Svanir - 01.05.1939, Blaðsíða 50

46
ig Hermann Þórðarson frá Glitsstöðum, og ef til vill fleiri.
Annars eru litlar heimildir til um þessi mál.
1907 eru sett lög um fræðslu barna og kemst þá vitan-
lega fastara form á þessi mál. 1910 er sett reglugerð um
fræðslu barna í Norðurárdalsfræðsluhéraði. f henni eru
vitanlega öll helztu ákvæði laganna. Ein grein reglugerð-
arinnar var þó nýmæli og birti ég hana hér. Það er 8. gr.
samþykktarinnar.
„Hreppsnefnd má eftir tillögum fræðslunefndar veita
árlega nokkurn styrk fátækum fjölskyldumönnum til þess
að kosta börn þeirra á farskóla, án þess að það sé talinn
sveitarstyrkur, er hefir í för með sér réttindamissi".
Samþykktin fékk staðfesting ráðherra til þess að öðlast
gildi 1. febrúar 1911. „Þó er það áskilið, að 8. grein sam-
þykktarinnar falli burtu, sakir þess að hún kemur í bág
við 53. gr. fátækralaga 1905“.
8. gr. sýnir ljóslega frjálslyndi fræðslunefndarinnar, er
samdi samþykktina, og frjálslyndi hreppsbúa, er sam-
þykktu hana á almennum sveitarfundi. Fræðslunefnd skip-
uðu séra Gísli Einarsson, Hvammi, Jóhannes Ólafsson,
bóndi á Ifafþórsstöðum, og Jón Eyjólfsson, bóndi á Há-
reksstöðum.
XIII. Skóla- og fundahús.
Skóla- og fundahús var reist 1930. Mun skólahúsbygg-
ingu fyrst hafa verið hreyft 1908. Vakti þá, að minnsta
kosti á tímabili, fyrir ýmsum að byggja heimavistarskóla.
Urðu nokkur fjárloforð þá strax til húsbyggingarinnar,
en úr byggingu varð þó ekki í það sinn. Eftir stofnun
Ungmennafélagsins Baulu 1927 kemst nýr skriður á
húsbyggingarmálið. — Ungmennafélagið vantar funda-
hús og hreppsbúa vantar skólahús. Verður þá brátt sam-
vinna um málið og vinna nú sameiginlega að framgangi
málsins ungmennafélagið og sveitarstjómin og aðrir dal-
búar. Skólahúsinu er komið upp 1930, eins og fyrr segir,
hjá Dalsmynni. Ekki innheimtust nú öll hin gömlu loforð,
sem ekki var við að búast. Það var yfirsjón þeirra, er