Heimilistíminn - 20.03.1975, Blaðsíða 32
r
26. marz
Sú hlið persónuleika þins, sem mest ber
á, er frábært minni þitt, sem verður þér til
mikils gagns i hvaða starfi sem er. Til eru
viss störf, þar sem hæfileikinn til að muna
nöfn og númer getur verið lykillinn að
miklum frama. Þú ert alvarlega hugsandi
og veltir hlutunum mikið fyrir þér, en
kímnigáfan getur komið i veg fyrir að þú
verðir þungur og þröngsýnn. Þú getur
lifgaö upp á hvaða samkvæmi sem er og
verið midepillinn, en oftast ertu þó meðal
þeirra „venjulegu” því það viltu helzt.
Þú ert ánægðastur ef þú starfar á ein-
hverju listrænu sviði, þar sem þú getur
sjálfur tekið ákvarðanir án afskipta yfir-
manns, sem segir þér, hvað þú átt að gera
og hvenær. Þú gerir miklar kröfur, eink-
um hvað varðar starfið og alltaf má
treysta þvi að þú gerir þitt bczta á hverj-
um tima.
Þótt tilfinningar þinar séu djúpar, áttu
ekki auðvelt með að láta þær i ljósi og þú
framkvæmir sjaldan af fljótfærni eða
vanhugsuðu máli. En þegar þú verður
ástfanginn af alvöru, verðurðu það við
fyrstu sýn og aðeins þessi eina eða eini
getur gert þig fullkomlega ánægðan. Ef
þú giftist ekki viðkomandi, giftistu að lik-
indum aldrei þvi þú kærir þig ekki um það
næstbezta.
LdöT)
Sigurður Draumland:
Að
Þrístöpum
Morgunsáriö mildar eigi
martröð — Foldarslóð
líkt og stirðnuð örends ásýnd,
áður fjörs með blóð,
skynjar ei hve skórinn kreppir
skelfda, hrakta þjóð.
Þögnin dýpkar þá er fellur
þungt með dimmum hljóm
högg, sem breytir héraðsrómi
hratt í sýknudóm.
Hatur blint og heift skal stöðva,
hitt er auðn og tóm.
öxin leyst af tveggja taki
teflir næsta leik,
aldahvörf mót eggjum snúa
annt um lífsins kveik,
hinzta sinni hrjóta af stalli
höfuð dauðableik.
Harmi sér i huga veltir
herra að þessum stað.
Flestir kjósa fljótt að gleyma.
Fennir sköflum að.
— ,,Skal mitt hróp af heitum
dreyra....",
Hjáimar Jónsson kvað.
32