Morgunblaðið - 03.12.2006, Blaðsíða 61

MORGUNBLAÐIÐ SUNNUDAGUR 3. DESEMBER 2006 61
FRÉTTIR
Vinir, vonir og þrár eru vatnsberanum efst í huga. Einbeittu
þér að mikilvægu takmarki, fundum með fólki sem hugsar eins
og þú og góðum félagsskap. Tímabilið sem fer í hönd er upplagt
fyrir lærdóm, hlutdeild og hópvinnu eða sameiginleg markmið.
Leiðin framundan gæti hins vegar verið nokkuð holótt á næst-
unni, eitthvað sem gerist reynir á þolrifin og truflanir verða á
samskiptum. Viðfangsefni tengd börnum eða rómantík verða
ekki endilega létt. Skapandi verkefni gætu orðið fyrir trufl-
unum eða óvæntum breytingum. Hagaðu seglum eftir vindi og
þá koma aðrir möguleikar eða stuðningur frá vinum upp á yf-
irborðið. Aðrir þurfa líka á þér að halda á næstunni.
Vatnsberi 21. janúar – 19. febrúar
Tími ábyrgðar er runninn upp. Vinna, samskipti við yfirvöld og
skyldur eru inni í myndinni. Fiskurinn þarf að búa sig undir
smávegis ókyrrð rétt áður en tungl verður fullt í tvíbura 5. des-
ember. Það gæti komið róti á heimilislíf, vinnutengd markmið
eða eitthvað sem fiskurinn ber ábyrgð á, sem og jafnvægið í
samskiptum við maka eða nána samstarfsmenn. Vertu á varð-
bergi gagnvart truflunum. Láttu berast með straumnum og tal-
aðu þig í gegnum hlutina þar til allt fellur í ljúfa löð. Áður en
langt um líður verður framtaksemi og getan til þess að yfirstíga
hindranir í fyrirrúmi. Samningaviðræður blasa við síðar í mán-
uðinum, vertu snöggur að bregðast við og hugsaðu standandi.
Fiskar 20. febrúar – 20. mars
Tjáskipti og tækifæri eru innan seilingar. Nýr mánuður byrjar í
bjartsýni og gleði og vogin getur látið sig hlakka til þess sem er
í vændum á næsta ári. Á fullu tungli í tvíbura 5. desember
hleypur kannski snurða á þráðinn í samskiptum, farðu varlega í
umferðinni og ekki rífast við stöðumælaverði. Eitthvað sem
tengist námi, ferðalögum eða lagalegum álitamálum tekur
kannski breytingum. Vogin hittir hugsanlega málgefna eða
truflandi manneskju. Vertu á varðbergi gagnvart vandamálum
sem tengjast farartækjum eða áhöldum. Samningaviðræður
gætu blasað við um miðjan mánuð og allt eins víst að vogin hitti
heillandi eða segulmagnaða persónu.
Vog 23. september – 22. október
Það eru peningarnir sem tala á næstunni, sporðdreki, og þú átt
eftir að þurfa að telja þá nokkrum sinnum á næstunni. Einka-
neyslan ræður úrslitum. Gaumgæfðu hana og þannig tekst þér
að bæta ástandið. Verkefni eða samræður sem tengjast pen-
ingum blasa við. Leiðin framundan er nokkuð holótt þar til á
fullu tungli í tvíbura 5. desember. Lífsstílsneysla, fjárfestingar
eða spákaupmennska gæti reynst dýrkeypt. Sporðdrekinn
hefst handa við að laga stöðuna að því búnu, búðu þig undir að
lenda í ágreiningi við öfluga manneskju út af peningum, hugs-
anlega karlmann. Samningaviðræður gætu verið á næsta leiti
og þá koma konur við sögu. Tækifæri blasir við, en leynir á sér.
Sporðdreki 23. október – 21. nóvember
Sólin er í þínu merki, til hamingju með afmælið bogmaður. Af-
stöður himintunglanna eru þér hagstæðar, gerðu sem mest úr
þeim en ekki fara of geyst, einhvers konar truflanir gætu gert
vart við sig á fullu tungli í tvíbura 5. desember. Sambönd, heim-
ilislíf, vinnutengd viðfangsefni og leiðin framundan gæti orðið
fyrir óvæntum skakkaföllum. Haltu áfram að tala, þannig redd-
arðu þér. Farðu varlega til og frá heimilinu. Bogmaðurinn verð-
ur til í að láta til sín taka á næstunni, bæði úti í hinum stóra
heimi og í ástarhreiðrinu. Athafnasemi er lykilorðið, leyfðu eld-
móðinum að fá viðeigandi útrás. Mikið verður talað um ást, pen-
inga og viðskipti á næstu dögum. Semdu eða haltu þína leið.
Bogmaður 22. nóvember – 21. desember
Vinna bakvið tjöldin og hugleiðing í rólegheitum verður stein-
geitinni til góðs á næstunni. Farðu vel yfir allt sem tengist sam-
skiptum, fyrirkomulagi og skapandi og andlegum viðfangs-
efnum. Truflanir gætu orðið fram að fullu tungli í tvíbura 5.
desember, ekki síst varðandi vinnu og heilsu. Minniháttar
snurður, léleg boðskipti, truflanir á skipulagi eða of mikil ring-
ulreið gæti orðið. Reyndu að vera eins sveigjanleg og þú getur,
svo ekkert komi flatt upp á þig. Nú er tími til að stíga skref til
baka og leyfa hlutunum að hafa sinn gang, á sinn hátt og með
sínum hraða. Ekki vera við stjórnvölinn í bili og finndu út úr því
hver eða hvað vinnur gegn þér áður en lengra er haldið.
