Morgunblaðið - 01.08.1995, Blaðsíða 12
12 ÞRIÐJUDAGUR 1. ÁGÚST 1995
MORGUNBLAÐIÐ
AKUREYRI
Morgunblaðið/Hilmar T. Harðarson
Heilbrigðisnefnd Eyjafjarðar úrskurðar
um hávaðamengUn af dansleikjahaldi
Hávaði frá
KEA berst yf-
ir á Hörpu
Fólk flúði rigninguna syðra og fyllti
Ijaldstæði norðanlands
Besta helgi sum-
arsins að baki
Bundið við
bryggju
FJÖLDI skemmtiferðaskipa sem
viðkomu hafa á Akureyri í sumar
hefur aldrei verið jafnmikill, eða
37 alls. Nú fer að draga úr skipa-
komum, en farþegarnir af Mermoz
sem lá bundið við Oddeyr-
arbryggju í gærdag hafa eflaust
átt góðan dag í blíðviðrinu norðan-
lands.
Tríó Reykja-
víkur á Lista-
safninu
SÝNING á grafíkverkum eftir Haf-
liða Hallgrímsson tónlistarmann
stendur nú yfir í Listasafninu á
Akureyri en hún er í tengslum við
Listasumar. í tilefni af því verða
tvennir tónleikar í safninu þar sem
flutt verður tónlist eftir Hafliða.
Fyrri tón-
leikarnir
verða annað
kvöld, mið-
vikudags-
kvöldið 2.
ágúst kl.
20.30 en þá
leikur Tríó
Reykjavíkur,
skipað þeim
Halldóri Haraldssyni píanóleikara,
Guðnýju Guðmundsdóttur, fiðluleik-
ara og Gunnari Kvaran, sellóleikara.
Leikin verða verk eftir Hafiiða
Hallgrímsson, samin á árunum 1970
til 1993, Þijú íslensk þjóðlög útsett
fyrir selló og píanó, Svipmyndir fyr-
ir píanó, Solitaire fyrir einleiksselló,
Norrænar svipmyndir fyrir fíðlu og
píanó, Offertó fyrir einleiksfíðlu og
Metamorphoses fyrir píanótríó.
Hafliði er Akureyringur, búsettur
í Skotlandi. Hann varð fyrst þekktur
fyrir sellóleik áður en hann snéri sér
að tónsmíðum sem hann sinnir nú
nær eingöngu.
HEILBRIGÐISNEFND Eyjafjarðar
hefur í úrskurði sínum gefíð for-
svarsmönnum Hótels KEA frest til
1. nóvember næstkomandi til að
draga úr hávaða vegna dansleikja-
halds en eigendur Hótels Hörpu
hafa lengi barist fyrir því að svo
verði gert. Hótelin eru samliggjandi
og berst hávaði frá KEA yfir til
Hörpu þegar dansleikir eru haldnir.
Guðmundur Ámason, hótelstjóri
Hótels Hörpu, sagði að samninga-
umleitanir hefðu staðið yfír frá því
nýir eigendur tóku við rekstri hótels-
ins sumarið 1992 en þær hefðu siglt
í strand og því verið leitað álits lög-
fræðings og væri úrskurður heil-
brigðisnefndar Eyjafjarðar byggður
á því. Úrskurður nefndarinnar er á
þá leið að nauðsynlegum endurbót-
um vegna hávaðamengunar verði
að ljúka eigi síðar en 1. nóvember
næstkomandi.
Ómæld óþægindi
„Við fögnum því að þessu
ófremdarástandi linni, hávaði sem
berst yfir á hótelið til okkar þegar
haldnir eru dansleikir á KEA hefur
valdið okkur ómældum óþægindum
og tjóni," sagði Guðmundur en bætti
við að Hörpumenn væru síður en svo
á móti dansleikjahaldi á Hótel KEA,
þeir vildu einungis að endurbætur
yrðu gerðar þar sem hávaði væri
yfir leyfilegum mörkum.
Gunnar Karlsson, hótelstjóri á
Hótel KEA, sagði að afstaða til úr-
skurðar heilbrigðisnefndar hefði
ekki verið tekin, hann hefði nýlega
borist og lykilmenn væru í sumar-
leyfum. „Það er spurning hvort við
sætum þessum úrskurði eða áfrýjum
til stjórnar hollustuverndar, en
möguleiki er á því sættum við okkur
ekki við þessa afgreiðs!u,“ sagði
Gunnar.
Einfaldur veggur milli
hótelanna
Gunnar sagði að húsin hefðu ver-
ið byggð fyrir um 50 árum og þá
hefðu kröfur og þekking verið með
öðrum hætti en nú. Húsin hefðu
staðist allar kröfur þess tíma, en
hljóðmengun væri vissulega of mik-
il miðað við hertar kröfur frá árinu
1992. Hann sagði að þegar húsa-
kynnum hefði verið breytt fyrir
nokkrum árum hefði verið vandað
sérlega til hljóðeinangrunar, sér-
staklega frá salnum þar sem dans-
leikir eru haldnir og það tekist vel,
enginn hávaði bærist inn á herberg-
in á Hótel KEA. Gallinn væri sá
að veggurinn milli húsanna væri
einfaldur og benti hann á að eigend-
um Hörpu hefði verið kunnugt um
hvaða starfsemi færi fram í salnum
handan veggjarins. Spurningi væri
því sú hvort KEA-mönnum bæri
einum að kosta úrbætur. „Við höf-
um enn ekki tekið afstöðu til þessa
máls, en munum gera það alveg á
næstunni," sagði Gunnar.
