Morgunblaðið - 25.09.2002, Blaðsíða 13

AKUREYRI
MORGUNBLAÐIÐ MIÐVIKUDAGUR 25. SEPTEMBER 2002 13
MIKIL vinna liggur að baki því
að þjálfa leitarhunda en síðustu
daga hafa áhugasamir menn úr
Björgunarhundasveit Íslands ver-
ið með hunda sína við stífar æf-
ingar á Dalvík og nágrenni. Tvær
æfingar eru jafnan á hverju ári,
snjóflóðaleit að vetri og svo víða-
vangsleit að haustlagi og eru æf-
ingar haldnar til skiptis í lands-
hlutum.
Alls var verið að þjálfa 17
hunda á æfingunni á Dalvík, en
hún hófst á laugardag og stendur
í fimm daga, lýkur í dag, mið-
vikudag. Hundunum er skipt upp
í flokka eftir getu, þeir byrja á C-
stigi og fikra sig á A-stig eftir
því sem hæfni eykst.
Tveir dómarar frá útlöndum
voru á svæðinu en hundarnir eru
látnir gangast undir þar til gerð
próf sem skera úr um hæfni
þeirra. Í byrjendaflokknum voru
7 hundar ásamt þjálfurum sínum,
en búið var að afmarka nokkuð
stórt svæði sem þeir áttu að leita
á. Nokkur börn úr hópi heima-
manna tóku að sér hlutverk
„huldumanna“, þ.e. þeirra sem
földu sig innan svæðisins, og það
var svo hlutverk hundanna að
leita þau uppi. Félagar úr björg-
unarsveitunum sem fylgdust með
sögðu mikilvægt að maður og
hundur næðu vel saman og gengi
æfingin að stórum hluta út á
þann þátt. Um leið og hundurinn
finnur manninn hleypur hann til
þjálfarans, lætur hann vita og
teymir hann með sér að hinum
„týnda“.
Aðbúnaður á Dalvík var allur
sem best verður á kosið að sögn
félaga og hefur æfingin í alla
staði gengið vel. Það var helst að
þátttakendur settu fyrir sig hvað
veðrið síðustu daga hefði verið
gott.
Mikilvægt sé við slíka þjálfun
að ekki sé alveg logn, því vind-
urinn beri með sér lykt af fólkinu
og það sé lykilatriði fyrir hund-
inn að finna lyktina.
Þeir hundar sem lengra voru
komnir í þjálfuninni, A- og B-
hundarnir, voru við leit á stóru
svæði í Böggvisstaðafjalli, en æf-
ingar þeirra eru mun erfiðari en
nýliðanna.
Morgunblaðið/Kristján
Hermann Þorsteinsson, björgunarsveitarmaður og leiðbeinandi frá
Ísafirði , fer yfir málin með Gesti Hanssyni frá Siglufirði.
Gestur Hansson frá Björgunarsveitinni Strákum á Siglu-
firði og hundurinn hans Keli voru ekki mjög lengi að finna
þá Ársæl og Gunnar, sem höfðu falið sig á svæðinu.
Hundurinn Hendrix finnur Sigríði Lindu, sem hafði
falið sig, en eigandi hans, Jóhann Lárus Baldvinsson
úr Björgunarsveitinni Súlum, er ekki langt undan.
