Morgunblaðið - 25.04.2005, Blaðsíða 11
MORGUNBLAÐIÐ MÁNUDAGUR 25. APRÍL 2005 11
VIÐSKIPTI/ATHAFNALÍF
STJÓRNVÖLD í Frakklandi og
Þýskalandi heimta hærri flugvallar-
skatta af farþegum sem fljúga til Ís-
lands og annarra EFTA-ríkja en af
farþegum sem fljúga til aðildarríkja
Evrópusambandsins. Auk þess
verða hinir fyrrnefndu að þola meiri
álögur af öðru tagi. Þetta kemur
fram í Stiklum, vefriti viðskiptaskrif-
stofu utanríkisráðuneytisins.
Þar segir að bæði Evrópudóm-
stóllinn og EFTA-dómstóllinn hafi
komist að þeirri niðurstöðu að slík
mismunandi álagning gjalda í far-
þegaflugi samræmist ekki reglum
EES. Hins vegar hafi Icelandair ný-
lega vakið máls á þessu við íslensk
stjórnvöld og telur flugfélagið að
með þessari skattheimtu sé augljós-
lega verið að mismuna farþegum eft-
ir því hvert ferð þeirra er heitið inn-
an Evrópska efnahagssvæðisins.
Gjaldið verði afnumið
Haft er eftir Grétari Má Sigurðs-
syni, skrifstofustjóra viðskiptaskrif-
stofu, að utanríkisráðuneytið hafi
tekið þetta mál upp við sendiráð
Þýskalands og Frakklands hér á
landi og óskað eftir því að þessi mis-
munun í gjaldtöku verði afnumin.
,,Sendiráð okkar í Berlín og París
munu jafnframt bera málið upp við
stjórnvöld í þessum ríkjum. Þá mun-
um við vekja máls á þessu eftir öðr-
um leiðum og leggja áherslu á að far-
þegar sem fljúga til Íslands frá
þessum aðildarríkjum EES þurfi
ekki að sæta mismunun af þessu
tagi,“ segir Grétar Már.
Farþegum
frá Frakk-
landi og
Þýskalandi
mismunað
SÉRFRÆÐINGAR hjá dönskum og
þýskum banka telja að allt bendi til
þess að íslenska efnahagskerfið sé að
ofhitna og að ástæða sé til að hafa
áhyggjur af því. Frá þessu er greint í
frétt á vefmiðli danska blaðsins Berl-
ingske Tidende.
Haft er eftir sérfræðingum hjá
danska bankanum Jyske Bank, að
það sé áhyggjuefni hve lántökur bæði
einstaklinga og fyrirtækja á Íslandi
vaxi hratt. Þá segir í fréttinni að sér-
fræðingar hjá þýska bankanum HSH
Nordbank taki undir þessar áhyggj-
ur, og segi að það sé augljós hætta á
því að íslenska hagkerfið sé að of-
hitna. Þeir bendi einnig á að verðbólg-
an sé yfir markmiðum Seðlabankans.
Frá því er greint í BT að gengi ís-
lensku krónunnar hafi styrkst um
15% gagnvart Bandaríkjadal frá því í
september 2004. Segir blaðið að það
sé mat sérfræðinga bankanna tveggja
að krónan geti ekki haldist það sterk
til lengdar. Búast megi við því að hún
muni falla á næstunni. Þannig spá
sérfræðingar Jyske Bank því að inn-
an tíðar muni gengið lækka um 8–
12% vegna mikils viðskiptahalla og
taka sérfræðingar HSH Nordbank
undir það mat.
BT fjallar einnig um hækkun á
íbúðaverði hér á landi á umliðnum
misserum. Er bent á það að verðið
hafi hækkað um 75% á þremur árum,
að stærstum hluta vegna rýmri fast-
eignalána. Þetta hafi sitt að segja um
aukningu skulda heimilanna.
Hætta á ofhitnun
í efnahagskerfinu
FARÞEGUM í millilandaflugi Ice-
landair fjölgaði um 21,8% í mars í
ár í samanburði við mars á síðasta
ári. Þeir voru tæplega 106 þúsund í
ár en rúm 87 þúsund í fyrra. Sæta-
nýting var 8,5 prósentustigum
betri, framboð var 10,7% meira, en
sala 24,2% meiri, að því er fram
kemur í tilkynningu frá FL Group í
Kauphöll Íslands.
Á fyrstu þremur mánuðum ársins
hefur farþegum Icelandair fjölgað
um 14,2% milli ára, úr 218 þús-
undum í fyrra í 249 þúsund í ár.
Sætanýting hefur aukist um 3,7
prósentustig, en framboðið er 10%
meira en á fyrsta ársfjórðungi
2004.
Farþegum í innanlandsflugi
Flugfélags Íslands fjölgaði um 9,8%
í samanburði við mars á síðasta ári,
og voru rúm 27 þúsund. Á fyrstu
þremur mánuðum ársins eru þeir
6,4% fleiri en í fyrra.
Fleiri farþegar hjá Icelandair
Morgunblaðið/Árni Sæberg
Fáðu úrslitin
send í símann þinn