FERÐAFÓLK af suðvesturhluta
landsins var áberandi á tjaldstæð-
um á Akureyri og nágrenni um
helgina og eru Ijaldverðir sam-
mála um að allra besta helgi sum-
arsins sé að baki. Helsta ástæða
góðrar gistinýtingar um liðna
helgi telja tjaldverðir vera rign-
ingu á sunnanverðu landinu og
góða veðurspá norðanlands.
„Þetta er besta helgi sumars-
ins,“ sagði Ingvar Ivarsson, tjald-
vörður á tjaldstæðinu á Akureyri,
sem var smekkfullt yfir alla helg-
ina. Hann sagði að um 550 manns
hefðu verið á svæðinu hvora nótt
um helgina, aðfaranótt laugar-
dags og sunnudags, en þá hefði
fólk farið að tygja sig til brottfar-
ar.
Algjör toppur
Met var sett á tjaldstæðinu í
júnímánuði þegar gistinætur urðu
2.557 talsins, en hafa að jafnaði
verið um 1.500 síðustu árin. „Það
voru hér margir í kringum polla-
mót í knattspyrnu og hundasýn-
ingu í júnímánuði sem skýrir þessa
aukningu," sagði Ingvar. Júlí var
að hans sögn rólegur fram af enda
þá fremur kalt í veðri, en síðustu
tvær helgar mánaðarins voru
mjög góðar. „Og algjör toppur um
síðustu helgi þannig að þetta
stefnir einnig í að vera góður
mánuður," sagði hann.
„Það hefur rignt fyrir sunnan
síðustu daga og þá steymir fólkið
norður, ég held að það sé aðal-
skýringin á því hversu margt fólk
var hér um helgina," sagði hann.
Á fimmtudagsmorgun verður
opnað tjaldstæði í Kjarnaskógi og
sagði Ingvar að fjölskyldufólki,
útlendingum „og þeim sem vilja
svefnfrið" yrði beint þangað, en
um komandi helgi, verslunar-
mannahelgina, verður hátíðin
Halló Akureyri haldin í bænum.
„Það var mikið af fólki hér um
verslunarmannahelgina í fyrra og
við erum farin að safna kröftum
fyrir þá næstu."
Á flótta undan rigningunni
„Það var nánast allt fullt hjá
okkur aðfaranótt laugardags og
örfá stæði laus á laugardags-
kvöld,“ sagði Sigurbjörg Þor-
steinsdóttir á tjaldstæðinu Húsa-
brekku handan Akureyrar, en þar
voru um 500 manns í tjöldum og
öðru gistirými um liðna helgi.
„Það var mikið að gera, þetta var
besta helgin það sem af er sumri,“
sagði hún.
Góða veðurspá norðanlands
taldi hún vera helstu skýringu á
fjölda gesta á svæðinu. „Það má
segja að megnið af fólkinu hér
hafi verið af sunnanverðu landinu,
fólk sem var að flýja rigninguna."
Mikil lausaumferð
Fremur dræm nýting hefur ver-
ið á tjaldsvæði við Hrafnagil í
Eyjafjarðarsveit það sem af er
sumri, en um nýliðna helgi varð
algjör sprenging. „Það var allt
gjörsamlega troðið og varla hægt
að koma niður tjaldi til viðbótar,"
sagði Laufey Leifsdóttir hjá Hótel
Vin sem sér um rekstur tjaldsvæð-
isins á Hrafnagiii.
Á milli 60 og 70 tjöld voru á
tjaldstæðinu um helgina og um
200 manns. „Þetta er tvímælalaust
besta helgi sumarsins," sagði
Laufey. „Við fáum enga hópa
hingað, byggjum allt á lausaum-
ferð og hún var mikil um liðna
helgi enda veðrið gott og við erum
dálítið háð því.“
Um næstu helgi verður efnt til
Ættarmóts Helga magra á
Hrafnagili og bjóst Laufey við fjöl-
menni. Undirbúningur er í fullum
gangi, reist hefur verið nokkurs
konar sirkustjald þar sem verða
skemmtanir og einnig er verið að
reisa á svæðinu timburhús sem
hýsa mun sölutorg.
Morgunblaðið/Hilmar T. Harðarson
SVISSLENDINGARNIR Urs Vollenweider, Tania Gachet og
Stefan Briitsch á tjaldsvæðinu á Akureyri í gær, en þau hafa
verið á ferðalagi um Island síðustu tíu daga. Næst liggur leiðin
að Hveravöllum og síðan ætluðu þau að Geysi.
Qz
ásútgáfan
Glerárgötu 28 - Akureyri
Áskriftarsími 462 4966
ÚBVltó*"
FAWU'11'
^úlíbœkumar eru k
omnar
[C)vi6wvi&/slfrn,a
Saga mánaðarins