Morgunblaðið - 25.09.2002, Blaðsíða 20
ERLENT
20 MIÐVIKUDAGUR 25. SEPTEMBER 2002 MORGUNBLAÐIÐ
Ræktaðu sjálfan þig
ENDURMENNTUN HÁSKÓLA ÍSLANDS
SÝNINGAR tveggja ungra nor-
rænna listamanna standa yfir í
Gallerí Skugga um þessar mundir.
Sýningarnar eru ólíkar og spila
þar saman andstæður, mynd-
höggvarinn Kimmo Schroderus
sýnir umfangsmikla skúlptúra á
jarðhæð en í kjallara og klefa sýnir
Charlotta Mickelsson gagnsæ verk
sem eru í senn ljóðræn og an-
kannaleg í samspili sínu við rýmið.
Þegar gengið er inn í galleríið
blasir við gamall ryðgaður bíll, og
er þar lifandi kominn sá vinsæli
skandinavíski fjölskyldubíll Volvo
PV, árgerð 1962. Hið ryðgaða ytra
byrði myndar hins vegar skarpa
andstæðu við draumkennda innvið-
ina, upplýst sæti sem vandlega eru
slípuð úr norsku birki. „Volvo PV
var mjög mikilvægur bíll í Noregi,
Svíþjóð og Finnlandi eftir að hann
kom á markaðinn. Hann táknaði
frelsi og fjölskyldulíf, velmegun og
uppfyllingu drauma. Ég nota upp-
runalegt eintak af bílnum í skúlp-
túrinn, sem nefnist „If not Today,
then Tomorrow“ og vísar nafnið
kannski til drauma um nánar sam-
vistir við aðra manneskju, um fjöl-
skyldulíf, eða bara um drauma sem
rættust ef til vill ekki í dag, en við
höldum í vonina,“ segir Kimmo.
Umgjörð um einhvers
konar nánd og mýkt
Yfirskrift sýningar Kimmos er
„Tilfinningar“ og má líta á verkin
sem þar eru sýnd sem nokkurs
konar birtingarmynd tilfinninga-
lífs manneskjunnar. Verk sem sýnt
er bakatil í galleríinu nefnist
„Sweet Dreams“ og er þar á ferð-
inni vandlega smíðað rúm, og líkt
og í áðurnefndu verki er þar að
finna massíva umgjörð um ein-
hvers konar nánd og mýkt. Grindin
er lóðuð saman úr járni, og inn í
hana er fellt vandlega útsaumað
leðurfóður. Í miðju er hvítt satín
sem glitrar og minnir á perlu í
miðju skeljarlaga rúminu. Hand-
verkið er mikilvægur þáttur í verk-
um Kimmos, og birtist það skýrt
hér. „Ég var hálft ár að vinna þetta
verk. Það er gríðarstórt, og finnst
mér ákveðið gildi í því að vinna
með stór verk sem taka langan
tíma í vinnslu. Maður myndar sam-
band við verkið sem er einhvern
veginn svo skilyrðislaust, ákaflega
náið, verkið verður vinur þinn og
óvinur, þinn nánasti vinur.“
Kimmo segist hafa gert verkið á
tíma sem hann var að íhuga að
ganga í hjónaband. „Verkið fjallar
um nánd, en sú umfjöllun fær þó
annað samhengi þegar verkinu er
stillt upp til sýnis með sterkum
ljóskösturum. Það verður til ann-
ars konar merkingarsamhengi
þegar einhverju svo persónulegu
er stillt upp á svo opinskáan hátt.
En verkin tvö sem ég sýni hér í
Skugga eru eiginlega skyld hug-
myndalega. Ég hef sýnt þau með
fleiri verkum í galleríum og söfn-
um á Norðurlöndum, í Lettlandi,
Litháen og Hollandi, en hef hálf-
partinn verið að bíða eftir tækifæri
til að sýna þau tvö ein saman. Mér
finnst fremra rýmið henta bílnum
ákaflega vel, því það er mjög opið
gagnvart götunni og myndar því
skemmtilegt samspil við bílana og
umferðina úti við.“ Kimmo
Schroderus býr og starfar í Hels-
inki og hefur unnið að list sinni í
um áratug. Hann lauk meistara-
gráðu við Listaakademíuna í Hels-
inki árið 1998 en segist alla tíð
hafa leitast við að sýna utan skól-
ans meðan hann var í námi. „Ég
var með gjörninga og sýningar í
galleríum og söfnum og fannst mér
það veita mér nauðsynlegt aðhald í
náminu. Innan skólans er auðveld-
ara að halda að það sem maður er
að gera sé gott, en með því að stilla
verkunum andspænis áliti fagfólks
og gagnrýnenda utan skólans lærði
ég hraðar og lagði mig meira fram.
Ég hélt mína fyrstu einkasýningu
fyrir nær tíu árum og hef sýnt mik-
ið og víða á Norðurlöndum og í
Eystrasaltslöndunum. Nú hef ég
hins vegar hægt á ferðinni og
breytt vinnulaginu. Það er auðvit-
að algengt að myndlistarmenn séu
með mikið á sinni könnu og séu
jafnvel að keppast við að klára
verk fram á síðustu stundu. Nú vil
ég hafa nægan tíma til að hugsa og
vinna áður en ég sýni.“
Algjörar andstæður
Þegar Kimmo er spurður hvers
vegna hann sýni nú á Íslandi segist
hann hafa hug á að dvelja hér um
stund síðar meir og vinna. Sýning-
in í Gallerí Skugga er afrakstur
samstarfs finnskra og sænskra
listamanna, sem sýnt hafa saman
áður í Hollandi og víðar. „Char-
lotta er sænsk, starfar í Stokk-
hólmi, og er þetta önnur sýningin
sem við höldum saman. Hún vinnur
mjög markvisst með afmörkuð
rými og miða verk hennar að því
að skapa rof í skynjun áhorfand-
ans. Þetta eru hárfínar innsetn-
ingar sem virka á hina sjónrænu
skynjun. Ég dáist að því hvað hún
þorir að nota lítinn efnivið í verk
sín, að því leyti eru sýningar okkar
reyndar algjörar andstæður,“ seg-
ir Kimmo.
