Þjóðviljinn - 12.11.1986, Blaðsíða 14

y Utanríkismálaályktun AB
Afangaáætlun umbnrttför hersins
Á að svíkja nýja herstöð inn á íslendinga undir yfirskyni varaflugvallar?
Herinn verði einangraður efnahagslega og menningarlega
Miðstjórn Alþýðubandalags-
ins telur baráttuna fyrir afvopnun
og friði eitt mikilvægasta verkefni
flokksins og minnir á þá miklu
ógn sem öllu lífi á jörðinni stafar
af vígbúnaðarkapphlaupinu.
Miðstjórnin gagnrýnir harðlega
þá miklu hernaðaruppbyggingu
sem orðið hefur á fslandi í tíð
núverandi ríkisstjórnar. Sú upp-
bygging ber undanlátssemi
stjórnvalda við vígbúnaðaröflin
ófagurt vitni. Sömu sögu segir
einnig sú afstaða sem fulltrúar Is-
lands, á vettvangi S.P, hafa tekið
að boði utanríkisráðherra þar
sem ísland eitt Norðurlanda
greiddi ekki atkvæði með stöðv-
un kjarnorkuvopnatilrauna. Nið-
urlæging íslenskrar utanríkis-
málastefnu kom einnig greinilega
í ljós við umræður um kjarnorku-
vopnalaust svæði á Norður-
löndum á fundi utanríkisráðherra
Norðurlandanna nýlega. Þar
gekk þjónustulund íslenska utan-
ríkisráðherrans við hernaðar-
hyggju Pentagon og NATO þvert
á íslenska öryggishagsmuni.
Nýleg kjarnorkuslys, m.a. er
kjarnorkukafbátur sökk í At-
lantshafi minna óhjákvæmilega á
hættuna sem fiskveiðiþjóð stafar
af kjarnorkuvígvæðingu haf-
anna. Hin geysilega hernaðar-
uppbygging í Norðurhöfum er al-
varleg ógnun við okkur íslend-
inga. Það hefði því staðið íslensk-
um stjórnvöldum nær að gera allt
sem í þeirra valdi stendur til að
stöðva þá óheillaþróun, og leitast
við að draga úr spennu í okkar
iheimshluta. í stað þess hefur
ríkisstjórnin ýtt undir vígbúnað-
arkapphlaupið með því að leyfa
margvíslega uppbyggingu hér
sem tengist beint árásarvígbún-
aði Bandaríkjanna á Norð-Aust-
ur Atlantshafi.
Ýmislegt bendir nú til að svíkja
eigi nýja herstöð inn á þjóðina
með því að kalla hana því sak-
leysislega nafni varaflugvöllur.
Rétt er að minna á að allar meiri-
háttar framkvæmdir Bandaríkja-
hers hér hafa ýmist verið dulbún-
ar með slíkum hætti eða ákvörð-
unum um þær verið haldið
leyndum árum saman.
Enn eitt dæmið um hvernig
stefna ríkisstjórnarinnar í utan-
ríkismálum niðurlægirþjóðina og
brýtur í bága við greinilegan vilja
hennar er lækkandi framlög til
þróunarsamvinnu þrátt íyrir vax-
andi þjóðartekjur.
Það er skoðun miðstjórnar Al-
þýðubandalagsins að vígbúnað-
arkapphlaupið sé nú komið á svo
alvarlegt stig að einskis megi láta
ófreistað til að stöðva og snúa við
þeirri óheillaþróun. Miðstjórn
AB skorar á allt friðelskandi fólk
að taka virkan þátt í umræðum
um friðar- og afvopntinarmál og
ræða feimnislaust stöðu og hlut-
deild fslands í þeim efnum.
