24 stundir - 05.04.2008, Blaðsíða 28

28 LAUGARDAGUR 5. APRÍL 2008 24stundir
Eftir Kristjönu Guðbrandsdóttur
dista@24stundir.is
Hvaða lifandi manneskju líturðu upp til og
hvers vegna?
Ég lít upp til sonar míns, Ívars Helga, og
það er af því að mér líkar vel við hann. Prýð-
isnáungi. Síðan eru náttúrlega margir aðrir
sem ég lít upp til.
Hver er þín fyrsta minning?
Ég á mínar fyrstu minningar um föður
minn frá því ég var lítill. Við vorum geysi-
lega miklir vinir. Hann dó síðan þegar ég var
þriggja ára og ég brosti ekki í heilt ár á eftir.
Við vorum alltaf að gera eitthvað sniðugt.
Faðir minn spilaði á píanó og var mikill þús-
undþjalasmiður. Mamma kunni líka ým-
islegt fyrir sér.
Hver eru helstu vonbrigðin hingað til?
Að missa föður minn svona ungur voru
mikil vonbrigði.
Hvað í samfélaginu gerir þig dapran?
Að Íslendingum komi ekki nógu vel sam-
an, þeir eru alltaf hver upp á móti öðrum.
Eyða of miklum tíma í óþarfa vesen og þras.
Þeir hafa bara ekki farið í réttan skóla en
gætu nú samt lært þetta, sérstaklega ef ég
gæti stýrt kennslunni á bak við tjöldin.
Ófriður eyðir bæði peningum og tíma og
menn sem deila eiga oft svo margt sameig-
inlegt sem þeir átta sig ekki á. Það væri betra
ef þeir byrjuðu á því að syngja saman í
þinginu áður en vinna hefst. Tala nú ekki
um ef þeir tækju upp á því að dansa gömlu
dansana (ef að það vantar dömur í dansinn
þá er nóg af sjálfboðaliðum.)
Leiðinlegasta vinnan?
Ætli það hafi ekki verið þegar ég vann í
stuttan tíma á Múlalundi. Ég var að breyta
til og einn ráðgjafi minn benti mér á að ég
gæti haft gott af vinnu þar. Þá var ég veikur í
bakinu. Starfið var það alleiðinlegasta sem
ég hef nokkurn tíma tekið mér fyrir hendur
og það var af því að andinn var svo erfiður.
Uppáhaldsbókin þín?
Biblían. Ég hugsa oft um þá bók en les lít-
ið í henni. Margir hafa lesið upp úr henni
fyrir mig. Merk bók og margt sem þarft er að
vita í henni þótt ekki sé þar allt satt. Því mið-
ur hef ég ekki lesið hana mikið en ég lofa því
núna að gera það. Það eru svo margir sem
þurfa leiðbeiningar í lífinu um hvað er rétt
og hvað er rangt og þá er Biblían hin besta
bók, það er svo margt í henni um hvaða
götu á að fara, hinn gullna meðalveg.
Hvað eldarðu hversdags, ertu góður
kokkur?
Ég tel mig vera afbragðskokk en kona mín
fyrrverandi, prýðiskona, var ekki á sama
máli og henni fannst oft að hún þyrfti að
leiðbeina mér. Ég vildi til dæmis bæta ótrú-
legustu grösum út í, borða hvönn og hunda-
súru en það fannst henni voða asnalegt. Það
má ekki gleyma gleymda grænmetinu sem
vex úti um alla móa.
Ég er bestur í að búa til það algengasta.
Mamma bjó alltaf til hallærisgraut þegar
ekkert var til í matinn. Stundum var ekkert
til því hún var lengi ekkja. En hún komst þá
alltaf að því að ýmislegt var í skápunum sem
hún hafði eiginlega reiknað með að væri
hvorki fugl né fiskur. Hún var sko flinkur
kokkur eins og kona mín.
Hver myndi leika þig í kvikmynd
byggðri á ævi þinni?
Ætli það væri ekki Hjalti Rögnvaldsson.
Hann er mjög góður leikari og segist hafa
leikið mig áður. Það var í leikritinu um
Dunganon eftir Björn Th. Björnsson sem
hin merka kona Brynja Benediktsdóttir setti
upp í Borgarleikhúsinu. Brynja hafði mig í
huga þegar Hjalti þurfti að túlka Dunganon.
Að frátalinni húseign, hvað er það dýr-
asta sem þú hefur fest kaup á?
Óskasteinninn minn sem er ósýnilegur. Ef
mig vantar ráð þá fæ ég allt í einu í kollinn,
hið minnsta 3 ráð. Ég kalla þetta bara óska-
stein. Það er leiðinlegt að vera ráðalaus. Það
getur komið fyrir alla en ég er með svo mik-
inn banka í hausnum að ég get gefið ráð.
Sumum finnst þau óráð en ýmsum öðrum
finnst það ekki.
Mesta skammarstrikið?
Ég hef gert mörg skammarstrik og rifja
þau upp aftur og aftur til að brenna mig ekki
á sama soðinu.
Hvað er hamingja að þínu mati?
Það er nú mjög tengt því að vera bjart-
sýnn og heilbrigður. Svo náttúrlega ást til
lífsins sem er hlutur sem fólk gleymir stund-
um. Svo er um að gera að gera gott úr hlut-
unum, það eru milljón möguleikar, ekki
bara þúsund hliðar á hverju máli, heldur
milljón sem um er að ræða. Nóg er að líta
vel í kringum sig.
Hvaða galla hefurðu?
