Morgunblaðið - 19.11.1994, Blaðsíða 21

MORGUNBLAÐIÐ
ERLEIMT
LAUGARDAGUR 19. NÓVEMBER 1994 21
Fundu
erfðaefni
risaeðlu
Washington. Reuter.
SCOTT Woodward, vísinda-
manni við Brigham Young há-
skólann i Utah i Bandarikjunum,
hefur tekist að draga erfðaefni,
DNA, úr 80 milljón ára gömlu
risaeðlubeini.
Woodward hefur tekist að
leysa hluta erfðalykils risaeðl-
unnar. Hann sagði í gær, að
enginn þyrfti að óttast að nú
gætu menn hafist handa við ein-
ræktun risaeðla á borð við það
sem kvikmyndahúsagestir
þekktu úr myndinni Júragarðin-
um.
Gjörólíkt
erfðaefni
Skýrt er frá rannsókn Wood-
wards í nýjasta hefti vísindarits-
ins Science. Þar kemur fram að
erfðaefni risaeðlunnar sé gjör-
ólíkt og ekkert skylt erfðaefni
neinna núlifandi dýra. Ekki er
vitað hverrar tegundar risaeðl-
an var. Beinin fundust í kola-
námu í Utah-ríki en alls hafa
fundist steingerðar leifar 14
eðlutegunda á þeim slóðum sem
beinin, sem erfðaefnið var dreg-
ið úr, fundust.
Elsta erfðaefni sem unnið
hefur verið úr steingerfingi til
þessa er 135 milljóna ára. Var
það úr ranabjöllu sem varðveist
hafði í rafi.
Reuter
Kosningasigur í Nepal
ALLT benti í gær til þess að kommúnistaflokkur Nepals myndi
sigra í kosningum, sem fram fóru á þriðjudag. Hófu ráðamenn
hans í gær viðræður við hóp sem klofið hefur sig úr nepalska
kongressflokknum, um hugsanlega stjórnarmyndun. Kommúnist-
ar vonast enn til þess að ná hreinum meirihluta en vilja ræða
sljórnarmyndun, hljóti þeir ekki nægilegt fylgi. A myndinni er
Mana Mohan Adhikari, formaður Kommúnistaflokksins.
Afstaðan til ESB-aðildar í Noregi
Könnunum ber
ekki saman
Fylgismenn aðild-
ar 38,3% sam-
kvæmt meðaltali
þriggja kannana
Ósló. Reutcr.
FLESTAR skoðanakannanir á af-
stöðu norskra kjósenda til aðildar
að Evrópusambandinu, ESB,
sýndu litlar breytingar í gær frá
fímmtudeginum. Ef tekið er meðal-
tal þriggja kannana í gær kemur
í ljós að hlutfall stuðningsmanna
er 38,3%, andstæðingar eru 47,3%
og óákveðnir 14,3%. Fjórða könn-
unin, sem Gallup annaðist, skar
sig úr og sýndi umtalsverða breyt-
ingu; þar voru 39,8% fylgjandi
aðild en 42,9% á móti.
Blaðið Aftenposten birtir könn-
un í dag sem sýnir að 49% eru
andvíg en 38% styðja aðild, óá-
kveðnir eru 13%.
Könnun sem MMI-stofnunin
gerði í Noregi nokkrum dögum
eftir samþykkt Svía 13. nóvember
sýnir að æ fleiri kjósendur úr báð-
um fylkingum gera ráð fyrir því
að aðildin verði samþykkt í þjóð-
aratkvæðinu 28. nóvember. I lok
október töldu aðeins 20 af hundr-
aði að aðild yrði samþykkt, 57 af
hundraði sögðu að hún yrði felld.
Nýja könnunin gefur til kynna að
35% geri ráð fyrir samþykkt, 42%
reikni með höfnun. Hlutfall óá-
kveðinna var svipað í báðum könn-
unum.
Könnun sem gerð var meðal
nemenda í framhaldsskólum og
birt var í fyrradag sýndi að þar
höfðu andstæðingar aðildar 60,3%
fylgi, stuðningsmenn 39,7%. Alls
tóku 449 skólar um allt landið átt
í könnuninni.
Mörg stórfyrirtæki í norskum
fiskiðnaði hyggjast flytja starfsem-
ina til Svíþjóðar ef aðild að ESB
verður felld. Ástæðan er sú að
tollar verða lagðir á afurðir þeirra
í Svíþjóð og Finnlandi þegar löndin
tvö ganga í sambandið um áramót-
in. Um 10.000 manns starfa í fyrir-
tækjunum.