Er kominn á dálítið
aðrar slóðir í skúlptúrnum
Næsta ár verður annasamt hjá
Kimmo en hann mun m.a. annast
sýningarstjórn á stærstu skúlptúr-
sýningu sem haldin hefur verið í
Finnlandi og segist hann hlakka til
þess að kynnast verkum annarra
listamanna náið í tengslum við þá
vinnu.
„Næsta ár verður ár í Finnlandi,
ég held einkasýningu í galleríi, tek
þátt í safnasamsýningu og verður
skúlptúr sem ég vann fyrir borg-
arlistasafnið í Helsinki vonandi
vígður á næsta ári. Ég er kominn á
dálítið aðrar slóðir í skúlptúrnum,
ég held að bíllinn sem ég sýni hér á
Íslandi hafi e.t.v. verið mitt síðasta
hlutbundna verk. Ég hef unnið fjöl-
mörg verk sem tengjast heimilis-
og einkalífi undanfarin ár. Nú er
ég farinn að vinna afstrakt, að
verkum sem ég veit ekki hvað eru,
veit bara að þau heilla mig.“
Sýningar Kimmo Schroderus og
Charlottu Mickelsson í Gallerí
Skugga standa til sunnudagsins 29.
september næstkomandi. Galleríið
er opið milli kl. 13 og 17 alla daga
nema mánudaga og er aðgangur
ókeypis.
Morgunblaðið/Árni Sæberg
Finnski myndhöggvarinn Kimmo Schroderus í nánd við skúlptúrinn „If
Not Today, Then Tomorrow“ sem hann sýnir í Gallerí Skugga.
Morgunblaðið/Þorkell
Charlotta Mickelsson vinnur með gagnsæ efni, nánast ósýnileg.
Skúlptúrinn og
draumurinn í Skugga
LISTIR
FORSETAFRÚIN á Taívan, Wu
Shu-chen, er nú í heimsókn í
Bandaríkjunum og veifar hér til
aðdáenda sinna við komuna til
Washington á föstudag. Wu slas-
aðist illa í bílslysi 1984 og notast við
hjólastól. Hefur verið tekið á móti
henni með mikilli viðhöfn þótt
Bandaríkin hafi ekki stjórnmála-
samband við Taívan af tillitssemi
við kommúnistastjórnina í Peking.
Óljóst var í gær hvort Wu myndi
hitta að máli háttsetta ráðamenn í
Washington. Wu heimsótti á mánu-
dag minnisvarðann um Thomas
Jefferson, þriðja forseta Bandaríkj-
anna og aðalhöfund sjálfstæðisyfir-
lýsingarinnar.
AP
Forsetafrú hyllir lýðræðið
UM átta þúsund manns söfnuðust
saman í miðbæ Kiev, höfuðborgar
Úkraínu, í gær til að krefjast afsagn-
ar Leoníds Kútsjma forseta. Á sama
tíma lögðu þingmenn stjórnarand-
stöðunnar fram ályktun á þingi sem
felur í sér málshöfðun á hendur for-
setanum til embættismissis. Enn-
fremur komu um 60 þingmenn
stjórnarandstöðunnar sér fyrir í for-
setahöllinni og hófu þar hungurverk-
fall en þeir krefjast þess að fá að af-
henda forsetanum bænaskjal um að
hann segi af sér.
Mótmælendur söfnuðust saman
fyrir framan þinghúsið í Kiev og
báru þeir kröfuspjöld og hrópuðu
slagorð: „Kútsjma víki,“ „Kútsjma,
yfirmaður þjófanna,“ og „valdaklík-
una í fangelsi, völdin til fólksins.“
Stjórnarandstöðuflokkarnir á þingi
skipulögðu mótmælin en þau koma
degi eftir að leiðtogar flokkanna
ruddust inn á skrifstofur ríkissjón-
varpsins til að krefjast meiri umfjöll-
unar þar um sjónarmið andstæðinga
forsetans.
Yulia Timosjenkó, einn af leiðtog-
um stjórnarandstöðunnar, hvatti
þingmenn til að samþykkja að höfða
mál á hendur forsetanum, enda hefði
hann misbeitt valdi sínu. Felur
þingsályktun stjórnarandstöðunnar
í sér að haldnar skuli nýjar forseta-
kosningar í landinu. Var haft eftir Ti-
mosjenkó að neiti þingið að taka
ályktunina á dagskrá muni stjórnar-
andstaðan ekki taka frekari þátt í
þingstörfum.
Þá var sagt frá því í gær að Banda-
ríkjastjórn væri hætt við áform um
að styðja Úkraínu fjárhagslega um
55 milljónir dollara eins og til stóð.
Grunar Bandaríkjamenn að Úkraína
hafi með vitund Kútsjma selt Írök-
um tæknibúnað, þ.e. ratsjárkerfi
sem notað er í hernaði, en hugsan-
legt er að Írakar ættu auðveldara
með að skjóta niður bandarískar
herþotur með þessum búnaði.
Mótmæli gegn
Kútsjma harðna
Kiev, Washington. AFP.