Morgunblaðið - 11.09.2003, Qupperneq 39
MORGUNBLAÐIÐ FIMMTUDAGUR 11. SEPTEMBER 2003 39
DAGBÓK
STJÖRNUSPÁ
Frances Drake
MEYJA
Afmælisbörn dagsins:
Þú ert tilfinningarík/ur og
frjálslynd/ur og ferð ekki
alltaf troðnar slóðir. Þú ert
hlý/r og barngóð/ur og ert
því frábært foreldri. Á kom-
andi ári þarftu að læra eitt-
hvað af aukinni einveru.
Hrútur
(21. mars - 19. apríl)
Það eru miklar líkur á valda-
baráttu í vinnunni. Þú ert sann-
færð/ur um að þú hafir á réttu
að standa en einhver annar er
jafn sannfærður um hið gagn-
stæða.
Naut
(20. apríl - 20. maí)
Það er mikilvægt að þú komir
að öllum málum með opnum
huga í dag, sérstaklega þeim
sem tengjast börnum og ást-
vinum. Það er hætt við að þú
festist í ákveðinni hugsun eða
hugmynd.
Tvíburar
(21. maí - 20. júní)
Gættu þess að láta ekki vaða
yfir þig í dag. Sumir virðast til-
búnir til að ganga ansi langt til
þess að koma skoðunum sínum
á framfæri.
Krabbi
(21. júní - 22. júlí)
Forðastu deilur við systkini þín
og þá sem þú ert í daglegum
samskiptum við. Þú þarft ekki
að sanna neitt. Ef þú kemst að
leyndarmálum farðu þá vel
með þau.
Ljón
(23. júlí - 22. ágúst)
Þig langar svo mikið til að
kaupa eitthvað að það er hætt
við að þú fáir það á heilann.
Ekki taka ákvörðun fyrr en þú
hefur náð áttum.
Meyja
(23. ágúst - 22. sept.)
Ekki reyna að troða skoðunum
þínum upp á aðra í dag, jafnvel
þótt þér finnist mikilvægt að
þeir sjái þína hlið á málinu.
Vog
(23. sept. - 22. okt.)
Leyndarmál verða hugsanlega
afhjúpuð í dag. Dagurinn hent-
ar því vel til alls konar rann-
sóknarvinnu.
Sporðdreki
(23. okt. - 21. nóv.)
Það er hætt við að samræður
við vini og vandamenn verði
harkalegar í dag. Þú getur
komið í veg fyrir þetta með því
að halda ró þinni. Forðastu að
blanda þér í deilur annarra.
Bogmaður
(22. nóv. - 21. des.)
Yfirmenn þínir munu hugs-
anlega gera auknar kröfur til
þín í dag. Bíddu með að segja
skoðun þína á málinu þar til
eftir helgina.
Steingeit
(22. des. - 19. janúar)
Dagurinn hentar vel til alls
konar rannsóknarvinnu sem
tengist sálfræði, geðlækn-
ingum og jafnvel göldrum. Þú
vilt vita hvað leynist undir yf-
irborði hlutanna.
Vatnsberi
(20. jan. - 18. febr.)
Þetta er góður dagur til alls
konar rannsóknarvinnu. Þú ert
óvenju líkleg/ur til að grafa upp
leyndarmál.
Fiskar
(19. feb. - 20. mars)
Forðist valdabaráttu við maka
ykkar og yfirmenn í dag. Málið
snýst ekki um annað en völd og
er ekki þess virði að æsa sig yf-
ir. Síðar í vikunni mun þér finn-
ast kjánalegt að hafa gert veð-
ur út af því.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
ÁRNAÐ HEILLA
HEIMSMEISTARAMÓT
ungmenna (25 ára og
yngri) fór fram í níunda
sinn í París í síðasta mán-
uði. Fimmtán þjóðir hófu
keppni og var fyrst spiluð
einföld umferð leikja (allir
við alla), en fjórar efstu
sveitirnar spiluðu síðan til
úrslita. Hinar fjórar út-
völdu þjóðir voru Danir,
Bandaríkjamenn, Ítalir og
Pólverjar, allt stórþjóðir í
brids. Danir unnu Pól-
verja í tiltölulega jöfnum
leik í undanúrslitum og
Ítalir lögðu Bandaríkja-
menn með 0,5 IMPa mun
í 64 spilum! Minni getur
munurinn vart orðið. Ítal-
ir unnu svo Dani örugg-
lega í 96 spila leik með
271 IMPum gegn 184. Á
næstu dögum verða skoð-
uð spil frá mótinu og við
byrjum á öfugum enda, á
sjálfum úrslitaleiknum.
Spil 1. Norður gefur;
enginn á hættu.
