Morgunblaðið - 31.10.1995, Page 22

22 ÞRIÐJUDAGUIt 31. OKTÓBER 1995
MORGUNBLAÐIÐ
-
LTTA
Í&EFNA
,.tj f-
Á hesta sírtð i bwnum
SKIPHOLT 17
105 REYKJAVÍK
SÍMI 551 2323

BLDGGATJOED
VIÐSKIPTI
Ný tölvu-
símaskrá
BÓKAÚTGÁFAN Aldamót hefur
sent frá sér Tölvusímaskrána 95,
en eins og nafnið bendir til er
hér um símaskrá á tölvutæku
formi að ræða. Að sögn Matthías-
ar Magnússonar, framkvæmda-
stjóra Aldamóta, er í þessari
símaskrá hægt að nálgast upplýs-
ingar um heimilisföng, símanúm-
er og faxnúmer flestra íslenskra
fyrirtækja, stofnana og félaga,
auk þess sem þar er að finna
netföng og heimasíðuslóðir rúm-
lega 200 fyrirtækja. Matthías
segir að ætlunin sé að uppfæra
símaskrána 4 sinnum á ári og
geti notendur hennar valið tíðni
uppfærslna.
Auk þess að vera hefðbundin
símaskrá getur forritið leyst
ýmis verk af hendi fyrir notand-
ann, að sögn Matthíasar. „Forrit-
ið getur útbúið margvíslega lista,
prentað dreifibréf og prentað á
límmiða. Auk þess er hægt að
láta það vinna upp skrár og flyija
þær yfir í nánast hvaða Windows
forrit sem er. Ef notandinn hefur
internettengingu getur hann
smellt á einn hnapp og þá er
hann kominn inn á heimasíðu
viðkomandi fyrirtækis. Með
sama hætti getur hann látið for-
ritið hringja fyrir sig, ef tölvan
er tengd við síma.“
Skráning í Tölvusímaskrána
er fyrirtækjum að kostnaðar-
lausu. Þegar hafa verið skráð
um 6.000 fyrirtæki og segir Matt-
hías að gert sé ráð fyrir því að
búið verði að færa öll fyrirtæki
inn um næstu mánaðamót. Hann
segir að forritið kosti 12.800
krónur með vsk. og þegar sé
búið að selja það tæplega 400
aðilum.
Morgunblaðið/Jón Svavarsson
FJÖLMENNT var á stofnfundi Íslensk-kínverska viðskiptaráðsins.
Mikill áhugi á við-
skiptum
STOFNFUNDUR Íslensk-kínverska
viðskiptaráðsins var haldinn í húsa-
kynnum Félags íslenskra stórkaup-
manna sl. föstudag. Að sögn Stefáns
S. Guðjónssonar, framkvæmdastjóra
FÍS, ríkir mikil ánægja með þau við-
brögð sem stofnun viðskiptaráðsins
hefur fengið, en þegar hafa um 90
íslensk fyrirtæki _gerst aðilar að því.
í máli_ Jóns Asbjörnssonar, for-
manns FÍS, kom fram að menn vilji
horfa í allar áttir, hvað viðskipta-
tækifæri varðar, og æskilegt sé að
heimsviðskiptin séu eins frjáls og
opin og mögulegt er. Jón lagði
áhérslu á að stórkaupmenn séu mót-
fallnir hvers konar viðskiptahöftum
og viðskiptablokkum.
Orkan byrjar
um miðjan
nóvember
STEFNT er að því þijár bensínstöðv-
ar hins sameiginlega fyrirtækis
Skeljungs, Hagkaups og Bónus, Ork-
unnar hf., verði opnaðar um miðjan
nóvember.
Stöðvarnar eru við verslun Bónuss
í Kópavogi og við verslanir Hag-
kaups á Eiðistorgi og á Akureyri.
Eins og fram hefur komið er um að
ræða sjálfsafgreiðslustöðvar án
nokkurra starfsmanna og er gert ráð
fyrir að bjóða þar bensín og díselolíu
á umtalsvert lægra verði en verið
hefur hjá olíufélögunum.
við Kína
Á fundinum talaði einnig Gua
Haibin, fulltrúi viðskiptaskrifstofu
Kína í Evrópu, CCPIT, en skrifstofan
hefur aðsetur í London. Haibin bauð
fram aðstoð skrifstofunnar við að
koma á viðskiptasamböndum við
Kína, en hann er ekki með Öllu
ókunnugur íslensku viðskiptalífi þar
sem hann var viðskiptafulltrúi við
kínverska sendiráðið hér á landi fyr-
ir 12 árum.
Oft á tíðum er litið til stórkaup-
manna sem innflutningsaðila fyrst
og fremst. Stefán segir markmiðið
með stofnun þessa viðskiptaráðs þó
langt því frá að vera eingöngu til
að stuðla að innflutningi. Útflutning-
urinn sé alveg jafn mikilvægur þátt-
ur í starfsemi ráðsins. „Ástæða þess
að við réðumst í stofnun þessa fé-
lags er fyrst og fremst sú að Félag
íslenskra stórkaupmanna er félag
fyrirtækja í milliríkjaviðskiptum.
Okkar félagsmenn hafa verið að
horfa í vaxandi mæli til Kína og
hafa átt viðskipti við landið, bæði
beint og óbeint. Við töldum þetta
því vera rökrétt og eðlilegt framhald
af þvi og með þessu viljum við styðja
við bakið á okkar félagsmönnum,“
segir Stefán.
Á fundinum var Sigtryggur S.
Einarsson í XCO kosinn formaður
viðskiptaráðsins, en auk hans voru
15 aðilar kosnir í stjórn sem síðan
mun hún skipa þriggja manna fram-
kvæmdastjórn úr sínum röðum. Stef-
án segir að Félag stórkaupmanna
muni annast daglegan rekstur við-
skiptaráðsins og veita alla þá ráð-
gjöf sem félagsmenn sækist eftir.
Hugbúnaður
Kínverjar
töpuðu í
höfunda-
réttarmáli
Peking. Reuter.
DÓMSTÓLL í Peking hefur
fundið kínverskt fyrirtæki sekt
um brot á höfundarétti í fyrsta
sinn og Microsoft-fyrirtækið
gerir sér vonir um skaðabætur.
„Við vonum að þetta hafi
fordæmisgildi," sagði talsmað-
ur Microsofts. „Við fögnum
úrskurðinum, þótt málið hafi
tekið langan tíma.“
Dómstóllinn komst að þeirri
niðurstöðu að tölvufyrirtækið
Ju Ren hefði fjölfaldað og selt
Autocad, Lotus 1-2-3,
Windows 3.0, Microsoft Word,
WordPerfect og fleiri forrit.
Microsoft, Autodesk Inc og
Word Perfect Application
Group höfðuðu málið í febrúar
1994.
Talið er að dómstóllinn kveði
upp úrskurð um skaðabætur í
nóvemberbyijun. Búizt er við
að þær verði verulegar.
Viðskiptavinir Ju Ren hafa
fengið að velja hugbúnað með
einkatölvum, sem fyrirtækið
hefur selt, að minnsta kosti
síðan síðari hluta árs 1993
samkvæmt kínverskum blaða-
fréttum.