Morgunblaðið - 11.09.2003, Blaðsíða 16

AKUREYRI
16 FIMMTUDAGUR 11. SEPTEMBER 2003 MORGUNBLAÐIÐ
Nýr veitingastaður
Aðalstræti 12
restaurant bar take-away
Sólin rís í austri
sushi, salöt, misósúpur,
curries, núðlur og grillréttir
opið frá kl.12.00 mán. - fös. og frá kl.17.30 lau. og sun.
UNGMENNAFÉLAG Akureyrar, UFA, og
Ungmennasamband Eyjafjarðar, UMSE, stefna
að því að sækja sameiginlega um að halda Lands-
mót UMFÍ á Akureyri 2007 eða 2009. Félögin
hafa sent erindi til íþrótta- og tómstundaráðs Ak-
ureyrarbæjar vegna málsins en ekki fengið form-
legt svar. Fyrsta ungmennafélag landsins var
stofnað á Akureyri árið 1906, UMFÍ var stofnað
1907 og fyrsta Landsmót ungmennafélaganna
var haldið á Akureyri árið 1909. Því eru stór tíma-
mót framundan hjá ungmennafélagshreyfing-
unni.
Haukur Valtýsson, formaður UFA, sagði að
þótt stefnt væri að því að senda umsóknir um
bæði mótin, væri frekar horft til mótsins 2009,
þegar 100 ár verða liðin frá fyrsta landsmótinu.
Hann sagði að sækja þyrfti um mótin fyrir 1. nóv-
ember nk. Haukur sagðist vita af áhuga Sunn-
lendinga á að halda landsmótið 2007. Mótið hefði
verið haldið á Egilsstöðum 2001, það verður hald-
ið á Sauðárkróki á næsta ári og því taldi Haukur
ólíklegt að mótið yrði haldið norðan heiða 2007.
Því væri frekar horft til ársins 2009.
UFA og UMSE hafa starfað mikið saman og
Haukur sagði að innan raða UMSE væri fólk sem
hefði mikla reynslu af keppnishaldi. UFA væri
ekki það stórt eða öflugt félag að það réði eitt við
framkvæmdina. Einnig þyrftu ÍBA og fleiri félög
að koma að málum, enda megi gera ráð fyrir tvö
til þrjú þúsund keppendum á landsmót. Hann
sagði jafnframt að Akureyrarbær og þau sveit-
arfélög sem standa að félögunum þyrftu að
standa formlega að umsókninni, að öðrum kosti
væri hún ekki tekin gild.
Haukur sagði að nokkur áhugi væri á frjálsum
íþróttum á Akureyri. „Við hefðum þó alveg viljað
hafa fleiri yngri iðkendur. Þá hefur okkur heldur
ekki tekist að vera með nógu breiðan hóp fullorð-
inna iðkenda. Þeir eldri fara margir suður og í fé-
lög þar. Við höfum heldur ekki haft neina al-
mennilega aðstöðu. Við höfum haft ágæta aðstöðu
í Boganum frá áramótum en ekki neina boðlega
útiaðstöðu, þar sem hægt er að bjóða upp á
keppni. Útiæfingar fara fram á Akureyrarvell-
inum en þar eru hlutirnir úr sér gengnir og við
fáum ekki að halda nein mót þar. Aðstaðan á Ak-
ureyrarvellinum var full boðleg á sínum tíma en
er barns síns tíma. Það þarf því að endurbyggja
svona völl og við viljum ekki endilega fá bætta að-
stöðu í tengslum við væntanlegt landsmót, heldur
mun fyrr.“
Íþróttabandalag Akureyrar sendi fyrr á árinu
erindi til ÍTA, varðandi áframhaldandi uppbygg-
ingu íþróttamannvirkja í bænum. Þar var m.a.
talið æskilegt að skoða sem fyrst undirbúning að
endurbótum á Akureyrarvelli vegna hugsanlegs
landsmóts 2007 eða 2009. Þá sendi Íþróttafélagið
Þór erindi til ÍTA í byrjun sumars, þar sem óskað
var eftir viðræðum vegna uppbyggingar á frjáls-
íþróttaaðstöðu og áhorfendastúku á félagssvæði
Þórs. Haukur sagði að UFA hefði gert ýmsar at-
hugasemdir við hugmyndir Þórs og taldi útilokað
að stunda æfingar í frjálsum íþrótttum og knatt-
spyrnu á sama velli á sama tíma, ekki síst vegna
kastgreinanna. Slíku væri ekki að heilsa á Ak-
ureyrarvellinum, þar sem þar færu ekki fram
knattspyrnuæfingar. Haukur sagðist þó ekki úti-
loka neitt svæði í bænum undir frjálsíþróttavöll
en vill að völlurinn verði sýnilegur.