Miðstjórn Alþýðubandalags-
ins leggur sérstaka áherslu á að
íslendingar taki fullan þátt í
undirbúningi að stofnun kjarn-
orkuvopnalauss svæðis á Norður-
löndum. Þessu máli miðar nú
hratt á hinum Norðurlöndunum
og þarf þjóðin því að gera sér
ljóst að andstaða Nato-flokkanna
hérgetur fyrr en varir leitt til þess
að ísland lendi utan slíks svæðis.
Miðstjórn AB harmar að fund-
ur leiðtoga stórveldanna í
Reykjavík .leiddi ekki til samn-
inga um afvopnun. Það hlýtur að
vera öllu hugsandi fólki
blygðunarefni að ísland skuli
vera í hernaðarbandalagi með
þeim öflum sem setja kröfuna um
nýtt vopnakerfi úti í geimnum
ofar möguleikum á mikilli og
gagnkvæmri fækkun kjarnorku-
vopna.
Sjálfstæö íslensk
utanríkisstefna -
Herlaust, friðlýst land
Alþýðubandalagið ítrekar þá
stefnu sína að friður, öryggi og
sjálfstæði íslensku þjóðarinnar
verður best tryggt með því að er-
lendur her hverfi á brott, þjóðin
standi utan allra hernaðarbanda-
14 SÍÐA — ÞJÓÐVILJINN
laga og tekin verði upp sjálfstæð
og hlutlaus utanríkisstefna
grundvölluð á þjóðlegri reisn og
friðarviðleitni. Slíkt væri mikil-
vægt framlag íslendinga til friðar
í heiminum.
Æskilegt er að ná sem víðtæk-
astri samstöðu þjóðarinnar um
nýja sjálfstæða utanríkisstefnu.
Margt bendir til þess að atburðir
síðustu missera hafi fært íslend-
inga nær því að ná slíkri grund-
vallarsamstöðu.
Miðstjórn AB hvetur til þess
að kannað verði á þessum vetri
hvort breið samstaða geti náðst
um áfanga á sviði utanríkismála
og í samskiptum við Bandaríkja-
her sem færa íslensku þjóðina
nær þeim markmiðum sem Al-
þýðubandalagið berst fyrir. Með-
al slíkra áfanga gætu verið:
★ Uppsögn og endurskoðun
herstöðvasamningsins og ein-
ungis takmörkuð og tíma-
bundin endurnýjun hans ef
um slíkt yrði að ræða.
★ Endurskoðun á öllum sam-
skiptum við herinn og endur-
skipulagningu þeirra mála í
stjórnkerfinu. Afnema verður
alræðisvald utanríkisráðherra
í meðferð þessara mála og
tryggja lýðræðislegri umfjöll-
un og ákvörðunartöku meðal
annars með beinni þátttöku
Alþingis. Athuga þarf í því
sambandi möguleikann á að
Stofna sjálfstæða utanríkis-
málaskrifstofu Alþingis.
★ Dregið verði úr umsvifum
hersins, fækkað jafnt og þétt
mannafla og allur tækjabún-
aður sem nota mætti til árásar-
aðgerða fluttur burt.
★ Herinn verði algerlega ein-
angraður bæði efnahagslega
og menningarlega og stefnt að
því að slík samskipti við hann
verði engin innan tiltekins
tímabils og sú einangrun ha)d-
ist meðan herinn dvelst í
landinu.
★ Samfara einangrun hersins
verði hrint í framkvæmd
öflugri áætlun um uppbygg-
ingu atvinnulífs á Suðurnesj-
um og annarsstaðar þar sem
menn hafa haft atvinnu af
þjónustu við herinn. Tryggt
verði að allt það starfsfólk sem
áður vann við störf er tengdust
hernum fái þjóðnýt störf við
hæfi.
★ Aukning framlaga til þróun-
arsamvinnu þannig að mark-
miði um 1% af þjóðarfram-
leiðslu verði náð á 5 árum.
Samhliða þessu taki íslend-
ingar virkan þátt í hjálpar- og
þróunarstarfi á vettvangi al-
þjóðastofnana og efli eigið
starf á þessu sviði. Aukin sam-
staða með þróunarríkjum og
stuðningur við frelsishreyfing-
ar og sjálfstæðisbaráttu al-
þýðu hvarvetna gegn arðráni
og kúgun.
