Morgunblaðið - 25.04.2005, Blaðsíða 2
2 MÁNUDAGUR 25. APRÍL 2005 MORGUNBLAÐIÐ
FRÉTTIR
PÁFI VILL EININGU
Benedikt páfi XVI tók við embætt-
inu við hátíðarmessu á Péturstorginu
í gærmorgun og voru hundruð þús-
unda manna viðstödd. Páfi hvatti
mjög til einingar allra kristinna
manna og sagði að „einn hirðir“ ætti
að gæta hjarðarinnar. Hann hvatti
fólk til að biðja fyrir sér og sagði
embættið afar erfitt. Páfi bauð full-
trúa annarra kristinna kirkjudeilda á
staðnum og gyðinga velkomna, sagði
gyðinga deila dýrmætum arfi með
kristnum.
Bensínstöð við LSH
Áform borgaryfirvalda um að
koma Essó-bensínstöð fyrir á reitn-
um við Umferðarmiðstöðina í
Reykjavík, kom þeim sem annast
hafa skipulagningu nýs húsnæðis
fyrir Landspítala – háskólasjúkrahús
á Hringbrautarsvæðinu nokkuð á
óvart. Telja stjórnendur LSH ekki
heppilegt að hafa bensínstöð svo ná-
lægt nýjum spítala.
Íslandsmeistarar í brids
Ásmundur Pálsson og Guðmundur
Páll Arnarson urðu í gærkvöldi Ís-
landsmeistarar í tvímenningi í brids.
Voru þeir að vonum kampakátir með
sigurinn. Reyndar er Ásmundur eng-
inn aukvisi þegar að brids kemur en
hann hefur 22 sinnum hampað Ís-
landsmeistaratitli í íþróttinni.
Hverfa frá Líbanon
Sýrlendingar hafa nú flutt nær all-
an her sinn frá Líbanon og er aðeins
eftir lítill herflokkur sem tekur þátt í
kveðjuathöfn á morgun. Öryggisráð
Sameinuðu þjóðanna samþykkti í
fyrra ályktun um að hernámsliðið
ætti að fara frá Líbanon.
Árás úr launsátri
Ráðist var á lækni úr launsátri við
heimili hans sl. föstudag. Var árás-
armaðurinn handtekinn síðar um
kvöldið og á laugardag úrskurðaður í
fjögurra vikna gæsluvarðhald að
kröfu lögreglunnar í Reykjavík.
Læknirinn hlaut áverka í andliti og
er hugsanlega rifbeinsbrotinn.
Kínverjar líti í eigin barm
Japanskir ráðamenn segja að Kín-
verjar ættu að lagfæra eigin kennslu-
bækur í sögu, þar sé boðið upp á ein-
hliða mynd af heimi þar sem Kín-
verjar hafi alltaf rétt fyrir sér. Er
með þessu verið að svara ásökunum
um að Japanar leyfi notkun kennslu-
bóka sem geri lítið úr hryðjuverkum
þeirra í stríðinu.
Y f i r l i t
Í dag
Sigmund 8 Dagbók 30/32
Fréttaskýring 8 Myndasögur 30
Viðskipti 11 Víkverji 30
Vesturland 12 Velvakandi 31
Erlent 13 Staður og stund 32
Daglegt líf 14/15 Leikhús 33
Menning 16, 33/37 Bíó 34/37
Umræðan 17/22 Ljósvakar 38
Forystugrein 20 Veður 39
Minningar 23/28 Staksteinar 39
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
ÚRSKURÐARNEFND þjóðkirkj-
unnar telur að sr. Hans Markús Haf-
steinsson sóknarprestur í Garða-
prestakalli hafi gerst ber að
margvíslegum aga- og siðferðisbrot-
um. Telur úrskurðarnefndin ekki
nægilegt að veita honum áminningu
þar sem á liðlega einu ári hafi verið
reynt til þrautar öll úrræði sem unnt
var að grípa til svo leysa mætti þann
alvarlega samskiptavanda sem uppi
er í Garðasókn. Segir úrskurðar-
nefndin að sr. Hans Markús beri
mesta ábyrgð á því hvernig málum sé
komið í sókninni.
Úrskurðarnefndin telur því óhjá-
kvæmilegt að leggja til við biskup Ís-
lands að sr. Hans Markús verði flutt-
ur til í starfi eins og sóknar-
nefndarformaður og varaformaður
ásamt djákna í Garðasókn kröfðust.
