Fréttablaðið - 21.05.2001, Síða 6

6
FRÉTTABLAÐIÐ
21. maí 2001 MÁNUDAGUR
SPURNING DAGSINS
Hafa einkarvæðingaráform rík-
isstjórnarinnar mistekist ?
Nei, en fjárfestingar rikisvaldsins í gegnum
opinbera aðila - sérstaklega Landsvirkjun -
hafa hreinlega verið meiri en það sem
einkavætt hefur verið [ogj það sem er brýn-
ast núna er að skipta Landsvirkjun upp og
einkavæða hana.
Pétur H. Blöndal, 10. þingmaður Reykvíkinga, er 56
ára doktor I stærðfræði og einarður baráttumaður
fyrir einkavæðingu og gegn ríkisafskiptum.
LAUSIR ÚR HALDI:
IVIóðir fagnar því að sonur hennar snýr
aftur heill heilsu.
Kólumbía:
Gíslum sleppt
úr haldi
vígasveita
villanueva, kólumbIu - ap Rúmlega 200
verkamenn sem hægrisinnaðar víga-
sveitir tóku í gíslingu á þriðjudag
sneru til síns heima í gær. Mennirnir
höfðu verið hnepptir í gíslingu þegar
þeir sneru aftur frá vinnu og voru
yngstu mennirnir valdir úr hópnum,
smalað upp í bíla og ekið á brott.
Markmið vígasveitanna var að fá
mennina til liðs við sig en vígasveit-
irnar hafa barist við hópa vinstris-
innaðra skæruliða. Gíslunum var
boðið að ganga til liðs við vígasveit-
irnar og lofaó launagreiðslum en
þeim var sleppt á miðvikudag þegar
stjórnarhermenn tóku að nálgast þá.
Því hefur verið haldið fram að
vígasveitirnar njóti stuðnings afla
innan kólumbíska hersins og hefur
það valdið bandarískum stjórnvöld-
um áhyggjum en þau styðja kól-
umbísk stjórnvöld í baráttu þeirra
við fíkniefnasala. Sveitirnar tengjast
einnig fíkniefnasölum og eru ábyrg-
ar fyrir morðum á þúsundum manna
á undanförnum árum. ■
—♦—
BSRB:
Mótmælir lög-
um á sjómenn
sjómenn BSRB mótmælir harðlega
lögum ríkisstjórnar um bann við
verkfalli sjómanna. í ályktun banda-
lagsins kemur m.a. fram að lögin
svipta sjómannastéttinni samnings-
rétti og séu því skýlaus brot á mann-
réttindum. Auk þess hafa verið færð
rök fyrir því að lögin standist ekki
stjórnarskrá íslands og alþjóðlegar
samþykktir sem lúta að vinnurétti og
mannréttindum. BSRB krefst þess
að sjómönnum verði þegar í stað
færður samningsréttur þannig að
þeir geti samið um kjör sín eins og
aðrar stéttir. ■
| ERLENT [
Kosningabaráttan í Bretlandi
snýst nú um að ná til ellilífeyris-
þega. Flokkarnir keppast um að
sannfæra þá um að málefni þeirra
verði á oddinum á næsta kjörtíma-
bili og nota til þess alls kyns uppá-
komur. Könnun sem gerð var meðal
500 ellilífeyrisþega bendir til að 50%
þeirra muni kjósa Verkamannaflokk-
inn, 31% íhaldsflokkinn og 12%
Frjálslynda.
Ölvunarakstur:
Ok beint í mark
Óprúttnir aðilar nota illa fengin greiðslukortanúmer:
Kreditkortasvindl gerð útlæg
kretidkort Greiðslukortafyrirtækin
VISA og Europay ísland standa nú í
breytingum á posavélum fyrirtækja
á landinu. Þegar breytingarnar eru
afstaðnar munu einungis síðustu sex
tölur greiðslukorts viðskiptavinarins
birtast á hans afriti greiðslukvittun-
arinnar. Eins og hlutunum er háttað í
dag birtast bæði gildistími kortsins
og fullt kortanúmer - nokkuð sem
bíður hættunni heim komist kvittunin
í hendur óprúttinna aðila.
