Morgunblaðið - 11.08.2001, Blaðsíða 20

VIÐSKIPTI
20 LAUGARDAGUR 11. ÁGÚST 2001 MORGUNBLAÐIÐ
Í LJÓSI aukinnar samkeppni á sem-
entsmarkaði í landinu telur iðnaðar-
ráðherra að endurskoða megi áform
um einkavæðingu Sementverksmiðj-
unnar hf. á Akranesi.
Stefnt var að því í fjárlagafrum-
varpi ársins 1997 að einkavæða Sem-
entsverksmiðjuna en horfið var frá
þeim áformum vegna einokunar-
stöðu verksmiðjunnar á markaði fyr-
ir sementssölu í landinu. Aðstæður
hafa þó breyst nokkuð síðastliðið ár
og nemur hlutdeild danska sements-
framleiðandans Aalborg Portland,
sem sýndi á sínum tíma áhuga á að
kaupa Sementsverksmiðjuna, í ís-
lenskum sementsmarkaði nú tæp-
lega fjórðungi. Því er ljóst að sam-
keppni hefur skapast í sementssölu.
„Það er ljóst að stefna ríkisstjórn-
arinnar er að losa sig út úr fyrirtækj-
um sem eru í samkeppnisrekstri.
Það væri því í samræmi við þá stefnu
að grípa þarna til aðgerða,“ segir
Valgerður Sverrisdóttir iðnaðarráð-
herra og bendir á að nú þegar sé
heimild til þess í lögum að selja 25%
hlut í Sementsverksmiðjunni.
Um hvort málið sé þegar komið á
dagskrá segir hún að varla sé hægt
að segja að svo sé en telur þetta vera
mál sem vert er að skoða.
„Þetta hefur alltaf komið upp ann-
að veifið en nú eru breyttar forsend-
ur þar sem nú er komin samkeppni í
sementssölu. Mér þykir því ekki
ólíklegt að málið verði skoðað af
meiri alvöru.“
Einkavæðing
líklega á dagskrá
Sementsverksmiðjan í samkeppni
HAGNAÐUR Kaupþings hf. eftir
skatta á fyrri hluta ársins 2001
dróst saman um tæp 37% frá sama
tímabili í fyrra. Hagnaðurinn í ár
var 322 milljónir króna en 516
milljónir árið áður. Hagnaður
félagsins fyrir skatta lækkaði um
248 milljónir milli ára og var 474
milljónir í ár.
Í tilkynningu frá Kaupþingi seg-
ir að afkoma félagsins sé viðunandi
miðað við erfiðar aðstæður á fjár-
málamörkuðum. Tekjur af fyrir-
tækjaþjónustu og erlend verkefni
hafi skilað fyrirtækinu verulegum
tekjum. Tölvert tap hafi hins veg-
ar orðið af viðskiptum með hluta-
bréf en úrvalsvísitala VÞÍ hafi
lækkað um 17,3% á tímabilinu.
Arðsemi eiginfjár hafi þrátt fyrir
erfitt árferði á verðbréfamörkuð-
um verið u.þ.b. 14%.
Fram kemur í tilkynningunni að
erlendar starfsstöðvar Kaupþings
hafi í heildina skilað viðunandi nið-
urstöðu þó að þar hafi hægt á
starfsemi í kjölfar erfiðra að-
stæðna á erlendum fjármálamörk-
uðum.
Eigið fé Kaupþings jókst um 2,8
milljarða frá ársbyrjun og nemur
nú tæpum 7,4 milljörðum króna,
en á tímabilinu var boðið út nýtt
hlutafé að nafnvirði 200 milljónir
sem seldist fyrir 2.480 milljónir
króna. Eiginfjárgrunnur Kaup-
þings, þ.e. eigið fé að viðbættum
víkjandi lánum, er 10.488 milljónir
