Dagur - 07.06.1985, Blaðsíða 6
6-DAGUR-7. júní 1985
• Fríðrík Erlingsson leggur síð-
ustu hönd á uppstillingu; vatnsker-
ið atarna er 350 lítra.
Mynd: Viðar
20 sekúndna auglýsing er engin
SMÁA UGLÝSING
• Uppstilling fyrir „skot“ sem tekur 2 sekúndur í sýningu. Það virðist ekki
flókið mál að mynda eina glerplötu, en það kostaði ófá handtökin og tók
tímana tvo að losna við óæskilega glampann úr glerinu. Mynd: Viðar
í sjónvarpinu í kvöld verður frumsýnd auglýsing sem Samver
sf. á Akureyri gerði fyrir Ispan. Þessi auglýsing er ekki lengri
en gengur og gerist, kannski ósköp svipuð öðrum auglýsing-
um. En ófá handtökin liggja að baki einnar sjónvarpsauglýs-
ingar. Dagur forvitnaðist um það hvernig þessi auglýsing varð
til hjá Samveri.
Hugmyndin að auglýsingunni er komin frá auglýsingastof-
unni Augliti á Akureyri, og þar var hún einnig hönnuð. Það
var Friðrik Erlingsson sem sá um það. Því næst var haldinn
samráðsfundur með starfsmönnum Samvers, þeim Þórarni
Ágústssyni og Viðari Garðarssyni, málin rædd vítt og breitt,
hvað væri hægt að gera og hvað ekki. Þegar endanleg mynd
var komin á handritið var það borið undir viðskiptavininn,
sem samþykkti það.
Þá var lagt í ’ann. Leikmynd var smíðuð í stúdíói Samvers
- þar var fljótlega risinn myndarlegur stofuveggur. Nokkurn
tíma tók að fá alla þá leikmuni sem til þurfti, en þau mál kom-
ust í höfn. Meðal annars var sett upp 350 lítra fiskabúr fullt af
vatni. Ráðinn var leikari, Gestur Einar Jónasson.
Þegar að tökum kom breyttist handritið nokkuð, en slíkt er
ekki óalgengt. Að tökum loknum kom til kasta þeirra Sam-
versmanna að klippa auglýsinguna fram og til baka þar til
endanleg útgáfa var komin. Hún var síðan hljóðsett. Síðasta
skrefið áður en í auglýsingatíma kom, var skoðun hjá sjón-
varpinu, þar sem gengið var úr skugga um að allar siðareglur
auglýsinga væru virtar.
Og það er sem sagt í kvöld sem frumsýningin er. - KGA
• Gustar um Gest. Gestur Einar í hlutverki sínu í auglýsingunni.
Mynd: Páll A. Pálsson.
• Viðar Garðarsson hengir upp gardínustöng á „stofuvegginn“ í stúdíói
Samvers. Mynd: Þórarinn