Morgunblaðið - 17.04.1984, Qupperneq 32

Op/Ö alla daga frá
kl. 11.45-23.30.
AUSTURSTRÆTI22,
INNSTRÆTI,
SlMI 11633.
Opið ött fimmtudags-. töstu-
dags-. iaugardags- og sunnu-
dagskvöld.
AUSTURSTRÆTI 22.
(iNNSTRÆTI)
SIMI 11340.
ÞRIÐJUDAGUR 17. APRÍL 1984
VERÐ í LAUSASÖLU 20 KR.
Sverrir Hermannsson, iðnaðarráðherra:
Býður hluthöfum Iðnað-
arbankans hlut ríkisins
fyrir 32 milljónir króna
SVERRIR Hermannsson iðnaðarráðherra sendir í dag bréf
öllum hluthöfum Iðnaðarbankans sem eru á milli 1430 og
1440 talsins, þar sem hann tilkvnnir þeim forkaupsrétt þeirra
að 27% hlut rfkisins í Iðnaðarbankanum, og verðleggur iðnað-
arráðherra bréfin á liðlega þrefalt nafnverð eöa 32 milljónir.
Morgunblaðið Júlíus.
Hurðin að undirgangi Glæsibæj-
ar, sem sprengd var upp.
Eldsvoði í Glæsibæ:
Milljónatjón af
völdum íkveikju
MILLJÓNATJÓN varð þegar
eldur kom upp í Glæsibæ aðfara-
nótt mánudagsins. Grunur leikur
á að eldurinn hafi kviknað af
mannavöldum og yfirhevrði
Kannsóknarlögregla ríkisins tvo
menn í gær, en þeim var sleppt í
gærkvöldi. Gldurinn kom upp í
undirgangi, sem liggur að lager
verzlana í Glæsibæ. Hurð að
ganginum hafði verið sprengd
upp og sást til grunsamlegra
mannaferða skömmu eftir að
eldurinn kom upp.
„Sót og reyk lagði um allan
lager hér í kjallara, en auk
þess barst reykur upp í verzl-
unina. Lauslega áætlað nemur
verðmæti lagersins um 16
milljónum króna. Ljóst er að
tjón er gífurlegt og skiptir
milljónum króna," sagði Jó-
hannes Jónsson, yfirverzlunar-
stjóri Sláturfélags Suðurlands,
í samtali við Mbl.
Reykur og sót barst um allar
verzlanir hússins og olli því
mikla tjóni sem varð. „Allur
lager verzlunarinnar eyðilagð-
ist — pottar og pönnur bráðn-
uðu,“ sagði Sigríður Auðuns-
dóttir í búsáhaldaverzlun
Glæsibæjar í samtali við Mbl.
Sjá: „Ljóst er að tjón er
gífurlegt og nemur millj-
ónum króna“ á miðopnu.
„Ég skaut talsvert yfir þau
mörk sem Fjárfestingafélagið
og aðrir ráðgjafar ráðlögðu mér
hvað varðar verðlagninguna,"
sagði Sverrir í samtali við blm.
Mbl. í gærkveldi, „en ég hef þá
trú að þessi bréf seljist engu að
síður, þótt eitthvað hægar verði
en ella hefði orðið. Ég vil frekar
vera ákærður fyrir að okra svo-
lítið en að mér verði álasað
fyrir að gefa eigur ríkisins."
Iðnaðarráðherra sagðist hafa
talið þessa verðlagningu rétt-
lætanlega þar sem afkoma
bankans hefði verið góð á liðnu
ári, og ekkert benti til þess að
það myndi breytast. Hann sagð-
ist hafa boðið upp á viðunandi
kjör í þessu sambandi, þar sem
hann færi fram á að helmingur
yrði greiddur í þremur áföngum
á næstu 10 mánuðum og að 50%
yrðu lánuðð með fullri verð-
tryggingu og löglegum vöxtum
til þriggja ára.
„Ég hef þegar fengið sam-
þykki fyrir þessari ráðstöfun í
ríkisstjórninni," sagði iðnaðar-
ráðherra, „en ég kynni hluthöf-
unum samt sem áður að þetta
tilboð sé háð því að samþykki
Alþingis fáist fyrir sölunni."
ísland mesti
vindrass á
byggðu bóli
VIÐ alþjóðlega rannsókn á vindstyrk á
jörðinni hefur komið í Ijós, að búast
má við meiri vindi á fslandi en í
nokkru öðru byggðu landi á hnettinum.