króna. Eiginfjárhlutfall samstæðu
Kaupþings samkvæmt CAD-
reglum er nú 11,7%, en það má
lægst vera 8,0%. Niðurstaða efna-
hagsreiknings 30. júní 2001 var 94
milljarðar króna en í þriggja mán-
aða uppgjöri var hún 86 milljarðar.
Brýnt að vextir verði lækkaðir
Í tilkynningu Kaupþings segir
að stjórnendur félagsins telji að
næstu mánuðir á fjármálamörkuð-
um geti orðið erfiðir. Verulega hafi
þrengt að fyrirtækjum og einstak-
lingum sökum mikillar skuldasöfn-
unar, lækkandi hlutabréfaverðs og
hárra vaxta. Hátt vaxtastig til
lengri tíma muni hafa alvarleg
áhrif á fjárhagslega stöðu fyrir-
tækja og einstaklinga og sé það
verulegt áhyggjuefni. Mikilvægt sé
að gera sér grein fyrir þeim
hættumerkjum sem víða blasi við
sökum hins háa vaxtastigs. Enn-
fremur sé nauðsynlegt að við beit-
ingu hagstjórnartækja sé litið til
hins íslenska hlutabréfamarkaðar.
Hlutabréfamarkaðurinn hafi gegnt
lykilhlutverki á því hagvaxtar-
skeiði sem ríkt hafi undanfarin ár.
Verði ekki gætt að því að hann
þrífist og dafni geti orðið erfitt
fyrir þau fyrirtæki sem bera eiga
uppi hagvöxt komandi missera að
ná í nýtt eigið fé sem þeim sé
nauðsynlegt. Brýnt sé því orðið að
vextir verði lækkaðir verulega
þannig að vaxtasprotar hagkerf-
isins verði ekki endanlega kæfðir.
Þá segir í tilkynningu Kaupþings:
„Þar sem hagstjórnaraðgerðir
koma ekki fram af fullum þunga
fyrr en nokkru eftir að til þeirra
er gripið, þarf að horfa til fram-
tíðar frekar en fortíðar. Spár
Seðlabanka, Þjóðhagsstofnunar og
aðila á fjármálamarkaði eru allar
nánast samhljóma um að verð-
bólga fari ört minnkandi eftir þann
kúf sem nú hefur mælst í kjölfar
gengislækkunar krónunnar. Aðilar
spá á bilinu 3–5% verðbólgu á
árinu 2002 og við þann tíma hlýtur
hagstjórn dagsins í dag að miðast.
Ef spár rætast verða raunvextir á
Íslandi um 7–9% á meðan raun-
vextir eru nú í Bandaríkjunum
undir 1%, um 2% í Bretlandi og
u.þ.b 3% víða á Norðurlöndunum.
Allar aðgerðir sem kunna að
hleypa lífi í atvinnulífið væru vel-
komnar við núverandi aðstæður.
Fagna ber umræðu um lækkandi
skattaálögur á fyrirtæki. Það má
ekki gleyma því að ástand á hluta-
bréfamarkaði í dag er lýsandi fyrir
væntingar um þróun á næstu miss-
erum. Til þess að hafa áhrif á þær
væntingar þarf að grípa til að-
gerða. Hagstjórn þarf því að
stefna að því að auka bjartsýni og
hvetja einstaklinga og einkafyrir-
tæki og gera þeim kleift að auka
umsvif sín samfara því að stuðla að
auknum fjárfestingum erlendra
aðila hérlendis,“ segir í tilkynn-
ingu Kaupþings.
Hagnaður Kaupþings hf. á fyrri helmingi ársins 322 milljónir króna
Viðunandi af-
koma við erf-
iðar aðstæður









