Vera - 01.12.1994, Side 24

^frekskonur og hvundagshetjur
Eitt af því sem vakti athygli barnaáhugafólks
á þessu ári var landsfundur foreldra sem
haldinn var í Reykholti í Borgarfiröi. Þar var í
forsvari kona sem vakið hefur athygli fyrir
skelegga framgöngu í málefnum grunn-
skólabarna. Unnur Halldórsdóttir heitlr
konan, uppeldisfræöingur og formaður
Samtakanna heimili og skóli, sem hafa 10
þúsund félagsmenn innan sinna vébanda.
Landsfundurinn var opinn öllum foreldr-
um og mættu 130 manns til leiks, rúmlega
70 foreldrar og 50 börn. Fundurinn stóö yfir
heila helgi og var starfrækt leik- og lista-
smiðja fyrir börnin á meðan foreldrarnir
hlýddu á fyrirlestra og ræddu málin. Ný
menntastefna fyrir grunnskólann var meöal
umræðuefna og ræddu hóparfólks ákveðna
punkta í henni. Hóparnir skiluðu síðan niður-
stöðum og voru ályktanir fundarins unnar úr
þeim. Fundurinn komst m.a. að þeirri niður-
stöðu að ekki bæri að lengja skólaárið og
breytti menntamálaráðherra áætlunum sín-
um í kjölfar ályktana hans, enda mótmæltu
fleiri. „Við teljum brýnna að breyta innihaldi
skólans en að lengja skólaárið," segir Unn-
ur, „og viljum að ttminn verði nýttur betur en
nú er gert. Það má t.d. gera með því að
sleppa starfsdögum kennara, enda eðlilegt
að þeir skipuleggi sitt starf áður en börnin
mæta í skólana."
Unnur segir að mesta upplifunin hafi ver-
ið að hitta foreldra alls staðar að af landinu
og komast að því hvað skólahald til sveita er
ólíkt því sem við þekkjum í þéttbýlinu. Víða
um land eru börn í einsetnum skólum, fá
heitar skólamáltíðir og eru sótt T skólann og
keyrð heim að skóladeginum loknum.
„Þetta var fyrsti landsfundur foreldra en ör-
ugglega ekki sá síðasti. Það var löngu kom-
inn tími til að viö foreldrarnir hittumst til að
tala um börn og uppeldi, því börnin eru nú
einu sinni það dýrmætasta sem við eigum."
Elín Ósk Óskarsdóttir er ein þeirra kvenna
sem vöktu athygli á árinu sem er að líða.
Hún fékk frábæra dóma fyrir söng sinn í upp-
færslunni umdeildu á Valdi
örlaganna í Þjóðleikhúsinu og
var aö margra mati ekki slðri
en tenórinn sem söng aðal-
hlutverkið!
firá Þingvöllum
Kolbrún Halldórs'dóttir er ein þeirra
kvenna sem hafa verið að vinna vel á þessu
ári. Hún hafði umsjón
með kabarett sem um
70 ASÍ konur sömdu
og sýndu á Norrænu
kvennaráðstefnunni í
sumar. Kolbtún sá
einnig um skemmtiatrið-
in í svokallaðri fjölsýningu
á Þingvöllum á 50 ára af-
mæli lýðveldisins, ásamt
Þórunni Elísabetu Sveinsdóttur. Nú í haust setti
hún upp söngleikinn Land míns föður á Dal-
vík, með 32 manna leikhópi og 7 manna
hljómsveit, og á þessu ári voru barnaleikrit
sem hún leikstýrði á fjölum þriggja leikhúsa
á landinu: Skilaboðaskjóðan í Þjóðleikhús-
inu, Dýrheimar á ísafirði og Mómó, sem hún
setti upp meö leikfélagi Hafnarfjaröar og var
sýnt nú í haust. Geri aðrir betur!
til Tutku
Konur voru ekki mjög áberandi á Listahátíð í
Reykjavík í ár, ef frá er talin Þórhildur Þor-
leifsdóttir. Hún vann það þrekvirki að setja
upp Niflungahring Wagners í Þjóðleikhúsinu
og var þar um stytta útgáfu verksins að ræöa.
Þórhildur hlaut mikið lof fýrir verk sitt og voru
bæöi innlendir og erlendir gestir og gagn-
rýnendur sérlega ánægðir með út-
komuna.
Bríet Héðinsdóttir vakti mikla athygli í hlutverki
Karenar Blixen á Litla sviði Þjóðleikhússins nú í
haust og töluðu sumir gagnrýnendur um leiksigur.
Leikritið sjálft, Dóttir Lúsífers, er ekkímikið meira
en daufur endurómur af Jörð í Afríku, en f meðför-
um Bríetar var engu líkara en Karen Blixen birtist
sjálf Ijóslifandi á sviðinu.
íslenskar tónlistarkonur létu til sín taka á
ýmsum sviðum á þessu ári sem endranær.
Má þá m.a. nefna þessar:
Tríó Nordica, sem skipað er þeim Auði Haf-
steinsdóttur, Bryndísi Höllu Gylfadóttur og
Monu Sandström, tók þátt í alþjóölegri
kammertónlistarkeppni í Mílanó á Ítalíu í
október. Af 40 kammerhópum komust þær
í átta liða undanúrslit.
Sigrún Eðvaldsdóttir tók þátt í erfiðustu
fiðlukeppni heims, Tsjaíkofskí keppninni í
Rússlandi. Það að fá að taka þátt í keppn-
inni er afrek út af fyrir sig, en Sigrún bætti
um betur og komst í undanúrslit þótt ekki
ynni hún til verðlauna.
Hljómsveit Jarþrúðar lék við góðan orðstTr
á kvennaráöstefnunni í Finnlandi.
Guðrún Hauksdóttir gítarleikari var valin
til að leika í norrænu Kvennastórsveitinni á
kvennaráðstefnunni í Finnlandi.
Björk Guðmundsdóttir var tilnefnd til ým-
issa verðlauna, þar á meðal MTV verðlauna
og einnig til hinna virtu Tónlistarverölauna
Norðurlandaráðs.
Bryndís Halla Gylfadóttir sellóleikari og
Steinunn Birna Ragnarsdóttir píanóleikari
gáfu út frábæra geislaplötu með verkum eft-
ir Beethoven, Schumann, Sjostakovits og
Fauré.