Vilja halda landsmót á
Akureyri 2007 eða 2009
Fyrsta Landsmót ung-
mennafélaganna var
haldið á Akureyri 1909
ATVINNUMÁLANEFND
Akureyrarbæjar hélt sinn síð-
asta fund í vikunni og hætti þar
með formlega störfum. Um leið
var verkefnum sem nefndin
hafði unnið að flestum vísað til
nýstofnaðrar Kynningar- og
markaðsstofu Akureyrarbæjar
(KOMA) sem mun fylgja þeim
eftir.
Það að nefndin skuli vera
lögð niður er í samræmi við til-
lögur um breytingar á aðkomu
bæjarins að atvinnumálum sem
hún átti sjálf drjúgan þátt í að
móta. Einnig var á fundinum
samþykkt tillaga um að skipað-
ur verði starfshópur sem fylgi
eftir þeim tillögum og hug-
myndum sem hafa komið fram
vegna vinnu að Byggðaáætlun
2002–2005 og geta stuðlað að
eflingu byggðar á Akureyri.
Þetta kemur fram á heimasíðu
Akureyrarbæjar.
Atvinnu-
málanefnd
hættir
störfum
DAGLEGT ljós á daglegri för er
heiti á bók sem Irene Gook, 94 ára
gömul kona á Akureyri, hefur ný-
lega gefið út. Greinilegt er að bókin
á nokkrum vinsældum að fagna því
þetta er í fjórða sinn sem hún er
gefin út hér á landi, kom fyrst út
fyrir nær einni öld eða árið 1908.
„Bókin var uppseld og mér datt í
hug nú síðasta vetur að gaman væri
að gefa hana út til minningar um
manninn minn, Guðvin Gunn-
laugsson, og nú hef ég látið verða
af því,“ segir Irene sem ber ald-
urinn einkar vel og kemur starfs-
fólki heilsugæslunnar á óvart ár
hvert þegar hún fær vottorð vegna
endurnýjunar á ökuskírteini sínu;
„Það eru allir svo hissa á hve sjónin
er góð ennþá en fyrir það er ég
mjög þakklát,“ segir hún, en kveðst
að mestu aka um innanbæjar.
Bregði sér þó stöku ferðir inn í
Eyjafjörð, austur í Fnjóskadal og
jafnvel vestur í Skagafjörð.
Með von um bless-
unarríkan ávöxt
Það var Ólafía Jóhannsdóttir sem
þýddi bókina úr ensku og gaf út ár-
ið 1908. Hún starfaði á fyrstu
tveimur áratugum aldarinnar að
líknarstörfum í Noregi, hjúkraði
þar sjúkum og heimilislausum og
stundaði hjálparstarf meðal ógæfu-
fólks í Ósló. „Aldrei hefir neitt verk
verið mér eins unaðsríkt eins og að
umrita þessa litlu bók á mál okkar,
ég hef aldrei gert neitt verk með
eins mikilli von um blessunarríkan
ávöxt fyrir þjóð mína,“ segir Ólafía
í formála sem hún skrifar með
fyrstu útgáfunni. Guðrún Ásmunds-
dóttir samdi leikrit um Ólafíu sem
sýnt var fyrr á árinu.
Bókin var löngu uppseld árið
1952 þegar faðir Irene, Arthur
Gook, gaf hana út öðru sinni, en
Ólafía hafði beðið hann að sjá um
áframhaldandi útgáfu. Þau Irene
og Guðvin sáu svo um þriðju útgáfu
bókarinnar árið 1992 og var hún
uppseld. Irene gefur bókina nú út
enn að nýju, „því fólk var alltaf að
spyrja um hana og vildi greinilega
eignast þessa bók,“ eins og hún seg-
ir.
Kristilegar hugleiðingar
fyrir hvern dag ársins
Bókin inniheldur kristilegar hug-
leiðingar fyrir hvern dag ársins
auk hugleiðinga sem eiga við sér-
stök tækifæri, ástvinamissi, erf-
iðleika, vanda, giftingar og afmæli.
„Sjáðu hérna,“ segir Irene og flett-
ir upp á 21. desember en þar má sjá
tilvitnunina: Hörmungardagar þín-
ir skulu þá vera á enda. „Á þessum
degi árið 2001 dó maðurinn minn.
