Menntamál - 01.01.1933, Blaðsíða 6

6
MENNTAMÁL
mikils um vert, aÖ efni'Ö sé viÖ hæfi íslenskra kaupstaðabarna,
og við val þess er það ekki nóg, að Pétur eða Páll haldi að það
,sé hentugt. Það verður að reyna það á börnum, sem eru heldur
fyrir neðan en ofan meðallag að gáfum, áður en lagt er út i að
gefa það út.
Það ætti að vera hverjum manni ljóst, að hetur horgar sig að
leggja vinnu og jafnvel nokkurn kostnað í slikar athuganir, held-
ur en að láta starf fjöldamargra kennara fara að hálfu til ónýt-
is, vegna þess að ekki eru til hentugar kennslubækur.
Það tekur venjulega mjög langan tíma, og það jafnvel fyrir
greinda og athugula kénnara, aÖ gera sér fulla grein fyrir þeim
mun, sem er á sálarlífi og hugsanagangi okkar fullorðna fólks-
ins og harnanna, og það þrátt fyrir allt uppeldisfræðinám. Þess
vegna er svo mikill vandi á ferðum, baéði með efnisval og orða-
lag. Eg hefi gert smávegis tilraunir hér til þess að komast að
raun um, hvað sæmilega greind 12 ára börn skildu af orðum, og
raunin hefir orðið sú, að jafnvel ]>eir, sem þekktu börnin vel,
hafa veriÖ alveg undrandi yfir, hvað þau gátu strandað á al-
gengum orðum.
ViÖ erum að gera hér lítilsháttar tilraun, sem eg get hér til
gamans, ef einhver vildi reyna það sama. Börnum í einum
bekknum er t. d. sagt rækilega frá einhverju dýri, og því næst
eru þau látin skrifa ritgerð um það. Af þessu má, ef vel er á
haldið, komast að nokkurri raun um, hvað helst vekur eftirtckl
barnanna og hvernig orðalag er best við þeirra hæfi. ]7.g hefi trú
á, að með lægni og gagnrýni mætti hafa allmikil not af svipuð-
um tilraunum við samningu kennslubóka.
Við verÖum að taka upp þann sið, að leitast við að skilja
börnin og miða allt við þau og það umhverfi, sem þau vaxa
upp í. en hætta aÖ þýða eða stæla erlendar bækur, sem ekki
eru við þeirra hæfi, þó aÖ þær séu góðar fyrir þau börn, sem
þær eru upprunalega skrifaðar fyrir. En ])etta er ekki hægt, nema
borguð verði sæmileg ritlaun fyrir nýjar líækur, og það er ekki
hægt að gera, nema komiö' sé á skynsamlegri og skipulegri ríkis-
iitgáfu á skólabókum.