Skólablaðið - 01.04.1914, Blaðsíða 13

SKOLABLAÐID
61
Bækur.
Norsk lærerkaiender 1914: 3, árg.
J. W. Cappelens Forlag. Kria.
Svo heitir nokkurskonar vasabók handa kennurum,
sem stjórn styrktarsjóðs kennarafélags Moregs annast um að
gefin sé út. Vasabókin kom út í 3. sinn nú um síðastl.
nýár. — Fremst ar aimanak á annari blaðsíðu hverrar opnu,
en hin síðan er auð, og er hún ætluð til að skrifa á „til
minnis“. í þessum árg. (1914) koma næst ýmsar hagfræði-
legar töfiur, en meiri hluti þeirra er aðeins um Noreg, en
hinar eru fróðlegur samanburður milli annara landa. þá kem-
ur ritgerð um norskan albýðukennara, Óla Vig, og fylgir
mynd af honum. þá koma smápistlar um skólamálin; meðal
þeirra er einn, þar sem talað er um nauðsyn þess, að kenn-
araskólarnir taki upp kenslu í ensku eða þýsku. þá eru birt
lög kennarafélags Noregs, og ýmiskonar frásagnir um störf
þess, starfsmenn og áhugamál. Sömuleiðis er grein um fé-
lag sænsku barnakennaranna, og samandregnar upplýsingar
um samskonar félög í flestum löndum Evrópu. Næst koma
fréttir og frásagnir um það í mentamálunum, sem athygli
vekur, hvar sem er, og er einmitt nú að gerast í heiminum
umhverfis okkur. Ýmsar hugvekjur og fróðleik má upp úr
þeim lestri hafa þá eru upplýsingar um ýms námsskeið
fyrir kennara, sem haldin eru bæði á Norðurlöndum og
víðar. Auk þess eru ýmsar töflur til minnis, t. d. eðlisþunga
hluta, stærð og fólksfjölda landa o. fl. þá eru eyðublöð
undir stundaskrár, einkunnir, útlán bóka o. fl. Ennfremur
gegnumstungin blöð til úrrifs og margt fl. Kort af Noregi
og Kristjaníu er límt inn í bókina.
Bókin er rúmar 200 bls. alls í venjulegu vasabókar-
broti, en kostar þó aðeins kr. 1,25 í dágóðu bandi, en í
vönduðu skinnbandi 2 kr. 25 aur.
Eg álít bókina mjög eigulega í alla staði, og eigi spillir
það fyrir, að styrktarsjóðurinn nýtur alls ágóða af útgáf-
unni.