Fólk notar bókina m.a.til að fletta
upp ákveðnum dögum eða þegar
eitthvað gerist tiltekna daga, les
hugleiðinguna og margir fá styrk
eða huggun við það,“ segir hún.
„Margir grípa einnig til bókarinnar
þegar þeim líður illa og lenda
kannski á kafla sem gefur þeim
nýja von.“
„Ég vona að bókin fái jafngóðar
viðtökur nú og áður, en auðvitað er
nú til mikið af bókum af þessu tagi,
úrvalið er meira en áður var,“ segir
hún en nefnir að bókin sé mikið gef-
in í tækifærisgjafir
sem og til ferming-
argjafa.
Arthur faðir
Irene kom fyrst til
Íslands sem trúboði
árið 1905, en hann
kvæntist eiginkonu
sinni, Florence árið
1907 og komu þau
þá bæði hingað til
lands. Irene fædd-
ist í Lundúnum áið
1909, en móðir
hennar var heilsu-
tæp á meðgöngu og
eftir að fyrsta barn
þeirra dó í fæðingu
var ákveðið að hún
héldi á heimaslóðir
í Englandi til að
fæða börn sín.
Irene ólst upp í
Bristol og gekk þar
og víðar í skóla, en
hún lauk námi í
hjúkrunarfræði og
er einnig ljósmóðir,
en námi lauk hún
árið 1936.
Sólsetrið
dýrðleg sjón
„Ég kom í heim-
sókn til Íslands árið
1929 með móður
minni og yngri
systur, það var
mjög góður tími,“ segir Irene, en í
Íslandsförinni gekk hún ásamt
bróður sínum frá Akureyri í Mý-
vatnssveit. „Ég gleymi aldrei þeirri
dýrðlegu sjón sem við okkur blasti
þegar við komum að kvöldlagi yfir
Mývatnsheiðina og sáum sólsetrið,
ég hef aldrei séð neitt eins fallegt
og tók ástfóstri við landið. Ég upp-
lifði mjög sterkar tilfinningar og
vissi að ég ætti eftir að koma aftur
til Íslands.“
Arthur stofnaði drengjaheimilið
að Ástjörn, en þar lést eiginkona
hans árið 1948. „Eftir það fór ég að
hugsa um að mig langaði að koma
til Íslands og lét svo verða af því í
mars árið 1950 og hef átt heima hér
síðan,“ segir Irene, en hún starfaði
m.a. sem ljósmóðir á Fjórðungs-
sjúkrahúsinu á Akureyri og hjúkr-
unarfræðingur á dvalarheimilinu
Hlíð, þar sem hún býr nú.
Irene Gook gefur út bók með kristilegum
hugleiðingum, komin á tíræðisaldur
Margir grípa til bókarinn-
ar þegar þeim líður illa
Irene Gook með bók sína.
Morgunblaðið/Kristján
FIMMTÁN umsóknir bárust um
starf jafnréttisráðgjafa Akureyrar-
bæjar sem auglýst var laust til
umsóknar í síðasta mánuði. Af
þessum fimmtán umsóknum voru 7
frá körlum. Staða jafnréttisfulltrúa
er 100% og verður á stjórnsýslu-
sviði og ein af sex stöðum sem
heyra beint undir bæjarstjóra.
Umsækjendur um stöðuna eru:
Ásta María Sverrisdóttir, Reykja-
vík, Dögg Matthíasdóttir, Akur-
eyri, Gísli Þór Gunnarsson,
Reykjavík, Guðmundur Björn Ey-
þórsson, Kópavogi, Haukur
Hauksson, Reykjavík, Helga Rún
Viktorsdóttir, Reykjavík, Hildur
Fjóla Antonsdóttir, Reykjavík,
Hulda Sigríður Guðmundsdóttir,
Akureyri, Katrín Björg Rík-
arðsdóttir, Akureyri, Kristín
Ólafsdóttir, Reykjavík, Linda
Hrönn Ríkharðsdóttir, Akureyri,
Ragnar Þór Pétursson, Dalvík,
Sigfús Aðalsteinsson, Akureyri,
Steinar Almarsson, Akranesi, og
Þórður Björn Sigurðsson Reykja-
vík.
Stefnt er að því að ráða í stöð-
una eftir miðjan þennan mánuð.
Undanfarin fjögur ár hefur Elín
Antonsdóttir verið í 50% stöðu
sem jafnréttisfulltrúi bæjarins en
hún lét af störfum í byrjun júlí sl.
15 umsóknir um stöðu jafnréttisráðgjafa
Um helmingur um-
sókna frá körlum