Ljósmæðrablaðið - 15.12.1999, Blaðsíða 21

efni á að hafa að engu ógnanir þeirra. Vegna bættra
flugsamgangna er aukin hætta á að smitsjúkdómar
berist á örfáum dögum og jafnvel klukkustundum frá
einu meginlandi / heimsálfu til annarrar. Sama gildir
um aukin flutning á matvælum á milli staða.
Hún sagði að í dag væri kennsla eina vopnið gegn
HIV / AIDS og að það þyrfti að tala opinskátt um
sjúkdóminn.
Ljósmóðirin sagði að goðsögnin dræpi. Flest
þeirra smituðu fela sig á bak við það að það er á
móti þeirra menningu að tala um smitunina, kirkjan
er á móti umræðunni um kynlíf. Almenningur neit-
aði AIDS, segði það ekki vera þeirra sjúkdómur,
heldur vændiskvenna, homma og fíkla.
Víða er það þannig að konurnar smitast vegna
þeirrar menningarlegu hefðar að karlmennirnir
stundi kynlíf með fleiri en einni konu. Þær sjálfar
eiga að vera trúar sínum manni. Hún talaði um
hversu mikilvægt það væri að örva börnin til að
fræðast og spyrja spurninga.
Það kom fram í fyrirlestri frá ljósmóður frá Ug-
anda að 90% HIV smitaðra væru í þróunarlöndum.
Mikil hræðsla er við að segja frá sjúkdómnum því
hann er niðurlægjandi og sumsstaðar eru smitaðar
konur útskúfaðar. Það var mjög greinilegt að ljós-
mæður frá Afríku og eyjum í Kyrrahafinu bera mjög
hag landa sinna fyrir brjósti og reyna af öllum sínum
mætti að bæta ástandið. Víða, m.a. í Ghana og
Uganda, er samvinna meðal ljósmæðra og heilsu-
gæslu varðandi umönnun smitaðra. Ljósmæðurnar
fara í heimahús til smitaðra með fræðslu og ráðgjöf.
Þær fræða um mataræði, fyrirbyggingu sýkinga, reyk-
ingar, víndrykkju, kynfræðslu, notkun smokka og
hjúkra. Þær hvetja skjólstæðinga sína til að afla
tekna, t.d. með körfugerð, kertagerð, flétta mottur ofl.
En vandamál eru oft varðandi samgöngur. Oft er
erfitt að ná í ljósmóðurina vegna langra vegalengda,
en oftast þarf hún að fara gangandi því ekki er um
önnur samgöngutæki að ræða. Vegna fátæktar vantar
oft peninga til að halda þessu kerfi gangandi. Það
kom fram að ljósmæðurnar þyrftu að hafa talstöðvar
til að vera í sambandi við heilsugæslustöðvar og
auðveld rannsóknartæki (test) sem þær gætu notað í
heimahúsum.
Amerískur fæðingalæknir og ljósmóðir starfandi í
Zimbabwe héldu fyrirlestur um HIV og sögðu m.a.
frá oraltesti, sem þau notuðu í mæðraverndinni, og
gefur til kynna þær verðandi mæður sem eru smitað-
ar af HIV. Þetta test kölluðu þau, Ora-Sure. Þau töl-
uðu um og sýndu myndir af hvítum eða gulum út-
brotum í gómi, útlits eins og þruska, sem getur blætt
frá. Einnig mikill munnþurrkur og rauðleitar línur á
tungu. Þau töluðu um að af 631 barnshafandi konu
sem þau höfðu testað hafði 21,7% reynst HIV jákvæð.
í Afríku eru ljósmæður fáar og til að bæta ástand-
ið er konum, sem gefa sig út í að vilja hjálpa öðrum,
boðið upp á námskeið til að sinna sjúkum. Þeim eru
þá kennd þau atriði sem þarf að hafa í huga til að
greina óeðlilegt frá eðlilegu.
Við hlustuðum einnig á áhugaverðan fyrirlestur
um „homoeopathy“ eða öðru nafni „smáskammta-
lækningar". Það var ljósmóðir að nafni Margaret
Jane Hanafin frá USA sem hélt fyrirlesturinn, en hún
hefur sérhæft sig í notkun remedya á barnshafandi
konum með góðum árangri.
Margaret sagði frá því að markmið með slíkum
lækningum væri að lækna sjúkdóma/vandamál á sem
fljótlegastan og auðveldastan hátt með bæði móður
og barn í fyrirrúmi. Hún sagði að list fæðingarhjálp-
arinnar væri að hluta til hæfni ljómóðurinnar til að
sjá einstaklinginn sem heild.
Hún nefndi nokkrar „remedyur“ sem notaðar eru:
Fyrir fœðingu:
T.d. ógleði:
1. Pulsatilla.
2. Nux vomica.
Bakverkir:
1. Kalium carbonade. T.d. við stressi og þreytu.
2. Belladonna, notað v/þreytu, erfitt með að
hreyfa sig.
Fullorðnar frumbyrjur:
1. Sepia, vegna bakverkja, þunglyndis.
Svefnleysi:
1. Coffee.cruda, ef kona er yfir sig þreytt, á
erfitt með að hreyfa sig.
2. Pulsatilla t.d. vegna samdráttaverkja.
ífœðingu, t.d eflegháls gefur sig ekki:
1. Caulophyllum, ef konan er hrædd eða kvíðin.
2. Cimifuga, ef verkir eru vægir og detta jafnvel
niður.
Föstfylgja:
1. Sepia, pulsatilla og belladonna.
LJÓSMÆPRABLA9IÐ
21