„Flest fyrirtæki eru með þannig
prentara að nótan prentast í tvíriti en
það sem koma skal eru svokallaðir
„Thermal“ prentarar sem prenta
kortnúmer og gildistíma einungis út á
eintaki söluaöila," sagði Hörður Vals-
son, yfirmaður rásþjónustu Greiðslu-
miðlunar sem þjónustar bæði VISA
og Europay. Hörður sagði að hann
vissi dæmi um að óvandaðir einstak-
lingar notfærðu sér kortaupplýsingar
sem þeir yrðu sér út um af týndum
eða glötuðum nótum, en að það myndi
heyra sögunni til þegar þessir nýju
prentarar væru komnir í notkun alls
staðar. Ekki er kominn endaleg dag-
setning á það hvenær allir íslenskir
söluaðilar verða komnir með prentar-
ana, en aðspurður sagði Hörður að
það væri í nánustu framtíð. ■
SVINDLIÐ BURT
Með nýju prenturunum verður reynt
að koma í veg fyrir kreditkortasvindl.
umferðin. Töluverður erill var hjá lög-
reglunni í Reykjavík um helgina. Ölv-
aður ökumaður missti stjórn á bíl sín-
um aðfaranótt sunnudags með þeim
afleiðingum að hann ók í gegnum
girðingu á KR-vellinum og beint á
annað markið. Að sögn lögreglu voru
frekar margir teknir fyrir ölvun-
arakstur aðfaranótt sunnudags og í
gærmorgun eða alls 12 ökumenn. ■
| LÖGREGLUFRÉTT |
Ráðist var á mann á Tryggvagötu í
miðborginni klukkan rúmlega sjö
í gærmorgun og hann sleginn í andlit-
ið og sparkað í hann iiggjandi. Mað-
urinn var fluttur á slysadeild með
sjúkrabifreið, en hann kenndi eymsla
í síðu og var með áverka í andlitinu.
TÓBAKSSTRlÐ
Átök virðast fara harðnandi á milli kaupmanna og borgar um aðferðir til að framfylgja tóbaksvarnarlögum gagnvart unglingum.
Unglingar sem tálbeitur
Kaupmenn hóta málssókn gegn borginni verði einhverjir sviptir söluleyfi á tóbaki.
Sakaðir um að snúa hlutum á hvolf.
tóbaksvarnarlög Samtök verslunar
og þjónustu hafa gert athugasemdir
við það að í könnun borgaryfirvalda
á sölu tóbaks til unglinga séu ung-
lingar notaðir sem tálbeitur gagn-
vart verslunareigendum.
Sigurður Jónsson framkvæmda-
stjóri samtakanna segir að það sé
ólöglegt að fá unglinga til að taka
þátt í lögbroti. Hann telur einsýnt
að einhverjir verslunareigendur
muni fara í mál við borgina ef þeir
verða sviptir söluleyfi á tóbaki á
grundvelli þeirra kannana sem
gerðar hafa verið um tóbakssölu til
unglinga.
Hrannar B. Arnarsson formaður
heilbrigðis- og umhverfisnefndar
segir að það sé alveg skýrt í sínum
huga að það séu ekki unglingarnir
sem séu að brjóta tóbaksvarnarlögin
heldur þeir sem selja þeim tóbak.
Hann telur því að í þessum málflutn-
ingi sínum séu hagsmunasamtök
smásölukaupmanna að snúa hlutun-
um á hvolf og reyna að drepa málinu
á dreif. Hann segir að það væri stór-
mannlegra af kaupmönnum að leita
leiða til að bregðast við þessu vanda-
máli og horfa þá til þess árangurs
sem þegar hefur náðst. í því sam-
bandi bendir hann á að frá því átak-
ið gegn tóbakssölu til unglinga hófst
hefur þeim fækkað umtalsvert sem
uppvísir hafa verið að því að selja
unglingum tóbak í borginni, eða úr
68% í 42%.