Fiskverð lækkað?
NTB- fréttastofan segir að fram-
kvæmdastjórn ESB leggi til að
verð á þeim fiski sem sjómenn í
sambandinu fá greitt úr sjóðum
sambandsins fyrir þann afla sem
ekki er boðinn upp verði lækkað
um 3-6%. Fjallað verður um tillög-
una á fundi sjávarútvegsráðherra
ESB eftir helgina.
Varnarmálaráðherra Rússlands
sætir harðri gagnrýni
Varar við hruni
hersins vegna
fjárskorts
Moskvu. Reuter.
NIÐURSKURÐUR á fjárveitingum og skortur á fé til launa-
greiðslna ógna rússneska hernum, að sögn Pavels Gratsjovs varnar-
málaráðherra á fundi neðri deildar þingsins, dúmunnar, í gær.
Hart er deilt á Gratsjov, honum er kennt um spillingu og hnignun
hersins og spá margir stjórnmálaskýrendur að hann verði senn að
víkja en Gratsjov segist njóta trausts Borísar Jeltsíns forseta.
Gratsjov sagði herinn fá aðeins
helming þess fjár sem honum hefði
verið heitið á árinu og margir
gæfust upp, alls hefðu 2,600 ungir
liðsforingjar gengið úr hernum.
„Þurfum við her?“
Ráðherrann gagnrýndi fjárlaga-
tillögur þar sem gert er ráð fyrir
enn frekari niðurskurði og bað
þingmenn að hafa öryggi ríkisins
í huga. „Spyrjið ykkur sjálf - þurf-
um við her? Sé svo er það synd
að láta hann veslast upp af fé-
leysi, hálf-svelta hann“. Hann
sagði mikið skorta á að þjálfun
væri nægilega sinnt, þetta ætti við
um landher, flugher og flota og
yrði ekki breyting á gætu varnir
landsins hrunið.
Gratsjov segist munu ríða af sér
storm gagnrýni sem dynur á hon-
um á þingi og úr röðum æðstu
manna hersins. „Eg ætla ekki að
gefast upp“, sagði hann á fundi
með úrvalssveitum fallhlífaher-
manna á fimmtudag. „Ég er sjálf-
ur fallhlífahermaður og barðist auk
þess í Afganistan í fimm ár.“
Varnarmálanefnd neðri deildar
þingsins hvatti sama dag Jeltsín
forseta til að láta sérstaka nefnd
kanna mál Gratsjovs og formaður
hennar ráðlagði honum að segja
af sér strax en að öðrum kosti
yrði hann að sæta yfirheyrslum
þingsins í janúar. Ráðherrann er
m.a. sakaður um að bera sök á
fjármálaspillingu sem er útbreidd
innan hersins. Fyrir skömmu var
blaðamaður, sem kannaði spilling-
una, myrtur í sprengjutilræði og
sumir fjölmiðlar sökuðu Gratsjov
sjálfan um að blandast í málið.
Jeltsín ræðir við
menntamenn
Jeltsín forseti átti fund með
hópi mennta- og mehningarmanna
í gær og hvatti þá öll umbótaöfl
til að sameinast á móti þeim sem
berðust gegn „hvirfilbyl“ umskipt-
anna til markaðsbúskapar. Nauð-
synlegt hefði verið að hefjast strax
handa við umbætur og þess vegna
hefði ekki verið hægt að koma upp
nauðsynlegu félagslegu öryggis-
neti. Almenningur væri þreyttur
og með ofnæmi fyrir stjórnmála-
mönnum; þess vegna væri mikil-
vægt að fá stuðning menntamanna
við breytingarnar.
:::;; mériwJaa,::::::
'■* * ■ ' k* - " ' * * ' * Li ‘J ** ‘rf.' * ■ V “ ‘
þnðjudag: og miðvtkuaag
KBINGLiJNNI:
:SIMl: 689995
__■___
._■...■.. JL.

.■._■.. _a ._■.._■..
■ ■■■■
■ * *_
__■... ■____■_____■____■____■_. *...
L. .*_■___*__BL__■__*___■._
I--■__* .’.* ._*._* ._* ._*
—*__*._*..
.-*.._*._*. *.*.. *.-
.*._*.*.*. *.*.
. *. *.*.
.*. * *
*. *.*.*.. ■ ■ .
*. *.*..*.*.*.
.*.*.*.*.*.
* *. *. *. ■