#!4!50
#!4!012
...




6 ! . 5 ! 50
...




7 . 5 ! 012
/ !!.%.!5 ! 5.+ 

 


*5!!




 


*52
,.8

 
,0+ !.9:6;<
!012.! !!.+.%!


   

 

  


  


3

3






3

 !
!" #

3
 !

=>


 
 
 
  
!  
!  
! 
!  
 

 
 
 


 


 "
 #$$% #$$% 

 
 "

 



  

 "
 ALLNOKKRAR skipulagsbreyting-
ar standa nú yfir hjá Landsbanka-
samstæðunni. Verðbréfafyrirtæki
Landsbankans, Landsbréf, mun
flytja í húsnæði bankans á Laugavegi
77 og nýtt vörumerki,
Landsbankinn-Lands-
bréf, verður tekið upp
fyrir samþætta þjónustu Landsbréfa
og Landsbankans á sviði verðbréfa-
viðskipta og fjárfestingar-
bankaþjónustu. Þrjú svið innan
Landsbankans bjóða fram þjónustu
undir Landsbankanum-Landsbréf-
um, Landsbréf, fyrirtækjasvið og al-
þjóða- og fjármálasvið.
Að sögn Sigurðar Atla Jónssonar,
forstjóra Landsbréfa, er markmiðið
með skipulagsbreytingunum að sam-
þætta þá starfsemi sem lýtur að verð-
bréfaviðskiptum og fjárfestingar-
bankaþjónustu. Landsbréf hafi, frá
stofnun fyrirtækisins árið 1989, verið
leiðandi fyrirtæki á íslenskum fjár-
magnsmarkaði. Undanfarin rúm þrjú
ár hefur fyrirtækið einskorðað starf-
semi sína við eignastýringu og verð-
bréfaviðskipti einstaklinga. Það sé
mat forsvarsmanna bankans og
Landsbréfa að þessar aðgerðir séu til
þess fallnar að styrkja
starfsemi Landsbréfa á
sviði eignastýringar og
verðbréfamiðlunar og Landsbankans
á sviði fjárfestingarbankaþjónustu.
Sigurður segir að með breytingun-
um sé verið að sinna enn betur en áður
kröfum viðskiptavina um heildarfjár-
málaþjónustu á einum stað og einnig
sé verið að auka hagkvæmni í rekstri
Landsbréfa og bankans. Til að mynda
verði verðbréfamiðlun samstæðunnar
nú á einum stað en áður var hún bæði
á Suðurlandsbraut og á Laugavegi.
Markmiðið sé að sækja fram og auka
tekjur af verðbréfa- og fjárfestingar-
starfsemi bankans samhliða því að
bjóða enn betri þjónustu. Einnig sé
markmiðið að nýta betur þá sérhæfðu
starfsmenn sem unnið hafi á tveimur
stöðum. Þessar breytingar séu hluti
af þróun fjármálamarkaðarins sem
engan veginn sé lokið. Að mati Sig-
urðar verða nokkrir stórir aðilar sem
veita heildarþjónustu á öllum sviðum
fjármagnsmarkaðar en áfram verða
tiltölulega litlir aðilar á markaðnum
sem veita munu sérhæfðari þjónustu.
Landsbréf séu með þessum breyting-
um að staðsetja sig með skýrum hætti
sem aðili er veitir heildarfjármála-
þjónustu í samþættu umhverfi
Landsbankans og Landsbréfa.
Ekki er um breytingar á yfirstjórn
að ræða í tengslum við þessar breyt-
ingar. Sigurður Atli Jónsson mun
áfram verða forstjóri Landsbréfa-
hluta Landsbankans-Landsbréfa,
Brynjólfur Helgason er fram-
kvæmdastjóri fyrirtækjasviðs og
Gunnar Þ. Andersen er fram-
kvæmdastjóri alþjóða- og fjármála-
sviðs. Alls starfa um 180 manns innan
samþættrar þjónustu Landsbankans-
Landsbréfa.
Skipulagsbreytingar
hjá Landsbankanum
ÍSLANDSSÍMI skilaði frekari
skýringum varðandi afkomu-