Gr þá miðað við tíðni vinda og vind-
hraða. Reyndar er ekkert byggt ból
annar eins rokrass og ísland.
Þetta kom fram á Náttúruvernd-
arþingi um helgina, þar sem Einar
B. Pálsson, prófessor, sýndi þing-
fulltrúum kort og benti á, að ekki
væri furða þótt gróður ætti erfitt
uppdráttar og uppblástur mikill, þar
sem mestu vindar á jörðinni væru
sífellt að rifa í landið.
Sjá nánar kort á bls. 17.
Fox flytur vind-
vél til Eyja
Tökur myndarinnar „Gnemy mine“
hófust samkvæmt áætlun í Yestmanna-
eyjum í gær en kvikmyndatæki, starfs-
lið og leikarar komu til Vestmannacyja
síðdegis á laugardag.
Meðal tækja sem notuð eru við
töku myndarinnar er vindvél sem
framleiða á rok í myndina. Um vél
þessa sagði Gísli Gestsson, að Fox-
menn þyrftu að geta ráðið úr hvaða
átt vindur kæmi hverju sinni og þvi
væri hún hingað komin.
Auglýsendur athugið
Auglýsingar sem birtast eiga í
Morgunblaðinu á skírdag þurfa
að hafa borist auglýsingadeild-
inni fyrir kl. 18 í dag, þriðjudag.
Álsteypa reist
við Straumsvík
Fyrirhugað að vinna úr um 300 tonnum af áli fyrsta árið
„VIÐ höfum nú um tveggja ára
skeið gert tilraunir með fram-
leiðslu álbobbinga í veiðarfæri í
góðri samvinnu við íslenska álfé-
lagið. Við höfum sótt um lóð fyrir
álsteypu fyrir austan ÍSAL til að
framleiða bobbinga og fengið vil-
yrði frá Hafnarfjarðarbæ. Verk-
smiðjan tekur væntanlcga til starfa
fyrir áramót," sagði Guðbjartur
Ginarsson, framkvæmdastjóri Vél-
taks í Hafnarfírði, í samtali við
blm. Mbl.
„Fljótandi álið kemur beint frá
ÍSAL og þarf því ekki að bræða
það aftur. Þetta skiptir sköpum
um hagkvæmni verksmiðjunn-
ar,“ sagði Guðbjartur. Reiknað
er með að fyrsta árið vínni ál-
steypan úr um 300 tonnum af áli.
Stofnkostnaður er áætlaður um
11 milljónir króna og reiknað er
með að 10 til 12 manns vinni við
fyrirtækið.
„Undanfarna 8 mánuði höfum
við verið með álbobbinga um
borð í Ársæli Sigurðssyni frá
Hafnarfirði, og fyrirhugað er að
setja slíka bobbinga um borð í
Ögra og Vigra frá Reykjavík.
Kostir álbobbinga fram yfir hina
hefðbundnu stálbobbinga eru
margvíslegir. Þeir eru léttari og
meðfærilegri, en jafnþungir í sjó
og stálbobbingar. Mun þægilegra
er að vinna með þá á dekki og
þeir valda minna sliti. Þá verður
kostnaður við framleiðslu vænt-
anlega svipaður," sagði Guð-
bjartur Einarsson.
Guöbjartur Ginarsson meö bobbinga en rosskúlu sér til hægri handar en
bobbingarnir og kúlan voru framleidd í Véltaki. MorKunbiiM/Kristjín Kinarmon.
60 hassplöntur fundust
Maður handtekinn með 850 grömm af hassi
25 ÁRA Reykvíkingur var handtck-
inn á Keflavíkurflugvelli síðastlióinn
laugardag. í fórum hans fundust 850
grömm af hassi og lítilsháttar af
marihúana.
Maðurinn var handtekinn og
færður til yfirheyrslu, en var
sleppt í gær eftir að fíkniefnadeild
lögreglunnar hafði dregið gæzlu-
varðhaldskröfu til baka. Hann
hefur ekki áður komið við sögu
fikniefnadeildar lögreglunnar.
í framhaldi af handtöku manns-
ins var gerð húsleit í íbúð í
Reykjavík og fundust þar 60 hass-
plöntur og tæki til ræktunar.
Plönturnar og tækin voru gerð
upptæk.