Dagblaðið Vísir - DV - 19.06.1999, Blaðsíða 25
d IV/ LAUGARDAGUR 19. JÚNÍ 1999
('
_____________________________ New York
Helgarblað DV kynnir sér ameríska drauminn í New York:
Nóg fyrir ríka fólkið
DV, New Yoric____________________
„Stundum! Ha, ha, ha.“ Hann
hlær dátt með hnífinn á lofti. Beyg-
ir sig svo niður til að móta finskor-
in fiskstykkin; lítur upp aftur og
segir: „Stundum! Ha, ha, ha“.
Spumingin var um hvort alltaf væri
fullt á Esashi, japanska veitinga-
staðnum hans. Yutaihiro Ishiyama
er meistari í fiskskurði upp á
japönsku. Sushi er sérgrein hans og
í átta ár hefur hann rekið veitinga-
staðinn við hom A-Avenue og Hou-
ston-strætis á Manhattan í hjarta
New York.
New York Times hefur úrskurðað
Esahi ferskasta japanska veitinga-
staðinn í New York. Ferskastur þýð-
ir bestur. Staðurinn sjálfur er harla
óhrjálegur og úrvalið ekki betra en
gerist og gengur. En fiskurinn er
víst alltaf ferskur og það sem ég
borðaði var eins og nýdregið af
Halamiðum. Yutaihiro var í fjögur
ár að læra listina að skera fisk. Til
að búa til sushi þarf: Ferskan fisk,
beittan hníf og að vita hvar á að
skera.
Að kunna
eða kunna ekki
Meistarakokkurinn Yutaihiro
hefur þetta allt á hreinu. Hann er
innflytjandi sem varla talar ensku,
bara stuttar setningar í bland við
hláturinn en það skiptir ekki máli.
Hann hefur eftirsótta iðngrein á
valdi sínu. Á siðasta áratugi varð
það della í New York að borða hrá-
an fisk að hætti Japana. Japanskir
meistarakokkar hafa upp frá því
verið eftirsóttir. í New York búa
tvær þjóðir - þeir sem kunna og
þeir sem kunna ekki. Uppruni, litur
og trú skiptir engu. Bara það að
kunna eitthvað og að geta selt kunn-
áttu sína.
Yutaihiro er einn þeirra sem
kunna og selur kunnáttu sína. Úti á
götunni er fólk sem hvorki kann né
hefur neitt að selja. Það eru fátæk-
lingar Bandaríkjanna. Ungur,
ómenntaður, svartur maður í New
York á ekki marga möguleika. Mest-
ar líkur em á að hann nái ekki einu
sinni inn á skrá yfir atvinnulausa.
Góðæri fyrir ríka
Atvinuleysið í Bandaríkjunum er
nú bara rúm 4%. Svo lítið hefur það
ekki verið í 30 ár, síðan Víetnam-
stríðið sá til þess að allir höfðu eitt-
hvað fyrir stafni - innanlands sem
utan. Hagfræðingarnir segja að 4%
atvinuleysi sé vart atvinnuleysi og
alls ekki áhyggjuefni. Flestir í þess-
um hópi em annað hvort að koma
út úr skólunum og inn á vinnu-
markaðinn eða að skipta um vinnu.
Eftir átta ár í samfelldri hagsæld
era bjargálna Bandaríkjamenn, og
þaðan af betur stætt fólk, orðnir svo
ríkir að engin dæmi era um slíkt
fyrr í sögunni. Fátæklingarnir eru
hins vegar jafnmargir og fátækir og
áður. 20 til 30 milljónir manna á
hálfgerðri vonarvöl mitt í peninga-
hrúgunni. Maöur sem dregur eigur
sínar á litlum vagni um götur New
York og sefur undir dagblöðum er
alveg jafnvonlaus nú og þjáningar-
bræður hans hafa alltaf verið. Á
ekkert, getur ekkert, er ekkert og
verður aldrei neitt.
Og þó. í ár hafa hagtölumenn
skráð hjá sér breytingu á botninum.
Það er sannarlega vonum seinna að
átta ára góðæri skili sér til fátæk-
linganna en nú mun von vera á
fólki, sem verið hefur utan vinnu-
markaðarins, inn úr kuldanum. En
þetta á ekki við um þá verst settu,
heldur bara vel vinnufært fólk sem
til þessa hefur dregið fram lífið með
svartri vinnu, igripum, smáglæpum
og tryggingabótum.
