Jazzblaðið - 01.04.1950, Blaðsíða 12
œjj&f HKpSff' bjjjgí
Hljómsveitir úti á landi hafa risið upp
hver af annarri undanfarin ár — í öll-
um stærri kaupstöðunum eru sérstakar
hljómsveitir, sem leika á dansleikjum
og öðrum skemmtunum staðarins.
Fyrir tæpum níu árum komu þrír fé-
lagar saman á Akranesi og hugðu að
stofnun hljómsveitar. Árangurinn varð
Hljómsveit Akraness. Ingólfur Runólfs-
son harmonikuleikari, sem áður hafði
leikið einn á dansleikjum á Akranesi og
í grendinni var í hljómsveitinni ásamt
Edvard Friðjónssyni, sem einnig lék á
harmoniku og Ásmundi Guðjónssyni, er
lék á trommur. Hljómsveit þessi lék síð-
an við miklar vinsældir Akurnesinga og
nærsveitarmanna, og ekki minnkuðu
vinsældirnar við það, að hljómsveitin
bætti við sig tveimur árum síðar, fjórða
manninum, Sveini Jóhannssyni, ungum
og efnilegum trommuleikara. Þá byrjaði
Ásmundur, sem áður hafði leikið á
trommurnar, að leika á klarinet og altó-
saxófón.
Litlar breytingar urðu í hljómsveit-
inni næstu árin, að því undanskyldu, að
Daninn Ole Ii. Östei-gaai-d lék með þeim
í nokkra mánuði á guitar, og um 1945
byrjaði Edvard að leika á tenór.
Haustið 1948 tók hljómsveitin mikl-
um stakkaskiptum. Ríkharður Jóhanns-
son, bróðir Sveins, bættist við með altó-
saxófón og klarinet, þá byrjaði Ásmund-
ur með tenór, en Edvard hélt sig ein-
göngu við harmonikuna. Ingólfur, sem
einnig hafði leikið á harmoniku áður,
byrjaði með píanó. Hljómsveitin var frá
þessum tíma undir stjórn Edvards og
nefnist E. F. kvintettinn. (Sjá meðfylgj-
andi mynd).
Hljómsveitin tók nú að lcggja meiri
áherzlu á að leika útsetningar og var
æft reglulega tvisvar í viku og gerir
hljómsveitin það enn.
Ég hef hlustað á hljómsveitina leika
og var sannast að segja hissa. Ég hafði
alls ekki búist við að þeir félagar gætu
náð jafngóðum árangri og raun bar
vitni um. Þeir vinna allir frá því eld-
snemma á morgnana og fram á kvöld,
svo að tími til æfinga er aldrei mjög
mikill. Öhætt er að fullyrða, að hljóm-
sveitin stendur sumum hljómsveitum hér
í Reykjavík ekkert að baki hvað getu
FRAMHALD á bls. 19.
12 Jatdjaí-J