Alþýðubandalagið hefur ætíð
tekið undir og stutt réttmæta
frelsis- og sjálfstæðisbaráttu al-
þýðu og mótmælt íhlutun utanað-
komandi aðila. Því ítrekar mið-
stjórn flokksins fyrri mótmæli
gegn ómennskri kynþáttaað-
skilnaðarstefnu stjórnvalda í S-
Afríku og fordæmir íhlutun
Bandaríkjanna í Mið-Ameríku
og sérstaklega stuðning Banda-
ríkjastjórnar við hryðjuverka-
starfsemi sem beinist gegn lýð-
ræðislega kjörinni ríkisstjórn
Sandinista í Nicaragua. Þá for-
dæmir miðstjórn Alþýðubanda-
lagsins stríðsrekstur Sovétstjórn-
arinnar í Afganistan og telur að
forsenda friðar þar í landi sé að
þjóðin fái sjálf að ráða fram úr
sínum málum.
Síðustu mánuði hefur yfir-
gangur og sjálftekið lögregluvald
Bandaríkjamanna birst okkur ís-
lendingum í nýju ljósi. Enda hef-
ur komið í ljós að meirihluta-
stuðningur er við kröfuna um
endurskoðun samskipta okkar
við Bandaríkjamenn.
Brýna nauðsyn ber til að taka
stefnumótun og meðferð utan-
ríkismálanna út úr þeim lokaða
klúbbi Natóvina sem hingað til
hafa pukrast með þau sem sitt
einkamál.
Miðstjórn Alþýðubandalags-
ins leggur mikla áherslu á að öll
þessi mál verði tekin til endur-
skoðunar og hvetur til sem víð-
tækastrar umræðu um þau á
næstu mánuðum.
Sérstök samþykkt um áfram-
haldandi vinnu að utanríkismál-
um.
Miðstjórnin samþykkti að fela
starfshópi að vinna áfram að til-
lögum um mótun stefnu í
utanríkis- og þjóðfrelsismálum.
Sérstaklega verði skilgreint
hvernig markmiðum Alþýðu-
bandalagsins um herlaust og hlut-
laust ísland verði náð og hvernig
hlutleysis verði í framtíðinni best
gætt og öryggi þegnanna tryggt.
Hópurinn leggi mótaðar til-
lögur fyrir næsta fund miðstjórn-
ar og vinni jafnframt að því að
undirbúa útgáfu þar sem tillög-
urnar yrðu kynntar.
ALÞÝÐUBANDALAGIÐ
SUÐURLAND V
Forval 14. og 15. nóvember
Fyrri umferð forvals Alþýðubandalagsins á Suðurlandi vegna alþingis-
kosninga fer fram dagana 14. og 15. nóvember. Kjörstaðir verða opnir
16-22 báða dagana. Kosið verður hjá formönnum félaganna nema annað
só tekið fram. Þeir eru:
Vestmannaeyjar: Guðmundur Jensson Hólagötu 32, s. 98-2126. Kjör-
staður verður í Hólshúsi (Kreml).
Selfoss: Anna K. Sigurðardóttir Laufhaga 15, s. 99-2189. Kjörstaður verð-
ur í Alþýðubandalagshúsinu Kirkjuvegi 7.
Þorlákshöfn: Elín B. Jónsdóttir Haukabergi 6, s. 99-3770. Kjörstaður
verður á skrifstofu Stoð s/f Unubakka.
Stokkseyri: Ingi S. Ingason Eyjaseli 7, s. 99-3479.
Uppsv. Arnessýslu: Unnar Þ. Böðvarsson Reykholti, Biskupstungum, s.
99-6831.
Vestur-Skaftafellssýsla: Margrét Guðmundsdóttir, Vatnsskarðshólar,
Mýrdalshreppi, s. 99-7291.
