Ljósmæðrablaðið - 15.12.1999, Blaðsíða 22
Eftir fœðingu:
1. Arnica, ef blæðir og ef verkir eftir fæðingu.
Gefið á 2-3 klst fresti. Ef tekið fyrir fæðingu
getur komið í veg fyrir blæðingu eftir fæðingu.
2. Bellis peremus, við verkjum
Blœðingar:
1. Arnica.
2. Crotalus Horridus. Sérstaklega notað fyrir
miklar blæðingar, hækkaðan blóðþrýsting,
DIC og HELLP syndrome.
Sýkingar:
1. Calendula, læknar sýkt sár. Notað í krem eða
gel formi, t.d. á aumar vörtur.
2. Hepar sulphiris calcareum. Fyrir abcess sem
ekki er búið að hleypa út, t.d. í brjósti eða
perineum.
3. Phyloacca. Aumir kirtlar í brjóstum, aumar
vörtur.
Vatnsfæðingar og æfíngar í vatni
Fyrirlestrar varðandi þetta efni vöktu mikinn áhuga
og er það greinilegt að vatnsfæðingar eiga þó nokk-
uð upp á pallborðið núna.
Það var ljósmóðir frá Florida, sem heitir Marina
Alzugaray, sem fræddi okkur um vatnið. Hún benti á
að vatnið hefur fylgt konum um ómunatíð. Þær hafa
baðað sig í því, borið það á milli staða, hreinsað sár
og búið til lyf úr því, notað það í listir, byggt heimili
sín með því og eldað úr því. Því vildi hún meina að
hvers vegna ekki að leyfa konum að fæða börn sín í
vatni. Það auðveldaði slökun í fæðingu, auðveldaði
fæðinguna sjálfa og væri þar að auki lækningaað-
ferð. Vatnsins ætti að njóta sem gjöf jarðarinnar.
Önnur ljósmóðir, Claudia frá Austurríki, fjallaði
um svokallaðan „vatnadans“, „Watershiatsu“, þ.e. að
gera æfingar í vatni á meðgöngunni. Kostir þessara
vatnaæfinga voru, að hennar mati, eftirfarandi:
Miða að því að auka vellíðan og auðvelda líkam-
anum að slaka á vöðvum. Liðka liðamót, auka þrek
og síðast en ekki síst að það er talið vera upphaf
tengslamyndunar móður og barns og undirbýr þau
undir fæðingu í hvaða umhverfi sem er.
Vatnsdýfingar hafa sýnt fram á að þær draga
verulega úr hækkuðum blóðþrýstingi og minnka
bjúg. Auk þess má segja að æfingar í vatni eru ekki
aðeins þægilegar og öruggar heldur byggja þær upp
vöðva og þrek án þyngdartaps.
Hér á landi gæti verið að hvíldarinnlögnum fækk-
aði ef konur notuðu meira vatnið okkar. T.d. gæti þá
orðið minna um svefnleysi hjá konum, almenna
þreytu og grindarverki.
Marina tók sérstaklega fram að HIV smitaðar
mæður fengju ekki að nýta sér þessa þjónustu. Fylgst
væri sérstaklega með þessum laugum og teknar
ræktanir reglulega.
Ljósmóðir frá Svíþjóð, Lisbeth Nymann, gerði
rannsókn á sýkingum tengdum vatnsfæðingum 5
vikuin eftir fæðingu. Tekin voru sýni bæði hjá móð-
ur og barni. Það voru nánast engar sýkingar, enginn
munur á sýkingum hvort sem kona fæddi í
vatni/ekki vatni.
Óskalistar
A írlandi gerðu ljósmæður samanburðarrannsókn um
að nota óskalista (birthplan). Markmið rannsóknar-
innar var að skera úr um hvort óskalistinn hefði áhrif
á eftirfarandi:
1. Þekkingu og skilning konunnar á barnsburði.
2. Hæfni/getu konunnar til að koma með óskir varð-
andi fæðingu.
3. Samband eða tengsl milli konunnar og ljósmóð-
ur/læknis.
4. Jákvæða fæðingarreynslu.
Það voru 80 konur sem tóku þátt í rannsókninni.
Annar helmingurinn gerði óskalista og hinn var sam-
anburðarhópur.
Útbúið hafði verið ákveðið form sem farið var
eftir.
í stuttu máli voru aðal niðurstöður rannsóknarinnr
þær að gerð óskalista á meðgöngutímanum jók sam-
band og upplýsingamiðlun milli kvennanna og ljós-
mæðra og lækna. Konurnar voru spurðar hvort
ákveðin atriði sem talin eru mikilvæg hefðu verið
rædd á meðgöngunni s.s. stuðningsaðili í fæðing-
unni, stellingar í fæðingu, borða og drekka, verkja-
meðferð, hlustun fósturhjartsláttar, belgjarof, spang-
arskurður, oxytocin, klippa á naflastreng, fá barnið
strax, brjóstagjöf. Konunum fannst þær fá meiri upp-
lýsingar og þeim fannst auðveldara að spyrja sína
ummönnunaraðila. En það er ein af tíðum athuga-
semdum barnshafandi kvenna að þær fái ekki nægar
upplýsingar í meðgöngu og fæðingu. Það skapar oft
óþarfa áhyggjur og kvíða og getur haft neikvæð áhrif
á samband þeirra við ljósmóður og lækni. Konunum
fannst skilningur sinn aukast á því hvað gerist hjá
þeim í fæðingunni og eftir fæðingu og þekking
22
LJÓSMÆðRABLAðlð