Skólablaðið - 01.04.1914, Blaðsíða 10
58
SKÖLABLAÐIÐ
Fluttust þau þá um haustið til Hafnarfjarðar, þar hafði
Valgerður kent undanfarin ár við baraskólann. Varð Jón skóla-
stjóri við skóla þann um haustið. Hélt hann stöðu þeirri þang-
að til 1912, að hann var ekki lengur fær um að gegna stöðu
sinni vegna heilsuleysis.
Jóni Iét kensla mætavel, var hann bæði skemtinn og skýr.
Vann hann sér hylli nemenda sinna með blíðu og stillingu.
Haustið 1908 keypti hann blaðið Fjallkonuna og stjórnaði
henni nokkurn tíma.
Lagði hann þá að sér meiri vinnu en hóflegt var, þar sem
hann gegndi bæði fullkomnu skólastarfi og ritstjórn blaðsins.
Varð hann þá að vaka á nóttum við ritstörf, þegar dagur
entist ekld.
Vinir hans réðu honum frá að kaupa blaðið, en skoðana-
bræður hans í stjórnmálum höfðu betur og náðu fylgi hans.
Vini hans óraði fyrir því, að blaðakaupin myndu ekki
verða honum til happs.
Endirinn varð líka sá, að þegar Jón lét af hendi blaðið
aftur, var hann þrotinn að heilsu og félaus orðinn.
Veturinn 1910 til 11 veiktist hann af tæringu. Fluttist hann
þá á Vífilsstaðahælið og var þar árlangt.
Fór hann heim heldur fyr en skyldi og tók þá við störfum.
Gekk þá umgangsveiki í kaupstaðnum, og lagði bún hann í
rúmið á ný, og náði hann sér aldrei eftir það. Var hann þá
fluttur á hælið enn og var þar til dauðadags, 5. jan. þ. á.
íslenska þjóðin stendur í óbættri sök við hann eins og alla
aðra, sem vinna í sama vingarði og hann vann, vinna að fræðslu
upprennandi kynslóðar; hún hefur notið kraftanna og hæfileik
anna, skyldurækninnar og árvekninnar, — en goldiö með svelti,
sársauka og dauða.
Allan þann tima, sem Jón lá sjúkur kostuðu vinir hans og
kunningjar hann, fórst þeim stór-drengilega við þau hjón á
hörmungatíma þeirra.
Jón og Vaigerður eignuðust 4 börn og lifa þrjú þeirra.
Jón var gáfaður maður og víðsýnn. Hann var áhugasamur
um landsmál. Hugsaði hann mikið og lét sig margt skifta í
þjóðfélaginu. Bindindismálinu var hann hfyntur óg kennara-