Morgunblaðið - 03.12.2006, Blaðsíða 57
MORGUNBLAÐIÐ SUNNUDAGUR 3. DESEMBER 2006 57
að hafa átt þig í mínu lífi og þegar
ég hugsa tilbaka hlýnar mér um
hjartarætur því ég á svo fullt af
minningum um þig og það sem við
gerðum saman, ég vildi bara óska
þess að stundirnar hefðu getað
verið miklu fleiri, þú fórst svo
snögglega. Ef ég ætti að rifja upp
allar okkar góðu stundir þá gæti
ég skrifað heila bók eða tvær, allt-
af var svo gaman og gott að fara
til ömmu. Lítið man ég eftir þegar
þú og afi bjugguð í Neðra-Breið-
holti en man þó eftir því þegar ég
fór með þér í heimsókn til hennar
langömmu, mömmu þinnar, alltaf
var hún langamma svo hress og
fyndin, þú áttir ekki langt að
sækja þennan frábæra húmor sem
alltaf var svo stutt í hjá þér, elsku
amma mín.
Stundirnar sem ég átti hjá ykk-
ur afa í Hagaselinu voru ófáar, oft-
ar en ekki labbaði ég niður brekk-
una eftir skóla til að fá mér te og
ristað brauð og dúlla mér í eldhús-
inu með þér, t.d. hjálpa þér við
uppvaskið eins og þú rifjaðir oft
upp að ég var alltaf svo dugleg.
Þar kom hún Trína inná heimilið
ykkar og vildi ég þá helst ekkert
fara heim oft.
Eftir að þið afi fluttuð á Laug-
arásveginn gat ég ekki lengur
labbað til þín en ég lét það ekki
stoppa mig, fór ég þá bara að taka
strætó og áttum við okkar fasta
dag í langan tíma.
Þegar ég kom var alltaf eitthvað
gott á boðstólnum en það sem
minnir mig á þig er polo, pönsur
með miklum rjóma, kleinur, kaffið
sterka og síðast en alls ekki síst
hakk og spaghetti, það var mitt
uppáhald og það vissir þú, enda
fannst þér svo gott að vita að það
var líka einn uppáhaldsmaturinn
hennar Alexöndru minnar, ekki
mikið mál að bjóða okkur þá held-
ur eftir að hún kom í heiminn.
Þegar Alexandra og Guðmundur
komu í heiminn varstu svo montin
af langömmubörnunum, þú gafst
þeim svo mikið, takk fyrir að hafa
glatt líf þeirra svo mikið.
Þú varst alltaf svo fínt til höfð,
alltaf eitthvað að laga hárið eða
málninguna nú eða leyfa mér að
greiða þér, ég man hvað þér
fannst það þægilegt. Svo varstu
endalaus viskubrunnur sérstak-
lega í ættfræðinni og kveiktir þú
áhuga minn snemma á henni.
Alltaf var svo notalegt að koma
til þín, amma, enda leitaði ég mik-
ið til þín, við gátum setið stund-
unum saman og spjallað um heima
og geima eða þegar eitthvað bját-
aði á var oft nóg að hringja í þig
þó svo það væri bara til að heyra í
þér. Ég vildi bara svo innilega
óska þess að ég hefði gert meira af
því nú í seinni tíð því tíminn er svo
dýrmætur.
Elsku amma og langamma, nú
kveðjum við þig, takk fyrir allar
okkar yndislegu stundir, minning-
in um þig verður alltaf í hjörtum
okkar og huga.
Guð blessi þig og elsku afa í
sorginni, hvíl í friði og við elskum
þig.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum.)
Þín nafna,
Ásthildur Lísa og börn.
Elsku amma mín.
Þú varst amma mín og mér þótti
vænt um þig. Ég veit að þér þótti
vænt um mig og þú varst mér góð.
Aldrei skal ég gleyma þér, elsku
amma, og ég veit að þín er gætt
vel núna.
Þú gerðir margt fyrir mig og
vildir að mér liði vel.
Þér var ofarlega í huga ýmsar
bænir, m.a. þessi:
Guð gefi mér æðruleysi
til að sætta mig við það
sem ég fæ ekki breytt,
kjark til að breyta því
sem ég get breytt
og vit til að greina þar á milli.
(Reinhold Niebuhr.)
Við vitum að þér þótti gaman að
því að spila og að þú hélst upp á
Stein Steinarr og hér er því ljóð
eftir hann.
Að sigra heiminn er eins og að spila á
spil.
með spekingslegum svip og taka í nefið,
(Og allt með glöðu geði
er gjarnan sett að veði.)
Og þó þú tapir, það gerir ekkert til
því það var nefnilega vitlaust gefið.
Guð geymi þig og ljóssins englar
umvefji þig og okkur öll, elsku
amma, þín barnabörn,
Jóhanna Elísa Skúladóttir,
Davíð Þór Skúlason og
Ingi Bjarni Skúlason.
Við fráfall nákominna myndast
alltaf tómarúm og söknuður. Ást-
hildur frænka mín er nú látin. Við
vorum systradætur og kynntumst
á unga aldri. Hún bjó þá á Lundi í
Mosfellsbæ með foreldrum sínum,
Gyðu Briem og Guðmundi Þor-
kelssyni og var gaman að vera þar.
