Morgunblaðið - 11.08.2001, Blaðsíða 8

FRÉTTIR
8 LAUGARDAGUR 11. ÁGÚST 2001 MORGUNBLAÐIÐ
Sjálfboðastörf í Dvöl
Eins og
að skreppa í
kaffi til vina
Í DVÖL, sem er athvarffyrir geðfatlaða íKópavogi, eru á vet-
urna starfandi sjálfboðalið-
ar á vegum Kópavogsdeild-
ar Rauða kross Íslands.
Einn þessara sjálfboðaliða
er Rúna Hilmarsdóttir.
Hún var spurð hvert væri
umfang starfs sjálfboðaliða
í Dvöl?
„Hver sjálfboðaliði situr
eina vakt í Dvöl á mánuði.
Við höfum verið með opið
þrjá laugardaga í mánuði
en stefnum að því að manna
fjórðu vaktina.“
– Hvað gerið þið á þess-
um vöktum?
„Við störfum frá kl. 13 til
16 á laugardögum og það
eru jafnan tveir sjálfboða-
liðar að störfum í einu. Markmiðið
með þessu starfi er að hafa stað þar
sem geðfatlaðir geta komið og átt
notalega stund saman.“
– Hvar er Dvöl?
„Húsnæðið er að Reynihvammi
43 í Kópavogi og við völdum laug-
ardaga til samverustundanna
vegna þess að á Hverfisgötu 47 er
rekið sambærilegt athvarf undir
nafninu Vin og þar hittast menn á
sunnudögum. Þar hafa sjálfboða-
liðar frá Rauða krossinum starfað
um árabil.“
– Er svona athvarf mikilvægt
fyrir hina geðfötluðu?
„Já, það er mikilvægt að hafa
stað þar sem hægt er að hitta ann-
að fólk og spjalla. Þessi starfsemi
styttir helgarnar hjá mörgum sem
eiga við geðfötlun að stríða.“
– Hvað er gert annað en að ræða
málin?
„Starf sjálfboðaliðans er fyrst og
fremst að vera á staðnum og ræða
við gesti. Í sameiningu er hitað
kaffi og stundum bökum við. Þann-
ig gerum við okkur öllum dagamun
frá þessari daglegu starfsemi sem
er í Dvöl á daginn.“
– Er hún mikil?
„Já, þar er margvíslegt starf, svo
sem myndlistarvinna, ýmiskonar
nám og stundum er farið í göngu-
ferðir.“
– Hvað eru margir sjálfboðaliðar
starfandi í Dvöl á veturna?
„Við erum sjö starfandi en vild-
um gjarnan fá fleiri til starfa. Eins
og er má enginn missa sig ef starfið
á að ganga upp og við náum ekki að
manna alla laugardaga.“
– Hvaða undirbúning þarf fólk
að hafa til svona sjálfboðaliðs-
starfs?
„Að vera tilbúið að gefa tíma
sinn til þessara starfa og hafa gam-
an af því að umgangst fólk. Engrar
sérmenntunar er þörf.“
– Veitið þið nýjum sjálfboðalið-
um einhvers konar þjálfun?
„Þegar nýr einstaklingur kemur
hér til sjálfboðaliðastarfa þá kemur
hann fyrst sem þriðji maður á vakt
og síðan er hann með vönum sjálf-
boðaliða í starfi þar til hann hefur
öðlast reynslu. Sigríður
Hrönn Bjarnadóttir,
forstöðumaður Dvalar,
hefur ásamt Eyrúnu
Jónatansdóttur félags-
ráðgjafa haft fræðslu-
fundi fyrir sjálfboðaliða
einu sinni í mánuði. Þar
hafa verið teknir fyrir hinir ýmsu
geðsjúkdómar og fræðsla veitt um
þá. Á þessum fundum höfum við
sjálfboðaliðar getað rætt saman
um starf og okkar og skjólstæð-
inga. Þess ber að geta að við erum
auðvitað bundnir þagnarskyldu um
allt sem viðkemur okkar gestum
þannig þessir fundir eru góður
vettvangur fyrir okkur til að ræða
saman. Einnig eru tekin fyrir ýmis
atvik sem upp hafa komið og
hvernig leyst var þá úr málum.“
– Koma upp margvíslegir erfið-
leikar í sambandi við þetta sjálf-
boðaliðastarf í Dvöl?
„Nei, það er ekki hægt að segja
það. Þvert á móti kemur þarna
bæði skemmtilegt og yndælt fólk í
heimsókn. Mér finnst þetta starf
vera eins og að skjótast til vina
sinna í kaffi eina dagstund.
Gestirnir eru frá tvítugu og yfir
sextugt. Við sjálfboðaliðar erum
líka blandaðir í aldri, sá yngsti er
um þrítugt og sá elsti er rúmlega
sextugur. Þetta starf er því fyrir
fólk á öllum aldri og með margs
konar reynslu.“
– Hvað með kynjaskiptingu
gesta?
„Almennt á virkum dögum eru
konur fleiri meðal gesta í Dvöl en
hjá okkur um helgar eru karlarnir í
meiri hluta. Ástæðan fyrir því er sú
að konur eiga í fleiri tilvikum fjöl-
skyldur og eru með þeim um helg-
ar en karlarnir eru fremur ein-
stæðir og hafa þörf fyrir að hitta
fólk á frídögunum. Karlar missa
fremur í sínum veikindum tengsl
við fjölskyldur sínar en konur
gera.“
– Hvert á sá að snúa sér sem vill
starfa sem sjálfboðaliði í Dvöl?
„Best væri að snúa sér beint í at-
hvarfið og gefa sig þar fram. Það
eru nú að nálgast tíu ár síðan ég hóf
sjálfboðastörf hjá Rauða krossin-
um. Ég var fyrst hjá
URKÍ, ungmennhreyf-
ingu Rauða kross Ís-
lands, þá stóð ég vaktir í
Rauða kross húsinu.
Síðan starfaði ég með
Vinalínunni um tíma og
nú er ég í Dvöl í fram-
haldi af stjórnarsetu hjá Kópa-
vogsdeild Rauða krossins.“
– Eiga gestir Dvalar við erfið
veikindi að stríða?
„Það er mjög misjafnt. En ef-
gestir sækja regulega í svona at-
hvarf þá er hægt að fylgjast betur
með ef breytingar verða á heilsu
þeirra.“
Rúna Hilmarsdóttir

Rúna Hilmarsdóttir fæddist í
Reykjavík 7. ágúst 1966. Hún
lauk stúdentsprófi frá Mennta-
skólanum í Kópavogi 1987 og
BA-prófi í íslensku frá Háskóla
Íslands 1991. Hún stundaði nám
um tíma í kerfisfræði í Tölvuhá-
skólanum. Rúna hefur starfað
víða, m.a. var hún við ferða-
málastörf í sjö ár en núna vinnur
hún við upplýsingatæknisvið á
Landspítala háskólasjúkrahúsi í
Fossvogi. Rúna á einn son.
Karlmenn
hafa meiri
þörf fyrir að
hitta fólk um
helgar í Dvöl
Svona ekkert oj, oj, oj, bara, svo færðu líka ekta hundsbein handa tíkinni, herra.