Steingeit 22. desember – 20. janúar
NÝLEGA voru sendir út miðar í
jólahappdrætti Krabbameinsfélags-
ins, sem hefur frá árinu 1955 verið
helsta fjáröflunarleið krabbameins-
samtakanna og stuðlað að uppbygg-
ingu þeirra. Einn mikilvægasti þátt-
ur starfseminnar, fræðsla um
krabbamein og krabbameinsvarnir,
byggist að mestu á happdrættisfé,
segir m.a. í fréttatilkynningu.
Um 1.200 krabbamein eru greind
hér á landi á ári samkvæmt tölum
frá Krabbameinsskránni og þriðji
hver Íslendingur fær krabbamein
einhvern tíma á lífsleiðinni. Rúm-
lega 9.000 einstaklingar sem fengið
hafa krabbamein eru nú á lífi. Hjá
konum er brjóstakrabbamein al-
gengast en körlum krabbamein í
blöðruhálskirtli.
Í jólahappdrættinu fá konur heim-
senda happdrættismiða. Vinningar í
jólahappdrættinu eru 186, að verð-
mæti 22,8 milljónir króna. Aðalvinn-
ingur, að verðmæti 3.475.000 króna,
er KIA Sorento frá Heklu. Annar að-
alvinningur er bifreið eða greiðsla
upp í íbúð að verðmæti 1.000.000
krónur. Einnig eru 184 vinningar út-
tektir hjá ferðaskrifstofu eða versl-
un, hver að verðmæti 100.000 krón-
ur. Vinningarnir eru skattfrjálsir.
Dregið verður 24. desember.
Krabbameinsfélagið hvetur
stuðningsmenn sína til að bregðast
vel við og kaupa heimsenda miða.
Happdrættismiðarnir eru nú sendir
sem greiðsluseðlar til að auðvelda
þeim sem vilja taka þátt í happ-
drættinu að greiða miðana í heima-
banka/netbanka og eiga jafnframt
möguleika á glæsilegum vinningum.
Miðar eru einnig til sölu á skrifstofu
Krabbameinsfélagins í Skógarhlíð 8.
Upplýsingar, og ef óskað er eftir að
borga með greiðslukorti, í síma 540
1900.
Jólahappdrætti
Krabbameins-
félagsins
Kveikt á jólatré
Kringlunnar
KVEIKT verður á jólatré Kringl-
unnar við hátíðlega athöfn í dag,
sunnudag, kl. 14. Magnús Stefánsson
félagsmálaráðherra mun sjá um að
tendra ljósin á trénu og við sama
tækifæri hefst formlega góðgerða-
söfnun á jólapökkum undir jólatréð.
Jóhann Friðgeir Valdimarsson og
Skólakór Kársness syngja við at-
höfnina ásamt því sem jólasveinar
mæta á staðinn.
Fram kemur í fréttatilkynningu
að jólapakkasöfnun fyrir börn mun
hefjast þegar kveikt er á trénu og að
landsmenn séu hvattir til að setja
pakka undir jólatréð. Mæðrastyrks-
nefnd Reykjavíkur og Fjöl-
skylduhjálp Íslands munu svo sjá um
að koma pökkunum til þeirra sem á
aðstoð þurfa að halda fyrir jólin.
Teboð Hóla-
maddömunnar
FJALLAÐ verður um konur í 900
ára sögu Hóla í Hjaltadal á jólafundi
Félags íslenskra háskólakvenna og
Kvenstúdentafélags Íslands í dag,
Fundarefnið á fundinum sem fram
fer á Hótel Holti kl. 15 er Teboð
Hólamaddömunnar – Einleikur um
konur í 900 ára sögu Hóla í Hjalta-
dal, og þar flytur Málfríður Finn-
bogadóttir erindi.
Húsavík | Ljósin voru tendruð á jóla-
trénu á Húsavík síðdegis í gær og
var fjölmenni viðstatt enda veður
milt í bænum. Meðal þeirra sem létu
sjá sig voru nokkrir jólasveinar sem
komu ofan úr Dimmuborgum í Mý-
vatnssveit til að syngja og dansa í
kringum jólatréð með börnunum.
Athöfnin var með venjubundnum
hætti, Lúðrasveit Borgarhólsskóla
spilaði, skólakór Borgarhólsskóla
söng, Bergur Elías Ágústsson sveit-
arstjóri flutti ávarp og séra Sig-
hvatur Karlsson flutti hugvekju. Þá
var Soroptimistaklúbbur Húsavíkur
með kakósölu eins og undanfarin ár.
Jólatréð, sem er um sextíu ára
gamalt sitkagreni, kemur að þessu
sinni ekki um langan veg því Guðni
Halldórsson gaf bænum tréð. Það er
úr garði hans við Laugarbrekku 20
hér í bæ.
Morgunblaðið/Hafþór Hreiðarsson
Jólastemning Óhætt er að segja að jólalegt sé orðið á Húsavík.
Ljósin tendr-
uð á jólatré
Húsvíkinga
Guðrún Elsa
Kristjánsdóttir
ÞAU leiðu mistök urðu í laugardags-
blaði Morgunblaðsins að grein Dag-
rúnar um Elínu Frímannsdóttur lenti
með greinum um Guðrúnu Elsu.
Hlutaðeigandi eru beðnir velvirð-
ingar á þessu.
LEIÐRÉTT