Svanir - 01.05.1939, Blaðsíða 46
42
mann, en lagt til verkfærin, staðið fyrir útvegun tilbúins
áburðar o. s. frv. Um langt skeið hafa jarðabæturnar verið
unnar með hestum og hestaverkfærum. Ofanafrista með
ristuspaða er orðin sjaldgæf og að stinga flög niður með
skóflu telst til undantekninga. Aðallega hefir plæging
landsins verið unnin í félagsvinnu, en herfing og frekari
vinna verið að mestu heimilisstarf. Þó hafa einstaka bænd-
ur unnið meginið af jarðræktarstarfinu sjálfir, með eigin
hestum og verkfærum, og fer þeim fjölgandi. Dráttarvélar
hafa ekki verið notaðar fyrr en s. 1. haust, að með drátt-
arvél var unnið allmikið að engjasléttun á Dysey, einnig
að því að skera af þúfur með þar til gerðum þúfnaplóg,
er búnaðarfélagið á. Munu hafa verið sléttaðar um 17 dag-
sláttur hjá 5 bændum og skornar þúfur af um 12—14 dag-
sláttum. Félagið hefir keypt timbur í steypumót, sem það
lánar bændum til afnota við steypu á þvaggryfjum, áburð-
arhúsum og votheystóftum. Þá á félagið mót, til þess að
steypa í valta, sem það lánar bændum.
f sveitinni eru starfandi nautgripa- og hrossaræktar-
félög. Fóðurbirgðafélag hefir því miður ekki verið stofn-
að ennþá. En fóðurgæzla hefir verið starfrækt samkvæmt
landslögum. Búnaðarfélagið hefir með fjárframlögum
styrkt nautgripasýningar og hrútasýningar og fyrir
nokkrum árum útvegað mann til þess að ferðast á milli
bænda og leiðbeina þeim um val á lífkindum o. fl.
Fyrir nokkrum árum var stofnað laxveiðifélag hér í
dalnum. Tilgangur félagsins er að vinna að því að
gera Norðurá að laxveiðiá með því að friða hana fyrir
netaveiði og sprengja í henni fossana, Glanna og Laxfoss.
Hefir orðið nokkur árangur af starfi félagsins nú þegar.
Gera menn sér beztu vonir um að áin verði arðmikil veiðiá
með tíð og tíma og þá sennilega þverárnar líka, Bjarna-
dalsá og Sanddalsá.
Árið 1938 var stofnað refaræktarfélag af 15 mönnum í
dalnum. Búið var reist í Hvammi og byrjað með 29 dýrum
silfurrefa. Norskur maður var ráðinn til þess að hirða
búið.