Norður
♠ 5
♥ 75
♦ G764
♣ÁKG1085
Vestur Austur
♠ KG1098632 ♠ D74
♥ ÁG8 ♥ K10942
♦ 8 ♦ 1052
♣9 ♣62
Suður
♠ Á
♥ D63
♦ ÁKD93
♣D743
Rétt er að kynna liðin
fyrst. Sigursveit Ítala er
þannig skipuð: Bræðurnir
Stelio og Furio di Bello;
Fabio Lo Presti og
Francesco Mazzadi; og
Ruggiero Guariglia og
Stefano Uccello. Lið
Dana: Kare Gjaldbaek og
Martin Schaltz; systkinin
Björg og Jonas Houmöll-
er; og Andreas Marq-
uardsen og Boje Henrik-
sen.
Opinn salur:
Vestur Norður Austur Suður
Mazzadi Schaltz Lo Presti Gjaldbaek
– 3 grönd * Pass 4 tíglar *
4 spaðar Dobl * Pass Pass
Pass
Opnun Matins Schaltz á
þremur gröndum var góð
hindrun í láglit og Kare
Gjaldbaek ákvað að
spyrja um einspil til hlið-
ar með fjórum tíglum.
Mazzadi blandaði sér í
umræðuna með fjórum
spöðum og Schaltz dobl-
aði til að sýna einspil í
spaða. Gjaldbaek óttaðist
þrjá tapslagi á hjarta í
fimm laufum og ákvað að
verjast í fjórum spöðum
dobluðum. Það gaf ekki
góða raun, því sagnhafi
fann hjartadrottninguna
léttilega og fékk tíu slagi:
590 í AV.
Lokaður salur:
Vestur Norður Austur Suður
Houmöller S. di Bello J. Hou-
möller
F. di Bello
– 1 lauf Pass 1 tígull
4 spaðar 4 grönd * 5 hjörtu 6 lauf
6 spaðar Dobl Allir pass
Sagnir fara rólega af
stað í lokaða salnum, en
svo fer allt á fulla ferð.
Það þarf hjartaútspil til
að bana sex laufum, svo
það var góð ákvörðun hjá
Björgu að fórna í sex
spaða. Hún fann líka
hjartadrottninguna og fór
tvo niður: 300 til Ítala og
13 IMPar.
Tónninn gefinn, strax í
fyrsta spili.
BRIDS
Guðmundur Páll
Arnarson
FRÉTTIR
Mjódd, sími 557 5900
Svartar og plómulitaðar
dragtir frá SHARE
Úrval af buxum
BRÚÐKAUP. Gefin voru
saman 14. júní sl. í Háteigs-
kirkju af séra Halldóri
Reynissyni þau Ragnhildur
Elín Lárusdóttir og Stefán
Ari Guðmundsson. Heimili
þeirra er í Hafnarfirði.
Ljósmynd/Nærmynd
BRÚÐKAUP. Gefin voru
saman 28. júní sl. í Längbro
kirkju i Örebro, Svíþjóð,
þau Sigurlaug Jónsdóttir
og Mats Jonas Forsman.
HLUTAVELTA
Þessar duglegu stúlkur, Lilja Hrönn Einarsdóttir og Lísa
Rún Kjartansdóttir, héldu tombólu og söfnuðu kr. 4.048 til
styrktar Rauða krossi Íslands.
1. e4 c5 2. Rf3 Rc6 3. d4 cxd4
4. Rxd4 Rf6 5. Rc3 e5 6. Rdb5
d6 7. Bg5 a6 8. Ra3 b5 9. Rd5
Be7 10. Bxf6 Bxf6 11. Rxf6+
Dxf6 12. Dd2 0-0 13. c3 Bb7
14. Rc2 Re7 15. Bd3 d5 16.
De2 Had8 17. 0-0 Rg6 18. g3
Staðan kom upp á Skák-
þingi Íslands, kvennaflokki,
sem lauk fyrir skömmu í
Hafnarborg í Hafnarfirði.
Lenka Ptácníková (2.215)
hafði svart gegn Hörpu
Ingólfsdóttur (2.057). 18 …
Rf4! 19. De3 hvítur hefði
staðið upp með tapað tafl
hefði mannsfórnin verið
tekin þar eð eftir 19. gxf4
Dg6+ 20. Kh1 dxe4 21.
Bxb5 e3+ 22. f3 Hd2 kem-
ur hvítur engum vörnum
við. Eftir textaleikinn er
svarta staðan einnig unnin.
19 … Rxd3 20. Dxd3 dxe4
SKÁK
Helgi Áss
Grétarsson
Svartur á leik.
21. De2 Df3 22. Hfe1 Hd2 23.
Dxf3 exf3 24. Hac1 f6 25.
Hed1 Hfd8 26. Re3 Kf7 27.
Kf1 Be4 28. h4 Bd3+ 29. Kg1
Hxb2 30. Rc2 a5 31. a3 e4 32.
Rd4 Hc8 33. Rxf3 Hb3 34.
Re1 Hbxc3 35. Rxd3 exd3 36.
Hb1 H8c5 37. Ha1 Hb3 38.
Ha2 Hc2 39. Hda1 Hxa2 40.
