Morgunblaðið - 17.09.1981, Blaðsíða 20

20
MORGUNBLAÐIÐ, FIMMTUDAGUR 17. SEPTEMBER 1981
100 MX-flaugar
faldar í Nevada
New York. 16. sept. AP.
RONALD REAGAN forseti er talinn munu tilkynna að
Bandaríkjastjórn muni koma fyrir 100 MX-eldflaugum
og fela þær i 1.000 neðanjarðarskýlum í Nevada að sögn
„Daily News“ í dag.
Blaðið hefur eftir heimildum í
stjórninni að forsetinn muni
einnig leyfa smíði á fullkomnari
útgáfu af B-l-sprengjuflugvél-
inni, sem Jimmy Carter forseti
hætti við fyrir fjórum árum.
Blaðið segir að forsetinn muni
tilkynna þetta eftir hálfan mán-
uð.
B-1 kæmi í stað B-52 sem hefur
verið bakhjarl sprengjuflugvéla-
flotans síðan á árunum fyrir
1960.
„Daily News“ segir að fyrst í
stað verði smíðaðar 50 til 100
sprengjuflugvélar og hver þeirra
mun kosta 200 milljónir dollara.
Þetta er liður í endurvígbúnað-
aráætlun Reagans, sem vill sýna
Rússum að Bandaríkjamenn ætla
að styðja stefnumið sín með
hernaðarmætti samkvæmt heim-
ildum blaðsins.
Auk þess verður haldið áfram
rannsóknum á svokallaðri
„Stealth“-sprengjuflugvél. Hlut-
irnir, sem sú flugvél verður sett
saman úr, munu ekki sjást í
ratsjám Rússa. Framleiðsla verð-
ur hafin ef það verður talið borga
sig samkvæmt fréttinni.
Gert er ráð fyrir að MX-áætl-
unin muni kosta milli 30 og 70
milljarða dollara.
Færeyskt sjónvarp?
rrá Aricf. fróttaritara Mhl. í Ktrshófn. 16. soptomhor.
LANDSSTJÓRNIN í Færeyjum hefur lagt til í þinginu að sjónvarp
verði tekið í notkun í Færeyjum. Málið verður tekið fyrir 10.
nóvember.
Landsstjórnin leggur til að
útvarpið og sjónvarpið verði
sjálfstæðar stofnanir, en út-
varpsstjóri verði þó einnig for-
maður í sjónvarpsráði. Aðrir
fulltrúar eiga ekki að eiga sæti í
báðum nefndum. Sjónvarpsaf-
notagjald á að vera um 250
krónur, en rekstrarfé sjónvarps-
ins um 1,75 milljónir króna.
Ein ástæðan fyrir því að
landsstjórnin leggur stofnun
sjónvarpsins til nú, er sú, að
sjónvarpssendingar einstaklinga
hafa verið gagnrýndar vegna
sýningarleyfa, en efni sem er
tekið upp úr danska sjónvarpinu
er gjarnan sýnt.
Rússar og Sýrland
í hemaðarbandalag?
Sovézkir sendiráðsmenn fara frá sendiráði Rússa í Kairó eftir
brottvísunina. beir óku á brott í svörtum Mercedes Benz.
Moskvu. 16. sopt. AP.
SOVÉZKA sjónvarpið fordæmdi
Anwar Sadat Egyptalandsforseta
í dag fyrir að reka sovézka
stjórnarerindreka úr landi og
kvað hlægilegar þær ásakanir á
hendur þeim að þeir hefðu kynt
undir trúarbragðadeilur.
„Sadat hefur ákveðið að beina
þrýstingi og öldu mótmæla í
farveg andsovétisma," sagði sov-
ézka sjónvarpið. Þetta eru fyrstu
opinberu viðbrögðin í Moskvu við
brottvísun stjórnarerindrekanna í
gær.
Egypzkir hermálafulltrúar búa
sig undir að loka skrifstofu sinni í
Moskvu og halda heimleiðis í
samræmi við skipun Sadats.
Jafnframt herma arabískar
heimildir að herforingjanefnd frá
Sýrlandi kunni fljótlega að hefja
viðræður í MoskVu, ef til vill undir
forystu sýrlenzka varnarmálaráð-
herrans, Mustafa Tlass hershöfð-
ingja. Fréttin um þessa fyrirhug-
uðu heimsókn fékkst þó ekki
staðfest.