Ég er með fullt af göllum en þá má nú
nýta. Ég get tekið dæmi af manni sem vill
vinna á stað þar sem hann á að píska rjóma
með handafli. Maðurinn skelfur mjög mikið
og því er hann ráðinn á stundinni. Hann
þarf ekkert að hafa fyrir því.
Einn er haltur og fær gervifót og þá getur
hann smyglað í gervifætinum. Óskaplega
vinsæll, honum er boðið út og suður og hef-
ur ekki hugmynd um lýsispillurnar sem
leynast í fætinum hans. Svoleiðis geta gallar
verið ágætir og ekki er allt sem sýnist.
Ef þú byggir yfir ofurmannlegum hæfi-
leikum, hverjir væru þeir?
Það væri til dæmis að stjórna heiminum
án þess að hafa nokkuð fyrir því og allir
væru í friði og sátt.
Hvernig tilfinning er ástin?
Hún er yndisleg, eitthvað það yndislegasta
sem hægt er að hugsa sér en hún getur líka
verið óskaplega bitur og erfið. Ég er voða
fljótur að verða skotinn í konum og að verða
ástfanginn. Tilfinningin er holl og notaleg.
Allt verður þó að vera í hófi og það má ekki
vera of ástfanginn af milljónum kvenna, ég
lofa því að fara ekki út í þá sálma.
Hvað grætir þig?
Áður en ég fer að sofa þá horfi ég á fal-
legar myndir í málverkabókum. Róm-
antískar og fallegar landslagsmyndir. Þá
dreymir mann miklu betur, það er svona ráð
við allskonar skuggum sem eru að vesenast.
Ég gleymi heldur ekki bænunum.
Hefurðu einhvern tímann lent í lífs-
hættu?
Ég fékk lungnabólgu þrisvar sinnum þeg-
ar ég var lítill og það héldu allir að ég myndi
deyja.
Ég hef líka brotið á mér hausinn. Ég lofa
að gera það aldrei aftur. Ég datt af hestbaki
ellefu ára gamall og var ekki upp á marga
fiska lengi á eftir. Öll hin skiptin sem ég hef
verið í hættu ætla ég ekkert að rifja upp. Ég
hef verið frekar heppinn í lífinu.
Hvaða hluti í eigu þinni meturðu mest?
Það þarf ekki mikinn verslunarskólamann
til að finna það út að það er óskasteinninn
minn. Ég hef líka samið sögur og ljóð sem
eru dulbúnar leiðbeiningar fyrir fólk um
ýmislegt. Hvernig það á að brjótast til rík-
isdæmis eða fátæktar og verða hamingju-
samt. En ég kenni engum að verða óham-
ingjusamur.
Hvað gerirðu til að láta þér líða vel?
Svona mátulega mikið. Umgangast gott
fólk. Læt aðra bara róa. Vellíðan byggist
mikið á því að velja réttu hlutina, litina,
fólkið. Að velja og hafna. Velja það sem sýn-
ist best hverju sinni.
Hverjir eru styrkleikar þínir?
Ég held að þeir felist í hugarfluginu. Ef
maður hefur bjartan huga þá er það eins og
himinn sem hægt er að mála á fallegar
myndir.
Hvað langaði þig að verða þegar þú varst
lítill?
Ég ætlaði að verða læknir og flugmaður,
svo breyttist það en samt breyttist það í raun
ekki. Ég geri þetta tvennt í huganum, að
fljúga og lækna. Sumir eru þannig að þá má
lækna með því að segja eitthvað skemmti-
legt. Ég held að ég sé feginn því að vera ekki
dr. Ketill.
Er gott að búa á Íslandi?
Ég hef farið í kringum jörðina og veit allt-
af betur og betur að það er best að vera hér.
Hefurðu einhvern tímann bjargað lífi
einhvers?
Ég vona það, en það er ekkert til að tala
um. Það er í sambandi við einhverja sem eru
hugsjúkir og hafa ætlað að stytta sér aldur.
Hvert er draumastarfið?
Ég vann hjá Íþrótta og tómstundaráði og
það fannst mér eins og óskastund. Ég fór í
leiðangra með börnum og sagði þeim
spennandi og skemmtilegar sögur með boð-
skap.
Hvað ertu að gera núna?
Núna er ég að mála mikið. Í gærkvöldi
málaði ég 27 myndir. Síðastliðið ár hef ég
málað einar 2000 myndir. Sumar litlar og
sumar stærri. Svo er ég að yrkja ljóð sem
mikið sólskin er í, ég flýg þar sem er sólskin.
Ég er líka að semja sögur fyrir fólk og ætla að
finna útgefanda fyrir þær.
24spurningar
Ketill Larsen
Ketil Larsen þekkja margir sem
sögumann, lífskúnstner og for-
ingja jólasveina og trúða. Ketill
hefur leikið Tóta trúð á tyllidög-
um frá árinu 1971 og um jól
bregður hann sér í líki Aska-
sleikis sem hann álítur foringja
jólasveina. „Í dag mála ég mikið
og sem ljóð og sögur,“ segir Ket-
ill sem er þó langt í frá hættur að
skemmta börnum með söng og
sögum. „Ég hef leikið kalla sem
krakkar hafa gaman af í 40 ár og
ætla að halda því áfram, þá fer
ég stundum í gervi Sindbaðs Sæ-
fara sem syngur texta úr flösku-
skeytum sem sjórinn og seltan
hefur oft máð hluta af.“
a
Ég get tekið dæmi af manni sem vill vinna á stað þar sem hann
á að píska rjóma með handafli. Maðurinn skelfur mjög mikið og
því er hann ráðinn á stundinni. Hann þarf ekkert að hafa fyrir því.
24stundir/Kristinn