Þótt ég hafi löngum dvalist erlend-
is á uppvaxtarárum okkar lágu
leiðir okkar saman í gegnum árin.
Margar skemmtilegar stundir átt-
um við í góðum félagsskap
skemmtilegra kvenna við að spila
bridge.
Ásthildur var hjartahlý kona og
mátti ekkert aumt sjá. Bjarni, eft-
irlifandi eiginmaður hennar, var
hennar stoð og stytta gegnum árin
og reyndist henni mjög vel. Mér
þykir því vænt um að hafa upplifað
þá stund þegar þau kynntust fyrst.
Ég vil í þessum örfáu orðum minn-
ast hennar og við Guðmundur eig-
inmaður minn og fjölskylda okkar
vottum Bjarna og fjölskyldu henn-
ar innilega samúð.
Katrín S. Briem.
Við skulum lifa daginn í dag eins
vel og við getum, því enginn veit
hvað morgundagurinn ber í skauti
sér. Og það gerði ástkær svilkona
mín vel. Þegar maður mætti henni
sýndi hún manni fulla athygli og
ávallt hlýju og áhuga. Hún sinnti
heimili sínu af mikilli natni og
smekkvísi og gott var að sækja
þau hjón heim, hvort sem við kom-
um boðin eða litum bara inn, fann
maður sig alltaf hjartanlega vel-
kominn. Báðar vorum við þakk-
látar tengdaforeldrum okkar sem
tóku okkur með kostum og kynjum
þegar við tengdumst inn í fjöl-
skylduna, hvor á sínum tíma, hún
til að giftast elsta syninum en ég
hinum yngsta. Hún var nákvæm-
lega 9 árum eldri en ég og það er
svo undarlegt til þess að hugsa að
við eigum ekki eftir að hafa sam-
band á sameiginlegum afmælisdegi
okkar til þess að óska hvor annarri
til hamingju og á annarri okkar
lenti að segja „sömuleiðis“ og
hlæja svo dátt yfir því. Ásthildur
hafði glöggt auga fyrir því bros-
lega í daglega lífinu og gat hent
gaman að því á góðlátan hátt. Þeg-
ar ég sit í stofunni minni horfi ég á
marga fallega hluti sem hún gaf
okkur hjónum og nú gefa minning-
unum lausan tauminn. Mikið
gladdi hún mig þegar hún kom
upp í kirkju í litla bridds-hópinn
okkar með síðustu útsprungu rós-
ina úr garðinum sínum á síðast-
liðnu hausti. Hún hafði unun af
garðvinnu og var óþreytandi að
segja mér frá hvernig þessari eða
hinni plöntunni vegnaði í garðinum
hennar. Plönturnar voru eins og
vinir hennar sem hún meðhöndlaði
af mikilli nærgætni. Við spiluðum
bridds saman í nokkur ár og fórum
á námskeið saman og þá komu í
ljós hæfileikar hennar bæði í spila-
mennskunni og í mannlegum sam-
skiptum. Hún spilaði á nokkrum
stöðum og hafði fjarska gaman af
og varð þar gott til vina. Ásthildur
gleymdi ekki gamla fólkinu sem
stóð henni nærri og var örlát á
tíma sinn til vinaheimsókna í
heimahús eða á stofnanir. Hún gat
verið órög við að segja mér til
syndanna á sanngjarnan hátt en
alltaf þannig að við vorum skjótar
til sátta. Seinni árin fórum við með
betri helmingunum okkar, eins og
við kölluðum þá okkar á milli, í
sumarferðir um landið og minnist
ég þess sérstaklega þegar við
komum á Bíldudal hve Ásthildi
þótti vænt um að dvelja þar og
heimsækja sinn ættarreit. Ásthild-
ur var sérlega meðvituð um ætt-
feður sína og mæður, hvernig hún
væri hlekkur í þeirri keðju og börn
hennar og barnabörn sem voru
hennar yndi, væru þau sem tækju
við framtíðinni. Hún hafði raun-
sæja sýn á veruleikann og tilbúin
að taka á hverju sem hún mætti á
sinn staðfasta hátt og hún átti þá
von og trú að Guð tæki á móti
henni þegar hennar tími væri
kominn. Hún gaf mér og fjölskyldu
minni margar ánægjustundir sem
við erum innilega þakklát fyrir.
Blessuð sé minning hennar og
megi henni líða vel í nýjum heim-
kynnum. Guð blessi eiginmann
hennar og fjölskyldu og huggi þau
í sorg þeirra með eilífum kærleika
sínum. Fari hún í friði með fögru
engla liði eins og segir í ferðasálmi
Hallgríms Péturssonar og með
þeim orðum þakka ég elskulegri
svilkonu samfylgdina.
Margrét Svavarsdóttir.
Vönduð og persónuleg þjónusta
Inger Steinsson,
útfararstjóri,
s. 691 0919
Sími 551 7080
Bárugötu 4, 101 Reykjavík.
