Kirkjuritið - 01.04.1957, Síða 16

158
KIRKJURITIÐ
torfkirkja. Kirkjugarðurinn var stækkaður nokkuð og nýi hlut-
inn girtur með timburgirðingu, en garður hlaðinn um eldri
hlutann árið 1912. Það verk vann Bjöm Sigurgeirsson bóndi
í Austur-Haga.
Árið 1909 var í fyrsta sinn lagt á sóknargjald, kr. 0.75 á mann.
Var síðan miðað við það, að tekjur hrykkju fyrir óhjákvæmi-
legum gjöldum. En ekkert var hægt að lagfæra né kaupa neitt
nýtt. En árið 1943 voru sóknargjöld hækkuð allverulega og
kirkjugarðsgjaldi jafnað niður. Kirkjugarðurinn var stækkaður
1948 og ’49 og girtur vel. Keyptar voru járngrindur frá Eng-
landi, sterkar og smekklegar. Stækkunin og girðing kostuðu
um kr. 7500.00. Vandað orgel var keypt um þetta leyti og kost-
aði það á sjöunda þúsund krónur. Orgelleikari síðustu 12 árin
hefir verið Högni Indriðason bóndi á Syðra-Fjalli.
Árið 1925 var fyrst settur ofn í kirkjuna, en 1933 var hún
raflýst og rafhituð með ofnpípum undir sætum. Þetta ár var
einnig skipt um glugga og kirkjan máluð utan og innan. Máln-
ingu að innan annaðist Valgard Jörgensen málarameistari í
Reykjavík. Var mjög smekklega gert.
Allar þessar framkvæmdir kostuðu að sjálfsögðu mikið fé,
svo að á 6 árum hefir söfnuðurinn varið um 55 þúsund krónum
til endurbóta á kirkju og kirkjugarði.
Þegar hafizt var handa, átti kirkjan svo til ekkert í sjóði.
Gjaldskyldir í söfnuðinum voru og eru nú tæplega eitt hundr-
að. Svo að allir sjá, að skammt hrukku þær tekjur. En söfnuð-
inum þykir vænt um kirkjuna sína og hefir sýnt það í verki.
Og margir fyrrverandi sóknarmenn hafa munað eftir kirkjunni
og sent henni gjafir. Nokkrir hafa heitið á hana. Síðast liðin
4 ár nema áheit á kirkjuna um kr. 1200.00. Nokkuð hefir verið
tekið að láni bæði úr hinum Almenna kirkjusjóði og víðar.
En mest hefir verið gefið. Gjafir safnaðarfólks til kirkjunnar
á fimmtugsafmælinu 1953 eru kr. 7500.00. Gjafir fyrrverandi
sóknarfólks og annarra velunnara kirkjunnar eru kr. 6430.00.
Árið 1953 barst kirkjunni fögur skírnarskál úr silfri frá hjón-
um á Hafralæk, Kristínu Eiríksdóttur og Þórhalli Andréssyni,
til minningar um Kristjönu Jónasdóttur frá Garði. Skömmu