Dagblaðið Vísir - DV - 31.07.1990, Side 13
ÞRIÐJUDAGUR 31. JÚLÍ 1990.
13
Lesendur
Álver er ekki byggðamál
- öll þjóðin hágnast ef rétt er staðið að málum
Haraldur Baldursson skrifar:
Álmálið svokallaða er nú komið út
í algjöra vitleysu. Stjórnvöld hafa
verið óspör á yfirlýsingar um stað-
setningu og sundrað þannig þjóðinni
í þessu mikla hagsmunamáli.
Samningsstaða íslendinga gagn-
vart Atlantsálhópnum er orðin veik
og nú heyrast fréttir þess efnis að
hópurinn sé alvarlega farinn að velta
fyrir sér öðrum staðsetningarmögu-
leikum. Þá væri ísland dottið út úr
mýndinni og aðrar þjóðir, líklegast
Kanadamenn, myndu njóta góðs af
stóriðjunni.
Stjómvöld og landsmenn aliir
verða að byrja að gera sér grein fyr-
ir því að öll íslenska þjóðin mun
hagnast á nýju álveri. Álmálið er
ekki eitthvað afmarkað byggðamál.
Fyrst og fremst verður að huga að
kostnaði við byggingu álversins og
hverju það gæti skilað í íslenska rík-
iskassann.
Ef nýja álverinu er valinn skyn-
samlegur staður, þar sem hægt væri
að halda kostnaði í lágmarki, hagn-
ast öll þjóðin á því. Hins vegar er
fáránlegt að íslendingar fari að borga
stórar fjárhæðir til að álverið verði
byggt á stað sem eingöngu verður
fyrir valinu vegna einhverrar óljósr-
ar byggðastefnu.
En þetta er því miður það sem virð-
ist vera í deiglunni. Stjórnvöld hafa
Að mati bréfritara mega íslendingar ekki borga með nýju álveri til að það
verði staðsett utan suðvesturhornsins og tapi svo á öllu saman.
veikt samningsaðstöðu okkar íslend-
inga með því að bjóða Atlantsál-
hópnum skattaívilnanir og lægra
orkuverð ef álverinu verður valinn
staður utan suðvesturhomsins. Þá
væri svo komið aö við værum farin
að borga með álverinu og að lokum
myndu íslendingar tapa á samningn-
um.
Væri þá ekki betur heima setið en
af stað farið?
Nauðungaruppboð
2. og síðara á jörðinni Vallarhjáleigu (50%), Hvolhreppi, þingl. eigandi
Lúðvik Gizurarson verður haldið í skrifstofu embættisins, Austurvegi 4,
Hvolsvelli, þriðjudaginn 31. júlí 1990 kl. 15.00. Uppboðsbeiðandi er Guð-
jón Ármann Jónsson hdl.
Sýslumaður Rangárvallasýslu
Auglýsing
um að álagningu launaskatts á árinu
1990 sé lokið.
Tilkynningar (álagningarseðlar), er sýna launaskatt
sem skattstjóra ber að ákvarða, hafa verið póstlagð-
ar. Hér er annars vegar um að ræða launaskatt skv.
4. gr. laga nr. 14/1965 um launaskatt með áorðnum
breytingum, þ.e. á reiknuð laun manna við eigin at-
vinnurekstur eða sjálfstæða starfsemi og á hlunnindi
sem ekki eru greidd í peningum, og hins vegar launa-
skatt skv. 3. gr. sömu laga sem greiða bar af greidd-
um launum á árinu 1989.
Kærur vegna álagðs launaskatts, sem skattaðilum
hefur verið tilkynnt um með álagningarseðli 1990,
þurfa að hafa borist skattstjóra eða umboðsmanni
hans eigi síðar en 29. ágúst 1990.
31. júlí 1990.
Skattstjórinn í Reykjavík, Gestur Steinþórsson.
Skattstjórinn í Vesturlandsumdæmi, Stefán Skjaldarson.
Skattstjórinn i Vestfjarðaumdæmi, Ólafur Helgi Kjartansson.
Skattstjórinn í Norðurlandsumdæmi vestra, Bogi Sigurbjörnsson.
Skattstjórinn í Norðurlandsumdæmi eystra, Gunnar R. Einarsson.
Skattstjórinn í Austurlandsumdæmi, Karl Lauritzson.
Skattstjórinn í Suðurlandsumdæmi, Hreinn Sveinsson.
Skattstjórinn í Vestmannaeyjum, Ingi T. Björnsson.
Skattstjórinn í Reykjanesumdæmi, Sigmundur Stefánsson.
Roger Waters, fyrrverandi Pink
Floyd-meðlimur, átti veg og vanda
af uppfærslu „The Wall“ í Berlín.
Takk fyrir
Vegginn
Jón Jóhannsson hringdi:
Ég vil þakka ríkissjónvarpinu kær-
lega fyrir að leyfa þjóðinni að sjá tón-
leikana um Vegginn í Berlín þann
21. júlí. Þetta voru alveg frábærir
tónleikar og á ríkissjónvarpið mikla
þökk skilda.
ásldlur sér rétt til að stytta
bréf og símtöl sem birtast á
lesendasíðum blaðsins.
McDonald’s
til íslands
Sigrún skrifar
Ég er nýkomin úr minni fyrstu ferð
til Bandaríkjanna. Þar lærði ég að
meta McDonald’s-hamborgara. Því-
líkt hnossgæti og þvilíkt nammi!
Það er bara eitt sem ég skil ekki.
Af hverju hefur þessi hambprgara-
keðja ekki hreiðrað um sig á íslandi.
Er eitthvað í lögum sem bannar að
hér séu settir upp slíkir staöir eða
vill enginn setja upp McDonald’s-
hamborgarastað hér á landi?
Ég veit að fjöldi fólks elskar
McDonald’s-hamborgara og myndi
örugglega sækja slíkan stað hér á
landi. Ég skora því á framtakssama
menn að opna einn slíkan í Reykja-
vík, hvar annars staðar?
Þá mun ég glaðbeitt skeiða af stað
og panta mér einn ostborgara með
frönskum og kók.
Sigrún vill fá bandarísku McDonald’s-hamborgarana til Reykjavikur.
ÚTSALAN
HEFST
Á
MORGUN
REYKJAVÍKURVEGI 62, HAFNARFIRÐI,
SÍMI 651680