Tíminn - 05.12.1989, Blaðsíða 10

10 Tíminn
Þriðjudagur 5. desember 1989
lllllllllllllllll DAGBÓK IIIIIIIIIIIIIIIIIIIIIIIIIIIIIIIIIIIIIM^
HOMELITE
o ' * S (a 1 o
IE33S55 ^ HOMELITÉ~1 —mmuW*****'
Rafmagns-
keðjusagir
Motor-
keðjusagir
■|3|
ÞGR!
ARMULA 11 SIMI 681500
t
Haraldur Gíslason
frá Vestmannaeyjum,
Fannborg 1, Kópavogi
lést í Landakotsspítala 24. nóvember. Jaröarförin hefur farið fram í
kyrrþey aö ósk hins látna.
Gísli Þ. Kristjánsson.
t
Móöursystir mín,
Guðbjörg Jónsdóttir
frá Tungufelli í Hrunamannahreppi
andaöist í Sjúkrahúsi Akraness 25. nóvember.
Útförin hefur farið fram í kyrrþey og var jarðsett í Tungufelli.
Innilegar þakkir til starfsfólks E-deildar Sjúkrahúss Akraness fyrir
góöa umönnun.
Fyrir hönd vandamanna,
Svandís Pétursdóttir.
t
Elskuleg eiginkona mín, móöir, tengdamóöir og amma
Anna Bergljót Böðvarsdóttir
fyrrv. stöövarstjóri Pósts og síma
Bjarkarlundi, Laugarvatni,
lést í Sjúkrahúsi Suðurlands aöfaranótt 2. desember.
Þeir sem vildu minnast hinnar látnu láti Sjúkrahús Suðurlands njóta
þess.
Benjamin Halldórsson
Bergljót Magnadóttir Georg Douglas
Halldór Benjamínsson Sigríöur Mikaelsdóttir
Böðvar Benjamínsson Sólveig Friðgeirsdóttir
og barnabörn.
t
Innilegar þakkir til allra sem sýndu samúð og vinarhug viö andlát og
útför eiginmanns míns, föður okkar, tengdaföður og afa
Ingva Kristins Jónssonar
Borgarholti,
Ásahreppi, Rangárvallasýslu
Sérstakar þakkirtil starfsfólks taugalækningadeildar 32A, Landspítal-
anum, og Legudeildar Sjúkrahúss Suöurlands fyrir góöa umönnun.
Þórunn Guðjónsdóttir
Sigríður Kristinsdóttir Dittli
Jón R. Kristinsson
Sigurður Árni Kristinsson
Guðjón Kristinsson
Vilbergur Kristinsson
ÓskarDittli
Kristrún R. Benediktsdóttir
Elke Osterkanp
Jóhanna A. Gunnarsdóttir
og barnabörn
Robin Canter óbóleikari
Robyn Koh semballeikari
Tónleikar í kvóld í
Listasafni Sigurjóns Ólafssonar
Þau Robin Canter óbóleikar og Robyn
Koh semballeikari halda tónleika á veg-
um Musica Nova í Listasafni Sigurjóns
Ólafssonar í kvöld kl. 20:30. Flutt verða
m.a. verk eftir Holliger, Shinohara,
Vaughan-Williams, Berio og Poulenc fyr-
ir óbó og píanó.
Sýningin “Málmverk og aðföng" í
Listasafni Sigurjóns Ólafssonar, Laug-
arnestanga 70, er opin laugardaga og
sunnudaga kl. 14:00-17:00 og öll þriðju-
dagskvöld kl. 20:00-22:00.
SMÍDAGALLERÍ Mjóstræti 2B
Lilja Eiríksdóttir hefur opnað sína
fyrstu málverkasýningu í Smíðagallerí,
Mjóstræti 2B. Hún sýnir 22 olíumyndir
og eru þær flestar málaðar á síðustu
tveimur árum. Sýningin er opin virka
daga kl. 10:00-18:00 og laugardaga kl.
14:00-17:00.
Frá Félagi eldri borgara
Haldinn verður félagsfundur þriðju-
daginn 5. dcs. í Goðheimum, Sigtúni 3,
kl. 20:30.
Fundarefni: Norrænt samstarf og líf-
eyrismál aldraðra. Allir velkomnir.
Athugið: Félagið óskar eftir munum og
kökum fyrir basar Félags eldri borgara í
Reykjavík, sem haldinn verður9. des. kl.
13:00 í Goðheimum, Sigtúni 3.
Upplýsingar á skrifstofu félagsins í
síma 28812.
Brúðusýning í
Bogasal Þjóðminjasafns
Jón E. Guðmundsson opnar sýningu í
Bogasal Þjóðminjasafnsins 5. desember
og stendur hún til 17. des. Jón hóf
starfsemi íslenska Brúðuleikhússins fyrir
35 árum, 5. des. 1954 og hefur starfrækt
það síðan.
Fyrsta verkefnið var leikritið Rauð-
hetta í þýðingu Ævars Kvarans, og mun
það einnig verða sýnt núna. Einnig eru á
sýningunni krítar- og vatnslitamyndir,
ennfremur ýmsir munir skornir út í ís-
lenskt birki.
