Morgunblaðið - 31.10.1995, Qupperneq 4

4 ÞRIÐJUDAGUR 31. OKTÓBER 1995
MORGUNBLAÐIÐ
FRÉTTIR
Oddvitinn á Flateyri bjartsýnn á að hægt verði að útvega byggingarlóðir á eyrinni fyrir þá sem vilja
Skipuleggja
þarf byggð-
ina upp á nýtt
Magnea Guðmundsdóttir, oddviti á Flateyri,
og Einar Oddur Kristjánsson alþingis-
maður segja að nú sé höfuðáherslan lögð á
að koma atvinnulífínu í gang og útvega
fólki húsnæði. Þau eru spör á yfirlýsingar
um framtíðina í samtölum sem Helgi
Bjamason átti við þau í gær en Magnea
er bjartsýnni en áður á að mögulegt verði
að útvega töluvert af lóðum til framtíðarupp-
byggingar á eyrinni.
FYRST liggur fyrir að
skipuleggja þessa byggð
upp á nýtt, það sem eftir
er af henni. Nýta óbyggð
svæði og þétta byggðina. 011
áhersla er lögð á að koma sem
flestum í húsaskjól hér á staðnum,
þeim sem það vilja og mér sýnst
það vera töluverður fjöldi,“ segir
Magnea Guðmundsdóttir, oddviti
Flateyrarhrepps, þegar rætt er við
hana um framtíðina á Flateyri.
Ánægð að sjá fólkið aftur
Magnea segist ekki vita hvort
þeir Flateyringar sem fóru í burtu
eftir að snjóflóðið féll séu famir
að huga að heimferð. Hún segir
að margir hafi komið til að vitja
eigna sinna og í öðrum erinda-
gjörðum. „Ég er óskap-
lega ánægð að sjá fólkið
aftur. En framhaldið fer
eftir því hvernig okkur
tekst að útvega því hús-
næði. Lögð verður
áhersla á að koma eins mörgum
fyrir hér á staðnum og mögulegt
er á meðan verið er að byggja
þetta upp aftur.“
Hún segir að jafnhliða ráð-
stöfunum til bráðabirgða sé verið
að undirbúa varanlegar fram-
kvæmdir. Frumskilyrðið sé að
leggja fram nýtt skipulag og ef
það takist að ert verði byggt ofan
Ránargötu enda hafi endinn á flóð-
inu náð alla leið þangað niður. „Og
eftir þessi ósköp eigum við eftir
að sjá hvar rauða línan endar, hún
gæti lent mun neðar. Hugsanlega
getur hún orðið ofar hinum megin
á eyrinni, við Brimnesveginn. Fólk
sem býr á þessu svæði má fara
heim til sín en ég veit ekki til
þess að neinn hafi gert það. Ég
fór heim til mín í Ólafstún í fyrra-
kvöld í fyrsta skipti eftir að ósköp-
in dundu yfir en ég sá ekki ljós í
neinu húsi, drungi lá yfír öllu.“
Dýrt að byggja upp
annars staðar
- Sýnist þér að þið getið byggt
upp sambæriiegt samfélag þarna
á eyrinni, eða þurfið þið
að leita annað?
„Maður getur betur
gert sér grein fyrir því
þegar nýtt skipulag hef-
ur verið sett niður á
blað, hvað hægt verður að koma
mörgum íbúum þarna fyrir. En
mér fínnst ekki koma til greina
að fara að hugsa um önnur svæði
á meðan við eigum sjálf eitthvert
land. Það er ekki skynsamlegt
vegna þess hvað það yrði dýrt að
byija upp á nýtt annars staðar.
Eg á ekki von á öðru en að
Áherslan
lögðá
eyrina
Morgunblaðið/Árni Sæberg
FRÁ hreinsunarstaffinu á Flateyri í gær. Lögð var áherzla á að persónulegum munum fólks yrði
bjargað. Hér hefur mynd fundizt heil í húsarústum.
Sameiningin myndi engu
breyta um þetta. Við verðum
hverfi í þessu nýja sveitarfélagi
og fólkið velur sér hverfi til að
búa í. Við þurfum að geta tekið
á móti þeim sem vilja búa áfram
í Flateyrarhverfi og því mun sam-
einingin sem slík engu breyta,
þótt það yrði niðurstaðan. Þá
verður líka að taka skýrt fram
að þótt sameining sé vissulega í
umræðunni er hún ekki orðin að
veruleika og okkur ber skylda til
bregðast við strax.“
Hef trú á Kambi
- Atvinnulífið á Flateyri hefur
verið á uppleið eftir ákveðna erf-
iðleika. Óttast þú ekki bakslag
vegna atburðanna í síðustu viku?
„Nei, ég hef svo mikla trú á
því fólki sem rekur Fiskvinnsluna
Kamb, þetta er hörkuduglegt
fólk. Það hefur byggt þetta fyrir-
tæki upp jafnt og þétt síðastliðin
tíu ár og ég hef ekki trú á því
að það gangi neitt til baka hjá
því. Keyptir hafa verið tveir nýir
bátar, annar er kominn og von
er á hinum til hafnar á næstu
dögum.
Flateyri á sér langa útgerðar-
sögu og ég á ekki von á að breyt-
ing verði þar á og að þetta fan
hægt og bítandi af stað aftur.
Ég vona bara að fyrirtækinu tak-
ist að fá nógu margt fólk til
vinnu,“ segir Magnea Guðmunds-
dóttir oddviti.