Sr. Hans Markús, sem vísaði mál-
inu til úrskurðarnefndar, krafðist
þess að Matthías G. Pétursson sókn-
arnefndarformaður og Arthur Far-
estveit varaformaður yrðu áminntir
svo og að Nanna Guðrún Zoëga
djákni og Friðrik J. Hjartar, prestur í
Garðasókn, yrðu flutt til í starfi. Hann
sakaði m.a. Nönnu Guðrúnu um að
hafa staðið fyrir einelti, m.a. með sms-
skeytum úr síma eiginmanns hennar
en úrskurðarnefndin taldi slíkt ósann-
að. Þó lá fyrir í málinu að eiginmaður
hennar hafi sent sr. Hans óviðeigandi
sms-skilaboð. Fullyrti Nanna Guðrún
ítrekað að hún hafi ekki vitað af því.
Bað hún sr. Hans afsökunar á þessu
fyrir hönd manns síns.
Sr. Hans hélt því fram að Matthías
og Arthur hefðu ginnt hann til sam-
starfs við sálfræðing. Hefði það verið
sérlega ámælisvert að ginna hann til
samstarfs við sálfræðing sem ljóst
hafi verið allan tímann að myndi
brjóta þagnarskyldu gagnvart sér og
aðrar laga- og siðareglur um trúnað-
arskyldu heilbrigðisstétta með starfs-
aðferðum sínum. Matthías og Arthur
neituðu þessu.
Var ekki ginntur til
samstarfs við sálfræðing
Úrskurðarnefndin segir um þetta
að sr. Hans Markúsi hafi mátt vera
það ljóst þegar fenginn var utanað-
komandi aðili til að skoða vandamálin
í sókninni að niðurstaðan kynni að
verða sú að hann sjálfur ætti þar ein-
hvern hlut að máli. Úrskurðarnefndin
telur því að ekki sé hægt að halda því
fram að hann hafi verið ginntur til að
samþykkja þessa vinnu. Hafi hún ver-
ið hluti af sáttargjörð sem var hand-
söluð á fundi með vígslubiskupi 10.
apríl 2004 og sem sr. Hans Markús
var aðili að.
Nefndin telur þó, í umfjöllun sinni
um það sjónarmið hans þess efnis að
niðurstaða sálfræðingsins hafi ekki
verið kynnt honum og sóknarnefnd
hafi ekki gefið honum kost á að tjá sig
um fyrirhugað bréf til biskups, að
Matthías og Arthur hafi brotið meg-
inreglur stjórnsýslulaga um and-
mælarétt. Ekki hafi verið séð til þess
að sálfræðiniðurstöðurnar væru
kynntar prestum og djákna og þeim
gefinn kostur á að tjá sig um þær áður
en sálfræðingurinn fundaði um þær
með sóknarnefnd eða biskupi.
Í málavaxtalýsingu er greint frá því
af hálfu Arthurs að í bréfi eiginkonu
sr. Hans Markúsar til biskups, en eig-
inkonan er aðstoðaryfirlögregluþjónn
hjá ríkislögreglustjóra, hafi því bein-
línis verið hótað að embætti hennar
yrði beitt í málinu. Í bréfi ríkislög-
reglustjóra hafi verið beðist afsökun-
ar á þeim mistökum að sent hafi verið
bréf í nafni embættisins til biskups.
Úrskurðarnefnd þjóðkirkjunnar um deilurnar í Garðaprestakalli
Prestur ber mesta ábyrgð
Eftir Örlyg Stein Sigurjónsson
orsi@mbl.is
Alvarlegur/10
34 ÁRA karlmaður var á laugardag
úrskurðaður í fjögurra vikna gæslu-
varðhald að kröfu lögreglunnar í
Reykjavík vegna árásar á lækni sem
m.a. hefur sinnt hefur rannsóknum í
sakamálum fyrir lögreglu. Árásin var
gerð úr launsátri við heimili læknisins
síðdegis á föstudag og var árásarmað-
urinn handtekinn síðar um kvöldið.
Læknirinn hlaut áverka í andliti, þó
ekki andlitsbeinbrot, en er hugsan-
lega rifbrotinn. Gerð var krafa um
gæsluvarðhald yfir árásarmanninum
og tók Héraðsdómur Reykjavíkur
kröfuna til greina.
Árásarmaðurinn hefur ekki komið
við sögu lögreglu áður, hann er í fullu
starfi og hefur auk gæsluvarðhaldsins
verið gert að sæta geðrannsókn. Fyr-
ir dómi játaði hann árásina en kærði
gæsluvarðhaldsúrskurðinn til Hæsta-
réttar.