Á næstunni mun heilbrigðiseftir-
lit borgarinnar senda út áminningar
til þeirra sem staðnir hafa verið að
því að brjóta tóbaksvarnarlögin. Eft-
irlitið mun jafnframt tilkynna þeim
22 sölustöðum sem gerst hafa sekir
um það í þremur könnunum að selja
unglingum tóbak að þeir muni verða
sviptir tóbakssöluleyfi í samræmi
við samþykkt heilbrigðis- og um-
hverfisnefndar. Hrannar B. telur lik-
legt að það muni ekki koma til fram-
kvæmda fyrr en borgarlögmaður
hefur svarað athugasemdum kaup-
manna. Þeir hafa sem kunnugt er ve-
fengt lögmæti þessara „þvingunar-
aðgerða" af hálfu borgarinnar í þeir-
ra garð.
grh@frettabladid.is
Aform um að stækka
Droplaugarstaði
Mikill skortur á hjúkrunarrýmum. Biðtími verði þrír
mánuðir. Nýtt hjúkrunarheimili í Mörkinni.
hjúkrunarheimili I lok sl. mánaðar
voru 267 aldraðir Reykvíkingar á
biðlista eftir hjúkrunarrými. Þar af
voru 231 í mjög brýnni þörf. Vegna
skorts á plássum hefur biðtími verið
nokkuð langur, eða tæpir átta mánuð-
ir hjá þeim sem eru í mjög brýnni
þörf. Helgi Hjörvar formaður félags-
málaráðs segir að borgin og heil-
brigðisráðuneytið hafi sett sér það
markmið að biðtími eftir plássi verði
þrír mánuðir. Til þess að svo geti orð-
ið þarf hins vegar að fjölga hjúkrun-
arrýmum umtalsvert.
í þeim efnum er m.a. til skoðunar
að byggja tvær hæðir ofan á Drop-
laugarstaði í samræmi við tillögu
sem sjálfstæðismenn hafa flutt í fé-
lagsmálaráði. Það er talið hag-
kvæmara en að byggja aðeins eina
hæð eins og ráðgert var í fyrstu. Auk
þess er talið að þessi stækkun sé
mjög hagkvæm með tilliti til bygg-
ingakostnaðar. Við það mundu fást 26
hjúkrunarrými í einbýli á hvorri
hæð, eða samtals 52 hjúkrunarrými.
Við þessa breytingu mundu verða um
100 hjúkrunarrými á Droplaugar-
stöðum. Á fundi félagsmálaráðs var
samþykkt að vísa tillögunni til um-
sagnar formanns stjórnar Droplaug-
arstaða.
Þá er verið að byggja nýtt hjúkr-
unarheimili í Sóltúni með um 100
DROPLAUGARSTAÐIR
Verði byggðar tvær hæðir ofan á hjúkrunarheimilið mundi rýmum fjölga um tæplega
helming.
hjúkrunarrýmum fyrir aldraða. Þá
hafa farið fram viðræður á milli
sjálfseignarstofnunarinnar Markar-
holts og heilbrigðisráðuneytisins um
rekstur á nýju hjúkrunarheimili og
ýmsum öðrum þjónustuúrræðum
fyrir aldraða. Formaður félagsmála-
ráðs segir að borgin hafi gefið Mark-
arholti vilyrði fyrir rúmlega 20 þús-
und fermetra landi í Mörkinni undir
þessa áformuðu starfsemi sína.
Helgi segir að enn sem komið er
sé aðeins Sóltúnið fast í hendi. Hann
bendir á að rekstur hjúkrunarheimila
sé greiddur af ríkinu og fyrir hverju
nýju hjúkrunarrými þarf fjárveit-
ingu á fjárlögum. Það ræðst því af
þeim fjárveitingum hversu hratt sé
hægt að ganga á þessa biðlista.
grh@frettabladid.is