri hugmynd vex
fylgi jafnt og þétt, að MSÍ fari
sjálft að semja fyrir málmiðnað-
armenn og hætti þátttöku í
heildarsamningunum. Þær radd-
ir heyrast meira að segja, að við
höfum ekkert innan MSI að gera,
við eigum bara að semja sjálfir
fyrir okkur í Eyjum.“
„Þær raddir sem nú eru uppi
um að MSI taki sig útúr og semji
sjálft í næstu samningum eru
ósköp eðlilegar," segir m.a.
Kristján Guðmundsson, formað-
ur Járniðnaðarmannafélags Ár-
nessýslu. „Sannleikurinn er
nefnilega sá, að við iðnaðarmenn
höfum dregist verulega afturúr í
samningum síðustu ára.“
„Menn eru almennt ánægðir
með margt í síðustu samningum,
eins og til að mynda breytingarn-
ar á launaflokkunum, sem hafa
gert samningana einfaldari.
Hinu er svo ekki að leyna að hjá
okkur eru uppi háværar raddir
um aö MSÍ taki sig útúr heildar-
samningunum og semji eitt og
sér fyrir okkur,“ segir m.a. Jón
Haukur Aðalsteinsson, formaður
Iðnsveinafélags Suðurnesja. Jón
Haukur bendir á, eins og Haukur
Þorsteinsson, hvað ASI þurfi til
að ná fram „félagsmálapökkun-
um“. „Ekkert einstakt félag eða
sérsamband getur náð þeim hlut-
um fram sem ASI,“ segir Jón
Haukur.
Kjartan Guðmundsson, for-
maður Sveinafélags málmiðnað-
armanna, Akranesi, svarar
spurningu um það, hvort félagar
hans séu sæmilega ánægðir með
síðustu kjarasamninga, m.a.:
„Auðvitað eru skiptar skoðanir
þar um eins og alltaf, en það fer
ekki á milli mála að sú skoðun er
almenn og henni vex fylgi meðal
málmiðnaðarmanna á Akranesi,
að Málm- og skipasmiðasam-
bandið eigi að taka sig útúr
samflotinu innan ASÍ við næstu
samninga og semja eitt og sér.
Með því móti telja menn að ýmis
atriði, sem snerta okkur eina,
náist fram, en að þau muni aldrei
nást fram í heildarsamkomulagi
sem ASÍ stendur að. Hitt er
annað mál að menn gera sér
jafnframt ljósa nauðsyn þess að
ASI sjái um félagslegu hlið
samninganna, alls þess er snýr
að ríkisvaldinu og hefur verið
nefnt „félagsmálapakki“.“
Og Tryggvi Sigtryggsson, for-
maður Félags járniðnaðarmanna
á ísafirði, segir m.a.: „En þótt
menn séu sæmilega ánægðir með
síðustu kjarasamninga, er því
ekki að leyna, að okkur, eins og
fleiri málmiðnaðarmönnum, þyk-
ir sem ýms atriði sem snerta
okkur eina hafi orðið útundan í
samningum síðustu ára. Þess
vegna viljum við að MSÍ taki að
sér að semja fyrir okkur og hætti
þá um leið þátttöku í heildar-
samningum innan ASI.“
Jón Ilaukur
Kjartan
Tryggvi