Ólafur Örn
útfararstjóri,
s. 896 6544
Inger Rós
útfararþj.,
s. 691 0919
✝
Eiginkona mín, móðir okkar, tengdamóðir, amma
og langamma,
KRISTÍN GESTSDÓTTIR,
Grænagarði, Garðaholti,
Garðabæ,
verður jarðsungin frá Vídalínskirkju í Garðabæ
miðvikudaginn 6. desember kl. 13.00.
Sigurður Þorkelsson,
Jóhann Sigurðsson, Ingibjörg St. Sigurðardóttir,
Hólmfríður Sigurðardóttir, Ágúst Þ. Gunnarsson,
Bjarney Sigurðardóttir, Þór Sverrisson,
barnabörn og langömmubarn.
✝
Elskuleg systir mín, mágkona og frænka,
KOLBRÚN BJÖRNSDÓTTIR
sjúkraliði,
Ljósheimum 20,
Reykjavík,
verður jarðsungin frá Garðakirkju fimmtudaginn
7. desember kl. 13.00.
Þórunn Daníelsdóttir, Ármann Jóhannsson,
Edda Bryndís Ármannsdóttir, Gunnvant B. Ármannsson,
Brandur Gunnvantsson,
María Kristjánsdóttir
og aðrir ættingjar.
✝
Elskuleg móðir okkar, tengdamóðir, amma og
langamma,
SELMA S. GUNNARSDÓTTIR,
Andrésarbrunni 5,
Reykjavík,
lést á hjúkrunarheimilinu Sóltúni fimmtudaginn
30. nóvember.
Jarðarförin verður auglýst síðar.
Rannveig Hrönn Harðardóttir, Sævar Björnsson,
Guðný J. Karlsdóttir, Eyjólfur Ólafsson,
Gýgja Karlsdóttir, Anton Sigurðsson,
Gylfi Karlsson,
barnabörn og barnabarnabörn.
✝
Faðir okkar, sonur, bróðir og mágur,
GUÐMUNDUR SVAVAR BÖÐVARSSON,
Berkeley,
Kaliforníu,
lést miðvikudaginn 29. nóvember síðastliðinn.
Róbert Daníel Böðvarsson, Erik Ma Böðvarsson,
Böðvar Stefánsson,
Stefán Magnús Böðvarsson, Anna Björg Þorláksdóttir,
Reynir Eyvindur Böðvarsson, Ann Olanders Böðvarsson
og fjölskyldur.
✝
Elskuleg móðir okkar, tengdamóðir, amma og lang-
amma,
JÓHANNA GUÐRÚN GUÐMUNDSDÓTTIR,
áður til heimilis
á Laufásvegi 60,
lést að morgni föstudagsins 1. desember á Hrafn-
istu í Hafnarfirði.
Jarðarförin verður auglýst síðar.
Fjölskyldan.
Morgunblaðið birtir minning-
argreinar alla útgáfudagana.
Skil | Greinarnar skal senda í gegn-
um vefsíðu Morgunblaðsins: mbl.is –
smella á reitinn Senda efni til Morg-
unblaðsins – þá birtist valkosturinn
Minningargreinar ásamt frekari
upplýsingum.
Skilafrestur | Ef birta á minning-
argrein á útfarardegi verður hún að
berast fyrir hádegi tveimur virkum
dögum fyrr (á föstudegi ef útför er á
mánudegi eða þriðjudegi). Ef útför
hefur farið fram eða grein berst ekki
innan hins tiltekna skilafrests er
ekki unnt að lofa ákveðnum birting-
ardegi. Þar sem pláss er takmarkað
getur birting dregist, enda þótt
grein berist áður en skilafrestur
rennur út.
Lengd | Minningargreinar séu ekki
lengri en 3.000 slög (stafir með bil-
um - mælt í Tools/Word Count).
Ekki er unnt að senda lengri grein.
Hægt er að senda örstutta kveðju,
HINSTU KVEÐJU, 5-15 línur, og
votta þeim sem kvaddur er virðingu
sína án þess að það sé gert með
langri grein. Ekki er unnt að tengja
viðhengi við síðuna.
Formáli | Minningargreinum fylgir
formáli, sem nánustu aðstandendur
senda inn. Þar koma fram upplýs-
ingar um hvar og hvenær sá, sem
fjallað er um, fæddist, hvar og hve-
nær hann lést, um foreldra hans,
systkini, maka og börn og loks hvað-
an útförin fer fram og klukkan hvað
athöfnin hefst. Ætlast er til að þetta
komi aðeins fram í formálanum, sem
er feitletraður, en ekki í minning-
argreinunum.
Undirskrift | | Minningargreina-
höfundar eru beðnir að hafa skírn-
arnöfn sín en ekki stuttnefni undir
greinunum.
Myndir | Ef mynd hefur birst í til-
kynningu er hún sjálfkrafa notuð
með minningargrein nema beðið sé
um annað. Ef nota á nýja mynd er
ráðlegt að senda hana á mynda-
móttöku: pix@mbl.is og láta um-
sjónarmenn minningargreina vita.
Minningargreinar