Svanir - 01.05.1939, Blaðsíða 59

58
orðum og ógætinn. Eftir að Davíð missti konu sína, fóru
efni hans að ganga til þurrðar. Hætti hann búskap árið
1900 og fór til Ameríku. Friðrika, dóttir Davíðs, og sonur
hennar, Davíð Stefánsson, tóku við búsforráðum í Forna-
hvammi eftir að Davíð eldri fór til Ameríku. Friðrika dó
1916. Davíð Stefánsson bjó í Fornahvammi til 1920, er
hann fluttist suður á Vatnsleysuströnd.
f Sveinatungu býr síðan 1924 Kjartan Klemensson,
Baldvinssonar frá Hvassafelli. Kjartan ólst upp að Fells-
enda hjá Ólafi Finnssyni, er bjó þar um langt skeið með
mikilli rausn. Kona Kjartans var Sesselja Gunnlaugsdótt-
ir Ijósmóðir. Gunnlaugur var bróðir Klemensar á Hvassa-
felli. Sesselja dó vorið 1935. Börn þeirra hjóna eru: Ólaf-
ur, Halldóra og Guðrún. Annað heimilisfólk er Sólrún
Jónasdóttir, ættuð úr Norður-Múlasýslu.
Jóhann Eyjólfsson bjó í Sveinatungu frá 1889—1915.
Jóhann var mestur athafnamaður sinnar samtíðar. Hann
byggði öll hús í Sveinatungu. Steinsteypt íbúðarhús, mikið
og vandað, sem áður getur, tvær heyhlöður, steinsteypt
geymsluhús og fjárhús yfir 500 fjár. Hann girti mikinn
hluta landsins og gerði miklar umbætur á túninu. — Hann
lét sér ekki nægja búskapinn einan saman, þótt hann
byggi stórt á erfiðri jörð. Hann tók að sér ýms verk, oft-
ast í ákvæðisvinnu, svo sem vegavinnu, stauraflutninginn
á Holtavörðuheiði, þegar síminn var lagður, sements- og
efnisflutningana í brýrnar á Hvassá, Norðurá, Miklagil
og Kattarhryggsgil 1911. Þá keypti Jóhann í mörg vor ær
úr vesturhluta sýslunnar, stundum 200—300 og seldi aft-
ur á haustin. Eitt sinn sigldi Jóhann til Noregs með 6
hesta til sölu; ég ætla að það hafi verið 1907. Sumarið eftir
keypti hann hesta til útflutnings. Jóhann var óvenjulega
kjarkgóður og áræðinn og brast aldrei ráð. Hann var
skarpgreindur og mælskumaður. Jóhann lét mikið til sín
taka sveitar-, héraðs- og landsmál. Gegndi hann um langt
skeið ýmsum trúnaðarstörfum fyrir sveit sína, og þing-
maður Mýramanna var hann 1914—1916. Jóhann var