Loks rofar til
Nú ber svo við í fyrsta sinn í ald-
arfjórðung að kaupmáttur lægstu
launa hækka. Frá lokum Víetnam-
tríðsins hefur fjórðungur kaupmátt-
ar láglaunafólks glatast. Þeir sem
við lok stríðsins gátu keypt sér
McDonalds á hverjum degi verða nú
að láta sér nægja fimm sinnum í
viku. Þetta hefur leitt til þess að
margir hafa kosiö að lifa heldur af
snöpum en að vinna fyrir svo lág
laun.
Nú í ár hefur kaupmáttur lægstu
launa hins vegar hækkað um 2% og
þess sjást strax merki i að fleiri
sækjast eftir vinnu. Góðærið hefur
Götusalar á Broadway. Þeir sem enga vinnu hafa geta í það minnsta reynt
að selja eitthvað til að láta ameríska drauminn rætast.
Yutaihiro Ishiyama er fiskskurðar-
meistari upp á japönsku og sneiðir
hráan fisk af hjartans lyst ofan í ríka
New York-búa og ferðamenn.
DV-myndir Gísli Kristjánsson
leitt til skorts á vinnuafli og það
hefur leitt til launahækkana og það
hefur leitt til þess að fleiri bjóöa
vinnuafl sitt til sölu. Þeir sem eng-
inn vill hafa í vinnu halda svo
áfram að lifa af snöpum því trygg-
ingabætur era skornar við nögl. Fé-
lagsmálastofnun segir mönnum að
sópa götumar ef þeir segja sig til
sveitar.
Borgin þar
sem Bill sefur ekki
Mitt í þessu samkrulli fátæktar og
allsnægta skýtur upp kollinum kona
nokkur og býðst til að tala máli fólks-
ins í Öldungadeild þingsins ef það
kýs hana á næsta ári. Það er Hillary
Rodham Clinton forsetafrú. Frank
Sinatra söng um að hann vildi vakna
í borg sem aldrei svæfi. Hillary mun
vilja vakna í borg þar sem Bill maður
hennar sefur ekki - segja gárungam-
ir. Hann er hvort eð er aldrei í réttu
rúmi.
En Hillary sest ekki á þing fyrir fá-
tæklingana. Hennar fólk era mennta-
menn og millistéttarfólk í úthverfun-
um. Kaupmenn, veitingamenn og
leigubílstjórar eiga sér annað átrún-
aðargoð. Það er borgarstjórinn Rudy
Guiliani. Hann hefur látið lögregluna
hrekja smáglæpamennina af götun-
um, öllu sölufólki til gleði.
Fátæklingarnir eiga sér engan
málsvara og kjósa ekki einu sinni.
Þeir róta bara í ruslatunnunum bak
við veitingastaði eins og hjá Yutai-
hiro Ishiyama. Japanski fiskskurðcir-
meistarinn framreiðir bestu stykkin
fyrir þá sem eiga peninga. Afgangana
fá hinir og þar með er alls réttlætis
gætt í borginni sem allir elska.
Gísli Kristjánsson
l\lý adhaldsnámskeid Gauja litla 0
hefjast í World Class 21. júní og standa til 03. sept '99
Innifalið á námskeiðunum er eftirfarandi:
Yogaspuni 3 til 5 sinnum í viku - Vigtun - Fitumæling - Ummálsmælingar
Ýtarleg kennslugögn - Matardagbækur - Mataruppskriftir
Leiðbeiningar varðandi fæðið - Æfingarbolur - Vatnsbrúsi
Kennsla í tækjasal - Hvetjandi verðlaun - Næringarráðgjöf á staðnum
Viðtal við næringarráðgjafa - Vaxtamótun með íþróttarkennara
Ótakmarkaður aðgangur að World Class allan sólahringinn.
...og munið, þrjár vikur frítt í sumar!!!
Motaðu sumarið
J konulu þér í foi
Þú færð ellefu vikur
á verði átta,
sem sagt þú færð
þrjár vikur frítt
Skráning stendur yfir núna í
síma: 561 3434 og 896 1298
Salatbarinn
WorlúClass
/££lAm
lþróttafatna®UT f/r,r