Málfríður - 15.03.2008, Blaðsíða 4

 MÁLFRÍÐUR
Þegar þessi pistill kemur fyrir ykkar
sjónir er vonandi komið vor og grös
tekin að grænka. En á hlaupársdeg­
inum 29. febrúar var aðalfundur STIL
haldinn í Skólabæ að venju. Auk
venjulegra aðalfundarstarfa fór mest
fyrir umræðum um lagabreytingar sem
voru nokkrar samkvæmt tillögum laga­
nefndar. Í laganefnd sátu Valgerður Þ
Guðjónsdóttir, Þórhildur Oddsdóttir
og Ragnhildur Pálsdóttir. Kunnum við
þeim miklar þakkir fyrir. Fyrsta breyt­
ing sem menn taka eftir, er að lögin
heita nú samþykktir. Þær má sjá í heild inni á heimasíðunni
www.ki.is/stil. Helstu breytingar lúta að samsetningu stjórnar
og hve lengi hægt er að sitja í hverju embætti. Formaður sem
fagfélögin skiptast á um að tilnefna getur lengst setið í fjögur
ár. Önnur embætti sem stjórnarmenn skipta með sér og hægt
er að gegna í 4 ár lengst, eru varaformaður, ritari og gjaldkeri.
Önnur breyting til að létta stjórnarstörfin var sú að þau fag­
félög með fleiri en 20 félaga tilnefna einn í stjórn í stað tveggja
áður, en fámennari félög hafa áheyrnarfulltrúa. Þar sem aðal­
fundur tekur allar meiriháttar ákvarðanir, töldum við það ekki
rýra rödd neins félags. Það félag sem á formann hverju sinni
skal tilnefna einn að auki til setu í stjórn. Annað málefni sem
nokkuð var rætt snýr að Málfríði okkar. Lagnefnd lagði til að
STIL væri ekki skylt að gefa út málgagn og vildi þar með víkka
birtingarmöguleika efnis og nýtingu fjármuna sem við höfum
til útgáfu / birtingar á efni um kennslu erlendra tungumála. Þó
nokkur og fjörleg umræða var um þessa tillögu en vilji fundar­
manna var að halda Málfríði áfram sem málgagni tungumála­
kennara en taldi jafnframt nauðsynlegt að styðja eftir megni við
að koma áhugaverðu efni á framfæri á sem flestum stöðum.
Það er hreint ekki einfalt að halda úti Málfríði og vinnur rit­
stjórn mikið og gott starf við að finna áhugavert efni og birta
okkur. Eins birtist Málfríður á netinu www.malfridur.ismennt.is
. Tengil á netútgáfuna er líka að finna á heimasíðu STIL.
Sumarnámskeið STIL verður haldið 4.­5. júní. Salvör Giss­
urardóttir lektor við KHÍ ætlar að kynna okkur bæði fræði­
lega og eins verklega fyrir Wikiverkfærum í tungumálanámi.
Þátttakendur vinna verkefni í wiki og kynnast möguleikum sem
það veitir í kennslu. Eftirfylgni eða framhald verður með haust­
inu í formi fjarnáms. Endurmenntun HÍ heldur utan um skrán­
inguna og er námskeiðið framhaldsskólakennurum að kostn­
aðarlausu. Það er opið grunnskólakennurum, en þeir verða því
miður að greiða námskeiðið úr eigin vasa.
Þó sumarnámskeiðið sé ekki afstaðið vil ég nota tækifæri og
auglýsa eftir hugmyndum að næsta námskeiði. Hvers konar
námskeið langar tungumálakennnara á? Senda má póst til mín:
sj@bhs.is Látið endilega í ykkur heyra.
Sigurborg Jónsdóttir
Sigurborg Jónsdóttir
Breytingar á lögum STÍL og sumarnámskeiðið
Komdu á rétta staðinn
B R A U T A R H O L T I 8 • 1 0 5 R E Y K J AV Í K •   S Í M I 5 6 2 3 3 7 0 •   w w w . i d n u . i s
BÓKABÚÐ
og gerðu góð kaup!
Hlemmur
IÐNÚ
bókabúð
Laugavegur
N
óa
tú
n
Brautarholt
Þ
ve
rh
ol
t