Morgunblaðið/Árni Sæberg
MAGNEA Guðmundsdóttir, oddviti á Flateyri, og Einar Oddur
Kristjánsson alþingismaður.
okkur stæði til boða að athuga
með byggingarland í Holti í Mo-
svallahreppi. En ég tel að það sé
ekki skynsamlegt að huga að því
strax, ekki á meðan einhver vill
byggja eyrina en það á eftir að
koma betur í ljós hvernig verður
með það. Á meðan fólk vill þiggja
lóðir þar verður höfuðáherslan
lögð á það svæði."
Sameiningin breytir engu
- Mun fyrirhuguð sameining
sveitarfélaganna á norðanverðum
Vestfjörðum og tilkoma jarð-
ganganna í Breiðadalsheiði
breyta einhverju um þetta. Fólk.
gæti hugsanlega búið á ísafirði
eða á öðrum þéttbýlisstöðum í
nýja sveitarfélaginu en unnið á
Flateyri?
„Hvort sem við sameinumst
eða ekki, getur fólk búið þar sem
það vill á svæðinu. Reyndar hef
ég ekki verið að hugsa um sam-
einingu undanfarna daga og
vaknaði aftur upp við það í gær
að sú vinna þarf að halda áfram.
Einar Oddur Kristjánsson alþingismaður segir mikilvægt að atvinnulífið haldi áfram af fullum krafti
Byggðin verður
aldrei sú sama
„VIÐ vitum öll að byggðin okkar
verður aldrei sú sama. Það gera
allir sér grein fyrir því. Við verð-
um hins vegar að gera það sem
við getum til að tryggja að at-
vinnulífið haldi áfram af fullum
krafti,“ segir Einar Oddur Krist-
jánsson, alþingismaður frá Flat-
eyri, þegar hann er spurður um
afleiðingar snjóflóðanna fyrir
staðinn og atvinnulífið á FÍateyri.
Einar Oddur vill fara varlega
í yfirlýsingar um framtíðina.
Segir að óvissuþættirnir séu svo
margir og svo verði að gefa fólk-
inu þann tíma sem það þarf til
að átta sig, enn sem komið er sé
ekki hægt að ætlast tilþess að
það geti áttað sig á hlutunum.
Nauðsyn að koma
frystihúsinu í gang
„Við lítum á það sem mjög
mikla nauðsyn að koma frysti-
húsinu í gang því hversdagurinn
tekur nú við og í vinnunni felst
ákveðin fróun. Við áttum þó
nokkuð hráefni og er vinnsla
hafin og svo reynum við að koma
bátunum út. Síðan verður fram-
haldið spilað eftir eyranu," segir
Einar Oddur. Hann gerir sér
vonir um að það takist að fá
nægilega margt fólk til starfa
en segir ekki gott að spá fyrir
um hversu langan tíma það taki.
Hann segir að skelfiskvinnsla
hefjist ekki alveg strax hjá Vest-
firskum skelfiski. Ákveðið hafi
verið að nota þetta tækifæri til
að setja Æsu, skip fyrirtækisins,
í slipp. Mönnum hafi þótt rétt
að gera hlé á þessari vinnslu á
meðan svona fáliðað væri á Flat-
eyri. Vinnslan færi siðan í gang
einhvern tímann á næstu vikum.
„Við erum í óskaplegum vand-
ræðum vegna húsnæðisleysis,
fyrst og fremst vegna þeirra
húsa sem eyðilögðust en til við-
bótar kemur það húsnæði sem
talið er óíbúðarhæft vegna snjó-
flóðhættu. Nýtt hættumat liggur
ekki fyrir, eins og gefur að skilja,
og á meðan svo er verður hver
og einn að meta það hvort hann
treystir sér til að flytja inn í
þessar íbúðir eða ekki. Við reikn-
um ekki með að búið verði í
mörgum húsum þarna ofan til,
kannski ekki neinu, og við erum
því i miklum vandamálum. Við
erum að reyna að leysa þau eins
og við getum, með bráðabirgða-
húsnæði og með því að stefna að
því að lagfæra og endurbyggja
mikið af gömlum húsum sem eru
niðri á eyrinni og grípa til ann-
arra þeirra ráða sem við höfum
þessa mánuðina. Við getum ekki
gefið yfírlýsingar um framhaldið,
það verður bara að koma í ljós,
en ég held að það sé samdóma
álit allra að við byggjum ekki
aftur á því svæði sem snjóflóðið
fór yfir,“ segir hann.
Einar segir, aðspurður um það
hvort til greina gæti komið að
hefja uppbyggingu í Holti í Ön-
undarfirði, þar seni í sumar var
byijað að skipuleggja íbúðar-
byggð, að þar væri um framtíðar-
hugmyndir að ræða. Framtíðin
yrði að leiða það í ljós hvernig
sú hugmynd þróaðist. „Það er
ekki hægt að ætlast til þess að
menn viti hvað þeir vilja á þess-
ari stundu. Það verður hver að
fá sinn tíma og það má enginn
vera með neinar yfiriýsingar eða
þrýsting á fólk í þessu sam-
bandi,“ segir hann.
Viss um stuðning stjórnvalda
Einar Oddur segist vera sann-
færður um stuðning stjórnvalda
við nauðsynlegar ráðstafanir á
Flateyri og hafi verið það frá
upphafi. „Það liggur fyrir að af
hálfu stjórnvalda verður allt gert
sem í þeirra valdi stendur. Það
er auðvitað óskaplega erfitt að
eiga við svona mál, en ég lít þann-
ig á að allir hinir bestu menn _
hafi verið fengnir til hjálpar- Eg
er ekki í neinum vafa um vilja
manna og getu til að gera allt
sem hægt er,“ segir Einar Oddur
Kristjánsson.