Upplýsingar um leikbrúðusýningar
meðan á sýningum stendur eru í síma
28888.
Slysavamadeild
kvenna í Reykjavík
Jólafundur verður haldinn fimmtudag-
inn 7. desember kl. 20:30 stundvíslega á
Hótel Holiday Inn.
Góð skemmtiatriði.
Skemmtinefndin biður konur um að
mæta vel og hafa með sér pakka í
jólahappdrættið.
Stoðtæki og hjálpartæki
Stoðtækjasmíðin STOÐ h/f sem hefur
starfrækt þjónustu og smíði stoðtækja og
hjálpartækja undanfarin sjö ár að Trönu-
hrauni 6 í Hafnarfirði, hefur nú aukið á
þjónustu sína með opnun móttöku í
Domus Medica, Egilsgötu, Reykjavík.
Þar verður aðstaða til að sinna öllum
beiðnum um stoðtæki, svo sem spelkur,
gervilimi, sjúkraskó og innlegg. Eins
verður á boðstólum mikið úrval stuðn-
ingsumbúða, hitahlífa, teygjasokka og
bakbelta. Einnig verður sinnt mátun á
gervibrjóstum og brjóstahöldum.
Til að byrja með verður móttakan í
Domus opin kl. 12:00-16:00 alla virka
daga, en óbreytt starfsemi verður einnig
áfram að Trönuhrauni 6 í Hafnarfirði.
Þeir sem áhuga hafa á að kynna sér
starfsemi hjá STOÐ h/f betur, er bent á
að panta tíma í síma 652885.
Jólafundur
Kvenfélags Háteigssóknar
Kvenfélag Háteigssóknar heldur jóla-
fund sinn þriðjudaginn 5. des. í Sjó-
mannaskólanum kl. 20:00. Borinn verður
fram matur, hangikjöt o.fi. Mætið vel og
stundvíslega.
Tónleikar í Listasafni Sigurjóns
- og námskeið fyrir
óbó- og semballeikara
Dagana 5.-8. desember halda Robin
Canter óböleikari og Robyn Koh sembal-
leikari tónleika og námskeið í Reykjavík.
Robyn Koh er íslenskum tónlistarunn-
endum að góðu kunn fyrir tónlistarstörf
sín hér á landi undanfarið, m.a. fyrir
tónleika í Skálholti sl. sumar. Robyn
hefur komið fram víða í Evrópu og
starfar nú í London.
Robin Canter stundaði framhaldsnám
hjá Heinz Holliger og starfaði m.a. um
tíma í Ensemble Intercontemporain í
París. Hann er eftirsóttur einleikari og
fyrirlesari um allan heim. Robin Canter
er prófessor við Royal Northern College
í Manchester og leikur reglulega með
hljómsveitinni Academy of Ancient
Music.
Dagskrá þeirra verður sem hér segir:
Þriðjud. 5. dcs.: Tónleikar á vegum
Musica Nova í Listasafni Sigurjón Ólafs-
sonar kl. 20:30. Flutt verða m.a. verk
eftir Holliger, Shinohara, Vaughan-Wil-
liams, Berio og Poulenc fyrir óbó og
píanó.
Miðvikud. 6. des.: Fyrirlestur með
tóndæmum í Tónlistarskóla Reykjavíkur,
Stekk, Bolholti 6 kl. 17:00. Öllum heimill
aðgangur.
Fimmtud. 7. des.: Tónleikar í Krist-
kirkju kl. 20:30 þar sem leikin verður
gömul tónlist á sembal og barrokk-óbó.
m.a. eftir Hándel, C.P.E. Bach, F. Coup-
erin og Scarlatti.
Sendið kort til CRAIG!
Craig Shergold er 7 ára drengur í The
Royal Marsden Hospital í London. Craig
er mikið veikur. Hann er með æxli í heila
og annaö við mænu, og á að sögn stutt
eftir ólifað.
Hann hefur fengið mörg kort frá fólki
til að óska honum góðs, og nú langar
Craig til að komast í heimsmetabók
Guinness sem sá einstaklingur sem hefur
fengið flest kort með góðum óskum
(„Get Well Cards“) af öllum sjúklingum
í heimi.
Nú hefur Tímanum borist beiðni frá
London um að hvetja fólk til að senda
kort til Craig og hér á eftir fer utanáskrift-
in á kortið:
CRAIG SHERGOLD
56 SELBY ROAD
CARSHALTON
SURREY
SM 5 1 LD
ENGLAND
lllllllll MINNING lllllllllllllllillllllllllllllllllllllllllllllllllllllllllllllll^
Guðrún Bjarnadóttir
Granaskjóli 15, Reykjavík
Fædd 16. ágúst 1931
Dáin 15. nóvember 1989
Pú gekkst að störfum þýð og
þolinmóð,
í þrá að verða öllu góðu að liði.
Pín ævi var sem hugljúft, heilsteypt
Ijóð,
sem hjörtun fyllirró ogmildum friði.
