Morgunblaðið - 05.03.2008, Qupperneq 12

12 MIÐVIKUDAGUR 5. MARS 2008 MORGUNBLAÐIÐ
ÚR VERINU
Eftir Hjört Gíslason
hjgi@mbl.is
„ÞETTA er afskaplega vænn og fal-
legur fiskur. Hann er mjög vel á sig
kominn, óvenju vænn miðað við það
sem við höfum átt að venjast. Með-
alvigtin er sjö til átta kíló og allt upp
í tíu til tólf kíló í einstaka trossu.
Þorskurinn er miklu betur á sig
kominn en í fyrra, mjög lifrarmikill
og alla vega einu og hálfu kílói
þyngri að meðaltali nú en þá,“ sagði
Gylfi Gunnarsson, skipstjóri á Þor-
leifi EA, í samtali við Verið í gær.
Gylfi og hans menn voru þá að
landa um 6 tonnum af fallegum
þorski, sem þeir fengu í átta trossur.
„Maður horfir hérna aftur á bátinn
yfir átta dregnar trossur. Veðrið hef-
ur verið slíkt að það er nánast aldrei
friður og sjaldan sem hægt er að láta
netin liggja. Annars er þetta þokka-
legt. Við erum að fá sjö til 10 tonn í
róðri. Við höfum aðallega verið við
Nafarhólinn og núna vorum við
reyndar komnir suðaustur úr eyj-
unni, í kantinn þar. Þetta er á tölu-
verðu dýpi, allt niður á 220 faðma,“
segir Gylfi.
Hann segir að þeir hafi ekkert orð-
ið varir við loðnu núna, en fiskurinn
sé engu að síður mjög vel haldinn.
Hann sé reyndar að mestu tómur,
það sé þó ein og ein síld og ýsukóð í
stærsta fiskinum. „Það er eiginlega
ekkert sem er að plaga okkur hér
nema veðrið. Það er nánast und-
antekning ef við drögum netin ekki í
bátinn. Nú er útlit fyrir að kannski
verði hægt að róa á fimmtudaginn.
Minni bátarnir hafa lítið komizt á sjó
með línuna vegna þessarar ótíðar.
Það var mjög gott hjá þeim um dag-
inn, þegar þeir komust á sjó, en dró
eitthvað undan því í síðustu róðr-
unum. Það virðist vera fiskur hérna á
stóru svæði við eyna,“ segir Gylfi.
Fiskurinn af Þorleifi er flattur og
saltaður í fiskverkuninni Sigurbirni,
sem er sú eina sem eftir er í eynni.
Fiskurinn er saltaður samdægurs í
flestum tilfellum og fer á markað á
Spáni og Portúgal. Gylfi segir að
verðið hafi verið svipað í evrum í
meira en ár, en nú sé evran að hækka
og það breyti auðvitað miklu, „en
lánin hækka líka. Þetta er hálfgerður
vítahringur.“
Nafarhóllinn loðinn af fugli
Gylfi segir að lífríkið við eyna sé í
miklum blóma, það sé til dæmis
óhemja af fugli við Nafarhólinn,
hann sé hreinlega loðinn af fugli.
„Heyrðu, það eru þrír dagar í að
fuglinn setjist í björgin. Hann sezt
upp í fyrstu vikunni í marz, ekki síð-
ar en sjöunda til áttunda marz.
Þannig hefur það verið svo lengi sem
elztu menn muna.“
Hann segir að þetta væri allt í fín-
asta standi ef menn hefðu ekki þessa
ríkisstjórn yfir sér og þær aðgerðir
sem henni fylgdu, eða kannski frekar
aðgerðarleysi.
„Við fengum á okkur 300 tonna
niðurskurð í þorski og það munar um
minna, sérstaklega þegar nýbúið var
að kaupa svipaðar veiðiheimildir og
geta svo ekki nýtt þær. Ég skal ekk-
ert segja um það hvort þörf hafi ver-
ið á niðurskurðinum eða ekki. Það
má reyndar vel vera að það hafi
þurft. En aðgerðirnar eru alveg jafn-
harkalegar og koma sér jafnilla fyrir
þá aðila sem eru að stunda þetta án
nokkurra bóta. Það hjálpar okkur
ekkert þó einhver verktaki fái að
leggja vegarspotta einhvers staðar
og ekki höfum við orðið varir við
mikla vegagerð í Grímsey. Við höfum
ekki orðið varir við nokkrar mótvæg-
isaðgerðir.
Það er svo alveg ótrúlegt að maður
skuli láta það út úr sér í ræðustóli á
Alþingi, að þegar og ef kvótinn verði
aukinn á ný, eigi aukningin ekki að
skila sér til þeirra, sem tóku nið-
urskurðinn á sig, heldur eigi hún að
fara til einhverra annarra. Á hverj-
um heldur hann að niðurskurður um
60.000 tonna sé að bitna? Og segja
svo að það sé óábyrgt að segja upp
starfsfólki! Þetta er alveg með ólík-
indum,“ segir Gylfi.
Þetta er afskaplega
vænn og fallegur fiskur
Morgunblaðið/Helga Mattína
Löndun Áhöfnin á Þorleifi EA er nokkuð ánægð með gang mála að veðrinu undanskildu. Svafar Gylfason virðist
kunna vel við sig í lestinni. Þeir komu í land í Grímsey í gær með um sex tonn af þorski, sem fengust í átta trossur.
Fiskurinn við Grímsey mun vænni og lifrarmeiri en í fyrra

