Morgunblaðið - 08.02.1996, Blaðsíða 25

MORGUNBLAÐIÐ
_________AÐSENPAR GREINAR______
Styttri biðlistar á leikskóla
NÝSAMÞYKKT
fjárhagsáætlun
Rey kj avíkurborgar
fyrir árið 1996 ber þess
merki að skólamálin í
víðustu merkingu þess
orðs eru enn í for-
gangi. Myndarlegu
átaki í dagvistarmálum
er haldið áfram í þeim
tilgangi að vinna á hin-
um hvimleiðu biðlistum
eftir leikskólarýmum í
borginni.
90% aukning
frá ’94 til ’95
Á árinu 1995 var
varið 415 milljónum
króna til uppbyggingar í leikskóla-
málum en það var 90% aukning frá
árinu 1994. Þá var hafist handa
við að byggja þijá nýja leikskóla, í
Rimahverfi, Laugarneshverfi og á
Háskólasvæðinu. Ennfremur var
byggt við átta eldri leikskóla og
fímm skóladagheimili tekin undir
starfsemi dagvistar barna. Þannig
voru á árinu 1995 tekin í notkun
240 ný heilsdagsrými á leikskólum
borgarinnar, en einnig var hlutur
heilsdagsrýma aukinn almennt á
eldri leikskólum þannig að alls fjölg-
aði þeim um 400 á árinu.
400 ný rými árið 1996
Nú er reiknað með að á því ári
sem er nýhafíð fjölgi um sem svar-
ar 350-400 heilsdagsrýmun, en þar
munar mestu að teknir verða í notk-
un leikskólarnir þrír sem áður er
getið um. Að auki má búast við að
rýmum fjölgi nokkuð á eldri leik-
skólum í kjölfar nýrra viðmiðana í
reglugerð um leikskóla sem skapar
möguleika á betri nýt-
ingu margra eldri leik-
skóla. Á þessu ári verð-
ur lokið við fram-
kvæmdir við leikskól-
ana í Rimahverfi,
Laugarneshverfi og á
Háskólasvæðinu en að
auki hefjast fram-
kvæmdir við tvo nýja
leikskóla, í Borgahverfi
og í Bústaðahverfí.
Ennfremur verður
byggt við tvo til þrjá
eldri leikskóla og einu
skóladagheimili verður
breytt í leikskóla,
Seljakoti í Seljahverfi.
Loks verður gerður nýr
gæsluvöllur á mörkum Engja- og
Rimahverfa.
Biðlistinn styttist
Til viðbótar þeim byggingafram-
kvæmdum sem hér hafa verið rakt-
ar, hefur borgin komið til móts við
þarfír barnafólks með ýmsu öðru
móti, t.d. með auknum rekstrar-
styrkjum til einka- og foreldrarek-
inna leikskóla og niðurgreiðslum á
dagvistargjöldum hjá dagmæðrum.
Áformað er að þessari stefnu verði
fylgt áfram þannig að fjármunir til
þessa málaflokks nýtist sem best
til að auka þjónustu við börn á leik-
skólaaldri og foreldra þeirra. Reikn-
að er með að í árslok verði nær
eingöngu böm yngri en 2ja ára á
biðlistum Dagvistar barna.
Fjölbreytt þjónusta
Meginmarkmiðið með þjónustu
Dagvistar barna á að vera að bjóða
börnum á leikskólaaldri fjölbreytta
þjónustu á eins hagkvæman máta
Kostnaður borgarsjóðs,
segir Árni Þór Sig-
urðsson, við hvert barn
á ieikskólum hefur farið
lækkandi
og unnt er. Sérstaklega ber að
leggja áherslu á að sem flestir fái
notið þjónustu Dagvistar en að hún
verði ekki bundin við forgarigshópa
eins og tíðkaðist til skamms tíma.