Lögreglan frétti af
hótunum í vikunni
Árásarmaðurinn hafði í aðdrag-
anda árásarinnar haft í hótunum við
lækninn og ónáðað hann. Læknirinn
lét lögreglu vita af málinu í síðustu
viku án þess þó að hann legði fram
kæru á hendur manninum. Hótanir
mannsins ágerðust uns hann lét til
skarar skríða á föstudag. Árásarmað-
urinn mun hafa talið sig eiga erindi
við lækninn vegna starfa hans og
byrjaði að hóta honum fyrir nokkrum
vikum. Að sögn lögreglunnar þekkj-
ast þeir ekkert.
Hörður Jóhannesson yfirlögreglu-
þjónn segir að rannsókn lögreglunnar
beinast að því m.a. að upplýsa hvort
árásarmaðurinn teljist sakhæfur og
sé gæsluvarðhaldinu ætlað að taka
hann úr umferð þar sem talið sé að
hann sé hættulegur lækninum. Hörð-
ur staðfestir að engin barefli eða ann-
ars konar vopn hafi verið notuð við
árásina.
Búist er við að Hæstiréttur taki af-
stöðu til kæru sakborningsins innan
nokkurra daga.
Ráðist var á lækni úr launsátri við heimili hans
Hafði fengið hótanir
frá manninum lengi
FJÖLSKYLDUDAGUR var haldinn í Gróttu í gær þar
sem ýmislegt var á boðstólum fyrir gesti og gangandi.
Boðið var upp á tónlistaratriði og veitingar í Fræðasetri
Gróttu og Gróttuviti var opinn. Hægt var að komast í
eyjuna á fjöru milli kl. 11 og 14 og nýttu sér það fjöl-
margir, gengu fjöruna og nutu náttúrunnar. Ugla Evu-
dóttir Collins og Agnes Marí Gunnarsdóttir voru með
fötu meðferðis og könnuðu hvað leyndist í pollunum.
Morgunblaðið/Sverrir
Gróttudagur í blíðskaparveðri
ÞRIGGJA ára barn var hætt
komið þegar það féll í Þing-
vallavatn við Skálabrekku
skömmu fyrir klukkan fjögur á
laugardaginn. Foreldrunum
tókst að bjarga því á land en þá
hafði barnið misst meðvitund.
Faðirinn beitti blástursmeð-
ferð og náði barnið þannig með-
vitund á ný.
Kallað var á sjúkrabíl frá
Reykjavík sem tók við barninu
eftir að foreldrarnir höfðu ekið
til móts við hann. Fékk barnið
meðferð á Landspítalanum við
komuna til Reykjavíkur.
Í annað sinn á viku
Þetta er í annað sinn á stutt-
um tíma sem barni er bjargað
meðvitundarlausu á land eftir
slys við sjó eða vatn. Á fimmtu-
dag varð sams konar slys við
Kolgrafafjörð þar sem tvö
þriggja ára börn féllu í sjóinn,
þar af missti annað þeirra með-
vitund. Í bæði skiptin voru það
fullorðnir sem björguðu lífi
barnanna með skyndihjálp.
Barn hætt
komið
við Þing-
vallavatn
SLÖKKVILIÐ höfuðborgarsvæð-
isins var kallað að íbúð í húsi við
Tjarnarbraut í Hafnarfirði í gær á
þriðja tímanum. Þar hafði kviknað í
eldhúsi út frá feiti. Þrátt fyrir að
slökkvistarf hefði gengið fljótt og
vel, urðu talsverðar skemmdir af
völdum eldsvoðans. Engan sakaði.
Kviknaði í eld-
húsi í Firðinum
GÁMAFLUTNINGABÍLL með full-
hlaðinn gám af fiski fór útaf í
beygju í Námaskarði og valt síð-
degis í gær. Bílstjórinn var fluttur
til aðhlynningar á Fjórðungs-
sjúkrahúsið á Akureyri. Bíllinn var
á leið frá Seyðisfirði til Dalvíkur og
segir lögreglan að svo virðist sem
hann hafi farið of hratt í beygju.
Þá varð bílvelta við Höfn á Sval-
barðsströnd í gærkvöldi. Ökumað-
ur missti stjórn á bílnum og hlaut
bakmeiðsl. Var hann fluttur á
Fjórðungssjúkrahúsið á Akureyri.
Tvær bílveltur
úti á vegum