 

   
0
% 1
+ 
%
"&%/ *++(2*++34
5

 
 

 
 %  $ %

 
 

 
 "/1
6

 
 

 
 ""7

 
 


 
 .7 "

 
 

 
 8/6

 
 

 
9

 
 

 
 
6

 



 
  #"7

 
 

 


: 

 
 

 
 "% 

 


 
.""&6

 



 
 ;%-
 "

 
 

 

 7 

 






 

VIÐSKIPTI/ATHAFNALÍF
KAUPÞING hefur lokið við þrjár
svonefndar lokaðar skuldabréfasöl-
ur að upphæð 1.675 milljónir dollara,
jafnvirði um 111 milljarða króna, til
fjárfesta í Evrópu og Bandaríkjun-
um. Að auki hefur Kaupþing tekið
195 milljóna evra lán, um 19,5 millj-
arða króna, hjá evrópskum banka.
Þessi útgáfa varð til þess að
skuldatryggingaálag Kaupþings og
annarra íslenskra banka lækkaði í
gær. Álag Kaupþings lækkaði um 60
punkta og var 665 punktar í gær-
kvöldi, álag Glitnis lækkaði um 30
punkta niður í 635 punkta og álag á
bréfum Landsbankans var 480
punktar eftir 20 punkta lækkun.
Í tilkynningu Kaupþings til kaup-
hallar segir að fjármögnunin sé á
kjörum sem séu „töluvert lægri“ en
núverandi skuldatryggingaálag
bankans á markaði og komi til
greiðslu eftir eitt til sjö og hálft ár.
Guðni Aðalsteinsson, fram-
kvæmdastjóri fjárstýringar Kaup-
þings, sagði það samkomulag milli
aðila að gefa ekki upp hver lánakjör-
in væru nákvæmlega. Og heldur ekki
hvaða fjárfestar þetta eru en Guðni
upplýsir þó að um tvo þýska banka
sé að ræða og eignastýringarfyrir-
tæki í Bretlandi og Bandaríkjunum.
Allt séu þetta aðilar sem þekki
Kaupþing og grunngerð bankans vel
og láti skuldatryggingaálagið ekki
aftra sér. Að sögn Guðna átti Kaup-
þing frumkvæði að þessari fjár-
mögnun sem hefur verið í undirbún-
ingi síðasta mánuðinn.
Guðni segir að með þessari útgáfu
sé fjármögnun bankans í mjög góðu
horfi. Til samanburðar þurfi Kaup-
þing að endurgreiða um 1,1 milljarð
evra af langtímaskuldbindingum það
sem eftir er ársins.
Fram kemur í tilkynningu bank-
ans að þessi nýja fjármögnun bætist
við sterka lausafjárstöðu og hafi
styrkst enn frekar við þá ákvörðun
Kaupþings í Bretlandi að hætta
starfsemi tveggja sviða.
130 milljarða
fjármögnun
Morgunblaðið/Golli
Kaupþing Bankinn hefur gengið
frá þremur skuldabréfasölum.
Skuldaálag bank-
anna lækkaði eftir
útgáfu Kaupþings
FINANCIAL Times heldur áfram
umfjöllun sinni í gær um íslenskt
efnahagslíf og ræðir m.a. við Geir H.
Haarde forsætisráðherra. Yfirskrift
greinarinnar er eitthvað á þá leið að
skuldatryggingastormur næði um
Ísland. Hátt skuldatryggingaálag ís-
lenskra banka er einna helst til um-
ræðu, sem Geir segir að sé allt of
hátt og ekki í neinu samræmi við