Hxa2 Ke6 41. Ha1 d2 42. Kf1
Hc3 43. Hd1 Hc1 44. Ke2
Hxd1 45. Kxd1 Kd5 46. Kxd2
Kc4 47. Kc2 b4 48. axb4 axb4
49. f4 f5 50. h5 h6 og hvítur
gafst upp.
REYKJAVÍK
Þjóðminningardaginn 1897
Þar fornar súlur flutu á land
við fjarðarsund og eyjaband,
þeir reistu Reykjavík.
Hún óx um tíu alda bil,
naut alls, sem þjóðin hafði til,
varð landsins högum lík. –
Og þó vor höfn sé opin enn
og enn þá vanti knerri og menn,
við vonum fast hún vaxi senn
og verði stór og rík.
En þó við flóann byggðist borg
með breiða vegi og fögur torg
og gnægð af öllum auð, –
ef þjóðin gleymdi sjálfri sér
og svip þeim týndi, er hún ber,
er betra að vanta brauð.
– Þeir segja, að hér sé hættan mest
og hérna þróist frónskan verst
og útlend tízka temjist flest
og tungan sé í nauð.
_ _ _
Einar Benediktsson
LJÓÐABROT
SIGURÐUR Kári Kristjánsson al-
þingismaður segist borinn röngum
sökum í frétt í tímaritinu Séð og
heyrt sem er nýkomið út. Í fréttinni
er sagt að lögregla hafi stöðvað þing-
manninn í Ölfusumdæmi fyrir hrað-
akstur og án ökuréttinda hinn 5. júlí
síðastliðinn. Sigurður segist ekki
hafa ekið umræddri bifreið og hafi
fengið staðfestingu frá því hjá sýslu-
manninum á Selfossi. Yfirlýsing Sig-
urðar Kára er eftirfarandi:
„Vegna fréttar tímaritsins Séð og
heyrt sem kemur út í dag, miðviku-
daginn 10. september 2003, sé ég
mig knúinn til að taka eftirfarandi
fram. Í frétt blaðsins er fullyrt að
þann 5. júlí sl. hafi ég verið gripinn
fyrir of hraðan akstur í Ölfusum-
dæmi án ökuréttinda. Hafi hið
meinta umferðarlagabrot mitt verið
ljósmyndað og sýni ljósmyndin að í
umræddu tilviki hafi ég verið öku-
maður bifreiðarinnar. Þá er fullyrt
að ég eigi yfir höfði mér háar fjár-
sektir vegna hins meinta umferðar-
lagabrots. Það skal skýrt tekið fram
að frétt blaðsins og áðurnefnd full-
yrðing Séð og heyrt er röng og úr
lausu lofti gripin, enda var ég ekki
ökumaður bifreiðarinnar. Ég hef
fengið staðfestingu á því frá sýslu-
manninum á Selfossi, sem jafnframt
hefur staðfest við mig og ritstjóra
Séð og heyrt að á umræddri ljós-
mynd komi skýrt fram að ég sé ekki
ökumaður bifreiðarinnar og að frétt
blaðsins sé því röng og eigi ekki við
rök að styðjast. Ég sé þar borinn
röngum sökum. Blaðamaður Séð og
heyrt sá ekki ástæðu til að bera frétt
sína undir mig áður en hún var skrif-
uð. Eftir að ég fékk vitneskju um að
blaðið hugðist birta umrædda frétt,
og í kjölfar þess að ég fékk upplýs-
ingar um að Sýslumaðurinn á Sel-
fossi hefði staðfest við ritstjóra
blaðsins að fréttin væri efnislega
röng, fór ég þess á leit við ritstjóra
Séð og heyrt og stjórnarformann út-
gáfufélagsins Fróða hf., sem gefur
blaðið út, að fréttin yrði ekki birt.
Urðu þeir ekki við ósk minni. Óskaði
ég þá eftir því að blaðið lýsti því yfir
að fréttin væri röng og bæði mig af-
sökunar á því að hafa haft mig fyrir
rangri sök með þessum hætti. Þeirri
ósk minni var einnig hafnað. Ég
harma það að tímaritið Séð og heyrt
skuli viðhafa önnur eins vinnubrögð
og ég hef hér lýst. Ég harma það
einnig að ritstjóri blaðsins skuli ekki
hafa dregið birtingu fréttarinnar til
baka eða beðið mig velvirðingar á
fréttaflutningnum þrátt fyrir að hafa
fengið staðfestingu frá sýslumannin-
um á Selfossi, æðsta yfirmanni lög-
reglunnar og handhafa ákæruvalds í
umdæminu, um að fréttin væri röng.
Að lokum beini ég því til þeirra
frétta- og blaðamanna sem hyggjast
fjalla um málið að fá staðfestingu á
því sem að ofan greinir hjá Ólafi
Helga Kjartanssyni, sýslumanni á
Selfossi.“
Ólafur Helgi Kjartansson sýslu-
maður staðfesti í samtali við Morg-
unblaðið að umrædd mynd sýndi að
Sigurður Kári hefði ekki ekið bíln-
um.
Frétt um hraðakstur
úr lausu lofti gripin