Dagur - 07.06.1985, Blaðsíða 7
7. júní 1985- DAGUR-7
,fig er skyldur
öðnan hverjum
marmi hér“
- Ögmundur Knútsson á línunni
- Frystihúsið á Grenivík
- Góðan dag. Er Krístleifur
Meldal við?
- Nei, því miður. Hann er
farinn í sumarfrí, en Ögmundur
Knútsson er í hans stað.
- Get ég fengið að trufla
hann stutta stund?
- Augnablik.
Það liðu ein þrjú augnablik
þar ti! sagt var: „Ögmundur".
- Komdu sæll, Ögmundur.
- Blessaður.
- Hvar er aðalverkstjórinn ?
- Hann fór í sumarfrí í bú-
stað í Ólafsfirði.
- Ekki hefur hann farið
langt, sigldi hann yfir fjörðinn?
— Nei, hann fór keyrandi
„landleiðina".
- Ert þú þá aðalverkstjóri í
fjarveru hans?
- Það á að heita svo, já.
- Er nóg að gera í fiskinum
hjá ykkur á Grenivík?
- Nei, því miður er það ekki
þessa stundina.
- Hvað veldur?
- Við erum ekki nema með
einn bát núna sem fiskar fyrir
okkur, svo það koma alltaf
gloppur inn á milli.
- Hvað gerið þið við fólkið,
sendið þið það heim ?
- Sem betur fer er það nú
ekki svo slæmt. Við fáum fisk
frá Útgerðarfélagi Akureyringa,
svo það er stöðug vinna í átta
tíma á dag.
- Hvaða fiskur hefur það
verið?
- Það hefur aðallega verið
þorskur upp á síðkastið.
- Þú sjálfur, hvað ertu húinn
að vinna lengi í fiski?
- Ég hef unnið í fiski frá tólf
ára aldri.
- Hvað ertu gamall?
- Tuttugu og þriggja.
- Fórstu þá beina leið í fisk-
inn eftir að skólanámi lauk?
- Ég kom við í Fiskvinnslu-
skólanum í Reykjavík og var
þar í tvö ár. Það nám veitir mér
réttindi í frystihúsum, auk
fiskmats. Það heitir víst fisk-
tæknir.
- Ögmundur, nú átt þú
heima á Akureyri. Keyrirðu á
milli?
- Já, ég keyri á milli. Enda
farinn að þekkja veginn eins og
handarbakið á mér.
- Hvað er langt að fara, og
hvað ertu lengi að keyra?
- Það eru 46 km og ég er um
40 mínútur að keyra þetta. En
þetta fer illa með bílana get ég
sagt þér.
- Þú byrjar snemma að vinna
á morgnana, býrð á Akureyri.
þarftu þá ekki að vakna snemma
til að fara í vinnu?
- Ég vakna rúmlega sex, en
blessaður þetta vcnst.
- Sefurðu þá ckki út um helg-
ar þcgar þú átt frí?
- Jú, jú, ég sef til svona 11 á
frídögum.
- Þú ert tuttugu og þriggja
ára og segist vera ólofaður.
- Ég er ólofaður, hef ekki
tíma til að standa í slíku núna.
- Er ekki nóg af fallegum
stúlkum á Grenivík?
- Jú, það er alveg sægur af
þeim hér, en ég hef ekki tíma til
að hugsa um það í augnablikinu.
- Hvað ertu að gera í augna-
blikinu?
- Ég er að tala við þig í
símann, en annars er ég og
reyndar við hér í frystihúsinu að
vinna ufsa.
- Er ufsi góður til vinnslu ?
- Hann er þokkalegur, ann-
ars er best og skemmtilegast að
vinna þorskinn, enda gefur hann
mest af sér ef vel er unnið.
"'Vy::.
"'ykg;.
- Ætlar þú í sumarfrí?
- Það verður væntanlega lítið
um það, því ég er að vinna fyrir
skólaskuldunum.
- Voru þær miklar?
- Já, nokkuð.
- Varstu á námslánum?
- Nei, hins vegar er ég að
greiða ýmis önnur skammtíma-
lán sem ég tók.
- Verður þá ekkert um
sumarfrí?
- Það getur verið að maður
skreppi eitthvað stutt til út-
landa, annars er ég ekkert búinn
að ákveða það.
- Er þetta skemmtilegt starf
sem þú stundar?
- Já, það getur verið mjög
skemmtilegt.
- Hvaða starf mundir þú
kjósa þér ef þú starfaðir ekki
sem verkstjóri á Grenivík?
- Ég mundi velja mér eitt-
hvert annað starf innan fisk-
iðnaðarins. Ég hef unnið í fiski
frá því ég byrjaði að vinna. og
þekki lítið annað.
- Ætlarðu að vera á Grenivík
í framtíðinni?
- Framtíðin verður að ráða
því. Ég hef ekkert velt þessu
fyrir mér. Ég er svo ungur að
það er tími fyrir svoleiöis vanga-
veltur á næstunni.
- Þú ert sem sagt ungur og
ólofaður. býrð heima hjá pabba
og mömmu og hefur það gott.
En fyrst þú ert svo ánægður á
Grenivík, sannar það ekki að
þar býr gott fólk ?
- Það er engin spurning, hér
býr úrvals fólk. Enda er ég ætt-
aður héðan, það má segja að ég
sé skyldur öðrum hverjum
manni hér.
- Ögmundur. þakka þér fyrir
spjallið og gangi þér vel i ut'san-
um.
- Þakka þér í sama, blessað-
ur. gej
Auglýsing
frá Fjórðungssjúkrahúsinu
á Akureyri
Frá og með 10. júní 1985 flytur göngudeild
F.S.A. í nýbyggingu sjúkrahússins.
Gengið inn um anddyri að vestan.
Reiðhjólakeppnin
laugardaginn 8. júní kl. 1 e.h.
Skráning í Dynheimum
föstudaginn kl. 2-6 e.h.
Keppt verður í tveimur aldurshópum 13-14 ára,
fædd 1971 og 1972.
12 ára og yngri, fædd 1973 til 1976.
Piltar keppa sér og stúlkur sér.
Keppnin verður tvíþætt.
í fyrsta lagi akstursþrautir og í öðru lagi akstur
um götur bæjarins, tveggja kílómetra leið.
(Báðir aldurshópar). Auk þess hjólar eldri hópurinn
tveggja kílómetra malarveg „rallyleið",
á þeirri leið verður tímataka.
Þrír fyrstu í hverjum flokki fá verðlaun.
10 fyrstu í hverjum flokki eru valdir til að vera með
á Norðurlandsleikum Æskunnar á Sauðárkróki
dagana 28.-30. júní 1985.
Allir krakkar á þessum aldri velkonmir.
Æskulýðsráð og lögreglan á Akureyri.
Óiscotek71
í kvöld föstudag frá kl. 10-02. Aðgangseyrir 150,-
býður yður velkomin í heitan mat,
hádegi og kvöld.
Kaffi og smurt brauð allan daginn.
Nýbakaðar vöfflur m/rjóma
í síðdegiskaffinu alla daga.
Hótel KEA
Við bjóðum fjölbreyttar veitingar í veitingasal
sem er opinn alla daga fyrir hádegis- og kvöldverð
★ ☆ ★
Dansleikur
laugardagskvöldið 8. júní 1985
Hljómsveif Finns Eydal leikur fyrir dansi frá kl. 22.00-02.00.
Kristján Guðmundsson leikur létt lög fyrir matargesti
frá kl. 19.00.
Borðapantanir í síma 22200.
Verið velkomin.
HOTEL KEA
AKUREYRI