G.A.
Guðrún Bjarnadóttir, húsfreyja
að Granaskjóli 15 í Reykjavík, féll
frá 15. nóvember 1989, 58 ára að
aldri.
Hún var Öræfingur að ætt og
uppeldi. Foreldrar hennar voru
hjónin Bjarni Sigurðsson frá Hofs-
nesi og Lydía Pálsdóttir, Ijósmóðir í
Svínafelli. Þau gengu í hjónaband á
öndverðu ári 1931. Bjarni hafði þá
flutt sig að Svínafelli. Hófu hjónin
búskap þar og bjuggu nokkur ár
félagsbúi með bróður Lydíu, en
hann var kvæntur systur Bjarna.
Félagsbúskapur máganna fór vel úr
hendi, enda einlægur samhugur allra
heimilismanna um það að láta ekki
niður falla merkið sem um langan
aldur hafði verið borið vel og giftu-
samlega á þessu ættaróðali.
Árið 1936 fluttust Bjarni og Lydia
frá Svínafelli að Hofsnesi. Persónu-
legar ástæður á þeint bæ með nánum
skyldmennum Bjarna ollu einkum
þessum breytingum á högum hjón-
anna. Tóku þau þá við búráðum á
föðurleifð Bjarna og bjuggu á Hofs-
nesi æ síðan meðan þau héldu heilsu
til þess og starfskröftum
Guðrún, elsta barn þessara hjóna,
fluttist ekki með þeim að Hofsnesi
en átti heima á Svínafelli mörg ár
eftir það. Svínafellsheimilið var
fjölmennt. Auk húsráðenda voru
þar heimilismenn tvær systur Lydíu
og bróðursonur hennar, einnig bróð-
urdóttir og hennar maður og oft enn
fleira fólk. Guðrún Bjarnadóttir ólst
upp með þessu fólki við ástríki og
nærgætni í hinni stóru fjölskyldu,
enda voru minningar hennar frá
Svínafelli síðar á ævinni á þann veg
að hún af heilum hug gat tekið undir
orð skáldsins: Æska mín leið þar
sem indælt vor.
Þegar Guðrún var rúmlega þrítug
fluttist hún frá Svínafelli til Reykja-
víkur og tók að stunda þar vinnu.
Sigurður Ingvarsson járnsmiður
hefur lengi átt hús og heimili að
Granaskjóli 15 í Reykjavík. Þegar
hann missti fyrri konu sína, Svöfu
Magnúsdóttur, þá voru fimm börn
hans stálpuð, en þó flest eða öll á
skólaaldri. Eftir að högum hans var
þannig komið réð hann Guðrúnu
Bjarnadóttur til að gegna ráðskonu-
störfum á heimilinu. Fluttist hún
þangað á öndverðu ári 1965 - og
fyrir lok þess árs gengu þau Sigurður
og Guðrún í hjónaband. Þau eignuð-
ust eina dóttur. Hún heitir Svafa og
er nú uppkomin. Þetta heimili var
starfssvið Guðrúnar í 24 ár, alveg
fram að dánardægri hennar.
Guðrún var vel verki farin og vildi
jafnan vera vandvirk. Þess naut
heimili hennar. Það var í hennar
huga ekki eingöngu vettvangur til
starfa, heldur jafnframt hugþekkur
vermireitur fjölskyldulífs. Hún var
að eðlisfari fróðleiksfús, gerði sér
ljósa grein fyrir fegurð landsins og
fjölbreytni í ríki náttúrunnar, enda
alin upp á fögrum stað og gróðursæl-
um. Fögur blóm vöktu oft eftirtekt
hennar og hógláta gleði.
Guðrún fylgdist með öðru fólki í
samkvæmum vina og kunningja og
vildi þar sem annars staðar láta gott
af sér leiða. En hún tók ekki þátt í
almennum félagsmálum, enda fann
hún sig ekki alltaf svo sterka til
heilsu sem æskilegast væri. Hvar
sem hún kom þá duldist ekki hóg-
værð hennar og hjartagæði. Hún
gekk jafnan fram, hvort sem var til
vinnu eða vinafunda, þýð og þolin-
móð í þrá að verða öllu góðu að liði.
Minningarathöfn um Guðrúnu
Bjarnadóttur var haldin í sóknar-
kirkju hennar, Neskirkju í Reykj-
avík. En útför hennar var gerð frá
Hofskirkju í Öræfum.
Ætla má eftir hugarfari og fram-
komu Guðrúnar að hún hafi að
síðustu hugsað til sveitar sinnar, líkt
og Vestur-íslendingur hugsaði til'
íslands úr fjarlægð: Móðir, hve ljúft
er að muna og geyma myndir frá
æskunnar dögum hcima.
Og sveitungarnir heima kveðja
hina framliðnu húsfreyju með alúð-
arþökkum og hugsunum eins og
þeim sem felast í þessum ljóðlínum:
Farðu guðs í friði
frjáls af jarðlífs sviði
með þinn heila, hreina skjöld.
p.l*.