Byggingarlistin - 01.01.1951, Blaðsíða 19

KLUKKUTURN
VIÐ HÓLADÓMKIRKJU
A rkitekt:
SIGURÐUR GUÐMUNDSSON
Klukkuturn á Hólum var reistur til minningar um
Jón Arason biskup og vígður á síðastliðnu sumri.
Turninn stendur um 10 m frá langhlið kirkjunnar,
brekkumegin og nokkru aftar en gafl forkirkjunnar.
Flatarmál turnsins er í gólfhæð 3,70X4,00 m, áuk
útskots fyrir legstað og minningartöflur. Við þakbrún
eru hliðar turnsins ca. 25 sm minni á hvern veg, svo
að turninn gengur lítið eitt að sér.
Hæð frá jörð upp að þakbrún er 18 m, en öll hæðin
25 m, eða nál. þreföld hæð kirkjunnar.
Hið mikla skólahús, er stendur á allhárri brekku-
brún ofan við kirkjuna, hefur löngum þótt spilla mjög
afstöðu kirkjunnar og bera hana ofurliði á staðnum.
Til þess að hefja kirkjuna upp úr þessari niðurlæg-
ingu og koma jafnvægi á heildarmynd staðarins, varð
að gera turninn allstóran í samanburði við kirkjuna og
stærri en svo, að hann gæti staðið fast við kirkjuna
sða mjög nálægt henni.
Turnveggir og stigi eru af járnbentri steypu. Steypt
var í hefluð mót og var tekin upp sú nýbreytni, að ytra
borð var skarað um 4 sm og brúnirnar sniðskornar („fas-
aðar“). Þessi lárétta lagskipting er ekki mjög áberandi,
en sýnist gefa viðfeldinn veggflöt.
Engin húðun er á veggjunum, en þeir eru málaðir
með Ijósri steinmálningu.
Milli turns og kirkju er lágur steingarður, sem ekki
nær þó alveg að kirkjuveggnum.
Spíran er af tré —innviðir „Oregon pine“ — eirþakin.
Yfir dyrum að utanverðu er marmaratafla með áletr-
un: „Jón Arason 1550—1950.“
BYGGINGARLISTIN 1951,1
17