Hveragerðl: Magnús Ágústsson, Lindarbrekku, s. 99-4579.
Rangárvallasýsla: Upplýsingar hjá: Einar Sigurþórsson Háamúla, s. 99-
8569 og Guðrún Haraldsdóttir Þrúðuvangi 9, Hellu, s. 99-5821.
Utanskjörstaðaatkvæðagreiðsla stendur frá 8. nóvember. Kosið verður
hjá formönnum og á aðalskrifstofu Ab Hverfisgötu 105 í Reykjavík. Flokks-
mönnum er bent á að kynna sér forvalsreglur hjá stjórnum félaganna.
Fyrir hönd stjórnar kjördæmisráðs: Einar Birgir Steinþórsson,
Vestmannaeyjum, hs. 98-2960 og vs. 98-1079.
Alþýðubandalagið Akureyri
Bæjarmálaráðsfundur
Fundur í bæjarmálaráði mánudaginn 17. nóvember kl. 20.30. Dagskrá: 1)
Dagskrá bæjarstjórnarfundar þriðjudaginn 18. nóv. 2) Framkvæmda- og
fjárhagsáætlun Akureyrarbæjar. 3) Skólamál.
Félagar hvattir til að fjölmenna. stjórnin
Alþýðubandalagið Reykjavík
Síðdegisopnunartími skrifstofu
Skrifstofa Alþýðubandalagsins í Reykjavík að Hverfisgötu 105 verður opin
utan venjulegs skrifstofutíma frá kl. 17.15 - 19.15 alla virka daga.
Skrifstofumaður ABR er Guðrún Bóasdóttir. Félagsmenn og stuðnings-
menn eru hvattir til að nýta sér þennan viðbótaropnunartíma. Síminn er
17500.
Alþýðubandaiagið Keflavík - Njarðvík
Seinni mánudagsfunur nóvembermánðar verður haldinn í Verslunarmann-
afélagshúsinu, Hafnargötu 28, mánudaginn 17 nóvember.
Húsið opnað kl. 20.00 til nefndar og stjórnarstarfa, einnig geta félagar
rabbað saman yfir kaffibolla. Dagskrá hefst kl. 21.00
1) Aðalfundur miðstjórnar. Jóhann Geirdal, Felix Högnason. 2) Uppstilling
fyrir alþingiskosningar: Ásgeir Árnason. 3) Fréttir af f lokknum: Ottar Proppé
framkstj. AB. 4) Önnur mál. Félagar og stuðningsmenn fjölmennið.
Stjórnin
Alþýðubandalagið Hafnarfirði
Bæjarmálaráðsfundur
Fundur verður haldinn í bæjarmálaráði ABH, launardaginn 15. nóvember
kl. 10.00 í Skálanum, stundvíslega.
Dagskrá: 1) Endanleg skipun í starfsnefndir og kosning formælenda
þeirra. 2) Frá störfum bæjarstjórnar og nefnda. 3) Önnur mál.
Allir nefndarmenn, aðal- og varamenn, eru hvattir til að mæta.
Stjórnin.
ÆSKULÝÐSFYLKINGIN
Utanríkismálanefnd ÆFAB
Fundur verður í utanríkismálanefnd ÆFAB sunnudaginn 15. nóvember að
Hverfisgötu 105 kl. 17.00.
Dagskrá: 1) Skýrslurfrá landsfundi SHAog aðalfundi El Salvadornefndar-
innar. 2) Starfið framundan (Nánar auglýst síðar.) - Utanríkismálanefnd
ÆFAB.
Halló, halló!
Um leið og við þökkum öllum þeim sem hafa keypt af okkur happdrættis-
miða, minnum við þá sem eiga gíróseðla upp á ísskáp hjá sér að þeirra
stuðningur verður vel þeginn. DREGIÐ 1. DESEMBER N.K.
Æskulýðsfylklng Alþýðubandalagslns.