Með sívaxandi framboði á leik-
skólarými þarf samhliða að vinna
markvisst að því að hagræða í
rekstri leikskólanna þannig að
kostnaður við þjónustuna verði
hvorki foreldrum né skattgreiðend-
um ofviða. Að þessu er sífellt unn-
ið og til marks um það má benda
á að kostnaður borgarsjóðs við
hvert barn á leikskólum borgarinn-
ar hefur farið lækkandi undanfarin
ár. Þannig var heildarkostnaður á
hvert barn um 270 þúsund á ári
árið 1991 en var á árinu 1995 um
247 þúsund. Lætur nærri að lækk-
unin sé um 10%. Þessi árangur
hefur náðst þrátt fyrir að heils-
dagsrýmum hafi fjölgað á kostnað
hálfsdagsrýma en þau fyrrnefndu
eru talsvert dýrari í rekstri eins
og að líkum lætur. Það þarf því
engum að dyljast að barnafólk
hefur nú þegar orðið áþreifanlega
vart við stefnubreytingu í sínum
málum í Reykjavíkurborg.
Höfundur er borgnrfulltrúi og
formaður stjórnar Dagvistar
barna.
Árni Þór
Sigurðsson
Bókmenntaverðlaun Halldórs Laxness
/
500.000 KRONA
VERÐLAUNAFÉ!
Bókaforlagið Vaka-Helgafell stofnaði á
síðasta ári til Bókmenntaverðlauna Hall-
dórs Laxness, í samráði við fjölskyldu
skáldsins. Megintilgangur verðlaunanna
er að efla íslenskan sagnaskáldskap og
stuðla þannig að endurnýjun íslenskrar
frásagnarlistar.
Bókmenntaverðlaunin verða veitt í fyrsta
sinn á hausti komandi.
VERÐLAUNIN
Vaka-Helgafell leggur fram verðlaunaféð sem
nemur 500 þúsund krónum en við verðlauna-
upphæðina bætast venjuleg höfundarlaun sam-
kvæmc rammasamningi Rithöfundasambands
íslands og Félags íslenskra bókaútgefenda.
Verðlaunin verða veitt fyrir nýja og áður óbirta
íslenska skáldsögu eða safn smásagna, að undan-
genginni samkeppni sem er öllum opin.
Frestur til að skila handritum í samkeppni
þessa árs er til 15. apríl 1996. Þau skal senda til
Vöku-Helgafells, Síðumúla 6, 108 Reykjavík, merkt
„Bókmenntaverðlaun Halldórs Laxness". Handritin
eiga að vera merkt dulnefni en rétt nafn fylgi með
í lokuðu umslagi.
Bókin sem verðlaunin hlýtur mun koma út hjá
Vöku-Helgafelli sama dag og verðlaunin verða
afhent en að því er stefnt að það verði í lok
nóvembermánaðar.
DÓMNEFND
Ætlunin er að Bókmenntaverðlaun Halldórs
Laxness verði veitt árlega. Komist dómnefnd hins
vegar einhverju sinni að þeirri niðurstöðu að
ekkert handritanna sem skilað er inn verðskuldi
verðlaunin getur hún ákveðið að veita þau höfúndi
sem talinn er hafa auðgað íslenskar bókmenntir
með verkum sem þegar hafa verið gefin út.
SAMKEPPNIN ÖLLUM OPIN
ftrekað skal að samkeppnin um Bókmenntaverð-
laun Halldórs Laxness eru öllum opin hvort sem
þátttakendur hafa áður gefið út bækur eða ekki.
Við hvetjum því jafnt unga sem aldna höfunda
til þess að senda handrit sín í keppnina.
Að samkeppni lokinni geta þátttakendur vitjað
handrita sinna hjá Vöku- Helgafelli.
Upplýsingar um samkeppnina veitir
Pétur Már Ólafsson í síma 550 3134
milli kl. 9 og 17.
VAKA-HELGAFELL Síðumúla 6 108Reykjavík Sími 5503000