stöðu bankanna.
Í grein FT er talað um Ísland sem
einn stóran vogunarsjóð sökum þess
hve mikið íslensk fyrirtæki hafi
skuldsett sig til að ná ávöxtun eigna
sinna yfir meðallag.
Fundur í New York
Geir segir bankana hafa verið að
bregðast við breyttum aðstæðum
með ábyrgum hætti. Segir FT að
forsætisráðherra muni leggja sitt af
mörkum í að kynna íslenskt efna-
hagslíf á erlendum vettvangi og
verði í því skyni á fundi með fjár-
festum í New York síðar í mánuðin-
um.
Í greininni er
einnig rætt við
sérfræðing hjá
BNP Baribas
bankanum, Axel
Swenden, sem
segir almenna
ólund vera gagn-
vart Íslandi, sér-
hver hreyfing á
markaðnum
magnist þegar Ísland beri á góma.
Jafnframt hafi menn áhyggjur af því
að íslensk stjórnvöld hvorki geti né
vilji koma bönkum sínum til aðstoðar
ef þeir lenda í vanda. Efnahagur
bankanna sé mun stærri en ríkisins.
Efast sé um getu bankanna til að
bjarga sér á eigin spýtur.
Geir Haarde er spurður út í þetta
af greinarhöfundi Financial Times;
hvort stjórnvöld muni koma bönkun-
um til hjálpar ef með þarf. Hann
svaraði því til að stjórnvöld muni
taka ábyrga afstöðu, og grípa til
sömu aðgerða og önnur ríki geri við
sömu aðstæður.
„Ísland einn stór
vogunarsjóður“
Geir H. Haarde
BRESKA fjármálaeftirlitið biður
breska sparifjáreigendur um að vera
vel á verði þegar þeir leggja fé sitt
inn á innlánsreikninga erlendra
banka. Ekki ættu þeir einungis að
líta til hárra innlánsvaxta þegar út-
lendir bankar koma inn á markaðinn
heldur einnig hversu mikil áhætta
fylgi viðkomandi bönkum.
Fjallað var um þetta í breskum
fjölmiðlum og m.a. minnst á innláns-
reikninga íslensku bankanna í Bret-
landi, Kaupþings og Landsbankans.
Kom fram að útlendir bankar séu
á höttunum eftir bresku sparifé, þar
á meðal íslensku bankarnir tveir. Ís-
lensku bankarnir hafi ásamt fleiri út-
lendum bankastofnunum hrist upp í
breska innlánsmarkaðnum en Bret-
ar hafi lagt 6 milljarða punda inn á
170 þúsund íslenska reikninga.
Bæði Kaupþing og Landsbankinn
hafi boðið sparifjáreigendum háa
vexti og bendi á góða afkomu og hátt
lánshæfismat. Kemur fram að ein-
hverjir í fjármálahverfi Lundúna
hafi vissar áhyggjur af þessari þró-
un.
Þeir bankar sem boðið hafi upp á
hæstu vextina séu bankar frá Tyrk-
landi, Nígeríu og Íslandi. Nú hafi
Fjármálaeftirlitið beðið sparifjáreig-
endur að láta ekki glepjast og kanna
betur hver staðan sé án þess þó að
nefna íslensku bankana sérstaklega
til sögunnar.
Fjármálaeftirlitið
varar Breta við