Fulltrúar erlendra ríkja velta
því fyrir sér hvort versnandi
sambúð Rússa og Egypta og horf-
ur á nýjum hermálasamningum
Bandaríkjanna og ísraels kunni að
leiða til enn nánara sambands
Sýrlendinga og Rússa.
Korchnoi segist vera vel búinn
undir heimsmeistaraeinvígið
Wohlon. Sviss. 16. scpt. AP.
VIKTOR Korchnoi lét þau
orð falla í dag, að nú,
hálfum mánuði fyrir
heimsmeistaraeinvígið
milli hans og Anatoly
Karpovs, væri hann mjog
vel undir það húinn, and-
lega og líkamlega, jafnvel
þótt sovésk yfirvöld neit-
uðu enn að hleypa konu
hans og syni úr landi.
Blaðafulltrúi hans, Petra
Leeuwerik, sagði, að ólíkt
því sem væri með Friðrik
Olafsson, forseta Alþjfiða-
skáksamhandsins. þá hefði
Korchnoi aldrei búist við
því að fá fjolskyldu sína til
sín fyrir heimsmeistara-
einvígið, „vegna þess, að
hann þekkir Rússana“.
Heimsmeistaraeinvígið átti
upphaflega að hefjast 19. sept-
ember en Friðrik Ólafsson
Blaðafulltrúi hans
ber Friðrik Ólafs-
son fyrir því, að
fjölskyldu Korch-
nois verði ekki
sleppt fyrr en í
apríl á næsta ári
frestaði því vegna fjölskyldu-
mála Korchnois og ákvað síðar
að það yrði 19. október eftir að
Rússar höfðu gefið góð svör um
lausn málsins. Leeuwerik sagði,
að það væri síðast að frétta, að
Friðrik Ólafsson hefði sagt
Michael Steen, aðstoðarmanni
Korchnois, að Sovétmenn ætluðu
að láta konu Korchnois og son
hans Igor laus í apríl á næsta ári.
Þá mun Igor hafa setið af sér
tveggja ára vinnubúðadóm fyrir
Korchnoi
að neita að gegna herþjónustu.
Petra Leeuwerik sagði, að þær
fullyrðingar Sovétmanna, að
Korchnoi hefði ekki lagt fram
formlega beiðni um fararleyfi
fyrir fjölskyldu sína, væru
„hlægilegar. Allir vita, að Korch-
noi og lögfræðingur hans hafa
Friðrik ólafsson
sent slíkar beiðnir árum saman
og m.a. til Brezhnevs forseta."
Síðustu þrjár vikurnar hefur
Korchnoi hvílst á svissnesku
hressingarhæli, en er nú að hefja
lokaæfingarnar fyrir heims-
meistaraeinvígið á leyndum stað,
til að forðast ágang fréttamanna.
Heimildir í Beirút herma að
Sýrlendingar kunni að hafa mik-
inn áhuga á að ræða hernaðar-
legar hliðar „herfræðilegs banda-
lags“ Rússa og Sýrlendinga. Sýr-
lendingar, sem eru hörðustu ná-
grannar ísraelsmanna, gerðu í
fyrra „vináttu- og samstarfssátt-
rnála" við Rússa og þar er hvatt til
aukinnar hernaðarsamvinnu.
I samningnum er þó aðeins
talað um tafarlaust „samband"
landanna þegar öðru þeirra er
ógnað. „Herfræðilegt bandalag"
gæti leitt til gagnkvæmra skuld-
bindinga um tafarlausa aðstoð.
Ungverskum stjórnarerindreka
hefur einnig verið vísað úr landi í
Egyptalandi fyrir að hafa verið
viðriðinn trúarbragðadeilur. Sov-
ézkum tækniráðunautum í
Egyptalandi hefur einnig verið
sagt upp, en talið er að þeir séu
1500, þótt Egyptar nefni miklu
lægri tölur.
Þá hafa tveir sovézkir blaða-
menn verið reknir úr landi og
hermálaskrifstofu Rússa í Kaíró
hefur verið lokað. Blaðið „A1
Ahram" segir að 17 sovézkir
liðsforingjar hafi starfað í skrif-
stofunni, embættismaður sem sé
líklega KGB-maður auk nokkurs
annars starfsliðs. Egyptar fá ekki
lengur sovézka varahluti.
Talið er að flestir sovézku ráðu-
nautarnir hafi starfað í álveri,
stálveri, skipasmíðastöð, við land-
græðsluframkvæmdir og við
Aswan-stífluna.