Skírnir - 01.01.1890, Side 104

104 AMERÍKA.
þjóðveldi eru miklu meiri líkur en áður til þess að því verði
framgengt.
Ameríkumenn eru stórhuga í fleiru en þessu. þeir ætla
að hafa sýningu mikla árið 1892 í minning þess, að þá eru 400
ár liðin síðan Ameríka fannst. Sú sýning á að verða stór-
kostlegri en nokkur sýning hefur áður verið. Á henni verður
reistur turn, sem á að vera tvöfalt hærri en Eiffelturninn.
Edison ætlar að sýna á henni ýmsar nýjar uppgötvanir eptir
sjálfan sig. New York og Chicago keppa um heiðurinn að
hýsa sýninguna, og er ekki hægt að sjá, hver bærinn verður
hlutskarpari.
Hinn 30. apríl voru liðin 100 ár síðan Washington tók við
forsetatign í Bandaríkjunum. þann dag söfnuðust allir ríkis-
stjórarnir (Governors) um Harrison forseta í New York. Yar
haldin guðsþjónusta og sat Harrison í stól Washingtons í
kirkjunni og biblía hans og sálmabækur voru brúkaðar o. s.
frv. Ollum afkomendum embættismanna undir stjórn Was-
hingtons var boðið í stórveizlu og hringt klukkum um öll Banda-
ríkin.
Út af selveiðum norðan til í Kyrrahafinu voru dylgjur
milli Bandaríkjanna og Englands. Amerískt herskip sveim-
aði um og gerði upptækt það, sem ensk skip höfðu veitt,
og jafnvel skipin sjálf.
Blaine kallaði líka saman sjómannafund af flestum þjóð-
um í heimi f Washington, og voru þar gerðar ýmsar samþvkkt-
ir viðvíkjandi sjómennsku og sjóferðum. Blaine er stórhuga
og stórvirkur. Hann lét smíða járnbrautarvagna handa full-
tróum hinna amerísku ríkja og lét síðan fylgja þeim um
öll Bandaríkin í 6 vikur og sýna þeim allan arð og öll mann-
virki, sem tilkoinumest voru í Bandaríkjunum. En þeir létu
ekki freistast, og árangurinn af fundinum er lítill, að því er
virðist.
Mannalát-
Emile Augier, hinn frægasti leikritahöfundur Frakka, sem
nú var uppi, dó þetta ár, 69 ára gamall. Hann var skáld gott,