viðvörun sem fyrirtækið sendi
frá sér 12. júlí síðastliðinn til
Verðbréfaþings Íslands í gær.
Máli Ís-
lands-
síma
verður tekið fyrir á stjórnar-
fundi Verðbréfaþings á þriðju-
dag í næstu viku. Íslandssími
hafði frest til 10. ágúst til að
skila frekari skýringum. Félag-
ið mun birta endurskoðað 6
mánaða uppgjör í vikunni 20. til
24. ágúst.
Mál Búnaðarbankans og við-
skipta hans með hlutabréf í Út-
gerðafélagi Akureyringa 29.
júní síðastliðinn sem átti að
taka fyrir í vikunni verður tekið
fyrir á stjórnarfundi á fimmtu-
daginn 14. ágúst. Upphaflega
átti að taka það fyrir síðastlið-
inn fimmtudag en því var frest-
að um viku.
Skýring-
um skilað
til Verð-
bréfaþings
SAMVINNUFERÐIR-Land-
sýn hf. sendu í gær frá sér af-
komuviðvörun þar sem segir að
fyrirsjáanlegt sé að afkoma
félagsins verði ekki í samræmi
við væntingar fyrstu sex mánuði
ársins og verði þau frávik að
stærstum hluta rakin til geng-
isbreytinga íslensku krónunnar.
Birting árshlutauppgjörs
félagsins verður í síðustu viku
ágústmánaðar.
Frávik
vegna
breytinga
á gengi
Samvinnuferðir-
Landsýn hf.
HAGNAÐUR og umsvif írska flug-
félagsins Ryanair, sem þekkt er fyr-
ir lág flugfargjöld, hafa aukist tals-
vert á síðustu mánuðum á meðan
þýska flugfélagið Lufthansa stend-
ur frammi fyrir samdrætti. Þykir
þetta vera merki um að stærri flug-
félögin, sem leggja áherslu á fjölda
áfangastaða, eigi nú undir högg að
sækja, en þau flugfélög sem leggja
aðaláherslu á lág fargjöld njóti nið-
ursveiflu í efnahagslífinu, að því er
segir í Wall Street Journal.
Farþegafjöldinn eykst um 42%
Á öðrum ársfjórðungi jókst far-
þegafjöldi Ryanair um 42% frá því
sem var á sama tíma í fyrra, hagn-
aðaraukning frá sama tíma nam
28% en hagnaður fjórðungsins var
2 milljarðar íslenskra króna og
tekjur félagsins jukust um 31%,
námu ríflega 13 milljörðum á árs-
fjórðungnum.
Forstjóri Ryanair, Michael
O’Leary, segir horfur á að rekstur
félagsins muni áfram ganga vel.
Gert sé ráð fyrir að farþegafjöldi
komi enn til með að aukast þrátt
fyrir versnandi efnahagsástand.
Hann segir önnur flugfélög hafa
gert þau mistök að hækka flugfar-
gjöldin í versnandi árferði. Ryanair
hafi hins vegar lækkað fargjöld sín
og muni halda því áfram.
Svipaða sögu er að segja af helsta
keppinauti Ryanair, easyJet, en far-
þegafjöldi easyJet í júní jókst um
21% milli ára og tæp 18% í júlí.
Lufthansa hefur hins vegar til-
kynnt um hagræðingu með fækkun
áfangastaða í því skyni að mæta
áhrifum niðursveiflu í heiminum.
Áherslan verður nú lögð á hagnað
fremur en markaðshlutdeild. Þetta
er í takt við það sem British Air-
ways og KLM hafa gert en öfugt við
stefnu Ryanair, sem áætlar að færa
enn frekar út kvíarnar.
Reuters
Michael O’Leary, forstjóri írska flugfélagsins Ryanair, hefur ástæðu til
að fagna mikilli aukningu í farþegafjölda félagsins.
Lágfargjaldaflugfélög
njóta niðursveiflunnar
Íslandssími