Vel heppnuð æfing Björgunarhundasveitar Íslands haldin á Dalvík
Mikilvægt að maður og
hundur nái vel saman
SOFFÍA Gísladóttir, félagsmála-
stjóri á Húsavík og varaþingmaður
Sjálfstæðisflokksins á Norðurlandi
eystra, hefur ákveðið að kæra
ráðningu Kristins H. Svanbergs-
sonar í starf deildarstjóra íþrótta-
og tómstundadeildar Akureyrar-
bæjar til kærunefndar jafnréttis-
mála. „Þetta er jafnréttiskæra og
snýr að því hvort við Kristinn höf-
um verið jafnhæf í starfið eða ég
hæfari.“ Soffía sagði að samkvæmt
upplýsingum frá Mannafli hafi þar
á bæ ekki verið gert upp á milli
þeirra þriggja umsækjenda sem
þóttu hæfir í stöðuna, hennar og
tveggja karlmanna. „Það segir
mér að samkvæmt jafnréttislögum
og jafnréttisáætlun Akureyrarbæj-
ar hefði átt að ráða konuna.“
Soffía sagði að rökstuðningur
sviðsstjóra félagssviðs sem fylgdi
ráðningu Kristins í stöðuna hafi
verið út í hött og í raun móðgun
við aðra umsækjendur. „Út frá
þessum rökstuðningi tel ég mig
vera jafnhæfa Kristni ef ekki hæf-
ari en ég þarf óháða aðila til að
meta það og vil því að þetta mál
verði skoðað.“
Soffía sagðist hafa rætt við
nokkrar konur sem hafa kært til
kærunefndar jafnréttismála og
fengið þær upplýsingar að það
hefði ekki komið niður á þeim,
hvorki persónulega né í atvinnu-
legu tilliti. „Það hafa ýmsir reynt
að hafa áhrif á mig í þessu máli en
mun fleiri hvatt mig til dáða og ég
tel mig ekki hafa neinu að tapa.“
Soffía sagði það hvað alvarlegast
í þessu máli að ekki var krafist há-
skólamenntunar í auglýsingu um
starfið. „Það er alvarlegt ef bæj-
arfélag á stærð við Akureyri gerir
ekki meiri kröfur til stjórnsýsl-
unnar varðandi menntun í æðstu
stöður. Einnig er það alvarlegt að
það skuli talið Kristni til tekna að
hafa misjafnt orð á sér í mann-
legum samskiptum, eins og bent er
á í rökstuðningnum.“
Slæmt fyrir ímynd bæjarins
Ráðning Kristins í stöðuna hefur
mikið verið rædd innan bæjarkerf-
isins og á dögunum kom m.a. til
harðra orðaskipta í bæjarstjórn
milli fulltrúa minnihluta og meiri-
hluta vegna málsins. Björn Snæ-
björnsson, formaður jafnréttis- og
fjölskyldunefndarAkureyrarbæjar,
sagði það alls ekki gott fyrir bæ-
inn að fá á sig svona kærur, sem
hafi verið allt of margar að und-
anförnu. „Það er mjög slæmt fyrir
ímynd bæjarins að hlutirnir séu
með þeim hætti að það séu stans-
lausar kærur eða málaferli í
gangi,“ sagði Björn.
Ráðning deildarstjóra íþrótta- og tómstundadeildar Akureyrarbæjar
Soffía Gísla-
dóttir kærir
ráðninguna
ELLEN Mooney, húðlæknir og
húðmeinafræðingur, flytur opinn
fyrirlestur í Háskólanum á Akur-
eyri á morgun, fimmtudaginn 26.
september kl. 20. Hann nefnist
„Sólvarnir – Forvörn gegn húð-
krabbameinum.“
Sólvarnir eru í lykilhlutverki í
forvörnum gegn húðkrabbamein-
um, sem eru nú meðal algengustu
krabbameina og því stærstu heil-
brigðisvandamál víðast hvar í
heiminum, segir í frétt um fyr-
irlestrinum. Fjallað verður um
rétta notkun og val sólvarnarefna
og ákveðið hegðunarmynstur sem
er nauðsynlegt til þess að fyrir-
byggja að húðkrabbamein mynd-
ist.
Fyrirlesturinn verður í stofu L
203 á Sólborg og er öllum opinn.
Forvörn gegn
húðkrabba-
meinum
DJASSKVARTETTINN Come
Shine leikur í Deiglunni í annað
kvöld, fimmtudagkskvöldið 26. sept-
ember, kl. 21.15. á vegum Jazzklúbbs
Akureyrar. Þá leikur kvartettinn í
Kaffileikhúsinu í Reykjavík á föstu-
dagskvöld.
Come Shine er norskur djasskvar-
tett sem leikur sveifludjass, innblás-
inn af gömlu góðu djasshefðinni er
hefur vakið athygli víða um heim að
undanförnu fyrir hrífandi og ferskan
flutning, segir í frétt um tónleikana.
Söngkona hljómsveitarinnar er Live
Maria Roggen, píanóleikarinn Er-
lend Skomsvoll er einnig aðalútsetj-
ari Come Shine, á kontrabassa leikur
Sondre Meisfjord og Håkon Mjåset
Johansen á trommur Þessi kvartett
er tvímælalaust í flokki bestu djass-
kvartetta á Norðurlöndunum, segir í
tilkynningu.
Norski djasskvartettinn Come Shine leikur í Deiglunni í kvöld.
Come Shine
í Deiglunni