Málfríður - 15.03.2008, Blaðsíða 12
1 MÁLFRÍÐUR
Á námskeiðinu voru kennarar frá níu Evrópulöndum
sem allir hlutu Comeniusarstyrk til ferðarinn
ar. Kennarar á námskeiðinu voru frá Lettlandi og
Englandi og má þar nefna Dr. Diane Higgs sem
er sérfræðingur í þjálfun kennara í CLIL kennslu
fræðum.
Í ágúst 2007 lögðu undirritaðar land undir fót og
var ferðinni heitið til Exeter á Englandi. Þar kynnt
um við okkur nýja nálgun í tungumálakennslu
en aðferðin byggir á að innihald námsefnisins sé
jafn mikilvægt og tungumálið sem verið er að
kenna. CLIL stendur fyrir Content and Language
Intergraded Learning. Með nýjum kennsluaðferð
um er átt við að kenna alla fjóra færniþættina í einu,
lestur, skrift, hlustun og talmál. Mikilvægt er að allir
nemendur séu virkir og er nemandinn, umhverfi
hans og reynsla höfð að leiðarljósi. Í hvert sinn
sem nýtt viðfangsefni er kynnt fyrir nemendum
er það gert á móðurmálinu og hugstormun nem
enda í tengslum við það fer einnig fram á þeirra
móðurmáli til að vekja áhuga þeirra. Meiri líkur
eru á að ef hugstormunin fer fram á erlendu tungu
máli heftir það hugarstarfsemina og kemur í veg
fyrir að nemendur leggi sitt af mörkum. Skipulag
kennslustundarinnar er með spirallöguðum hætti.
Þá eru sömu þættirnir endurteknir í kennslunni og
smám saman byggt ofan á fyrri þekkingu. Börnin
hafa síðan valmöguleika við úrvinnslu verkefnanna
þannig að þau geta fundið þá vinnuaðferð sem
hentar þeim hverju sinni, s.s. leikræn tjáning, ritun,
myndræn úrvinnsla o.s.frv.
Hluti af námskeiðinu var skoðunarferð á nátt
úrusetrið „Eden Project” sem staðsett er í Cornwall
sýslu. Garðurinn er manngerður og byggist á
tveimur risastórum kúlulaga gróðurhúsum og gróð
ursælum garði allt um kring. Sérstök bygging er
móttökumiðstöð fyrir gesti, eins konar fræðslusetur
þar sem m.a. er tekið á móti skólahópum. Mikið er
lagt upp úr verndun gróðurs og náttúru ásamt end
urvinnslu.
Fyrra gróðurhúsið sem við skoðuðum samanstóð
af Miðjarðarhafsgróðri og plöntum sem lifa í tempr
uðu loftslagi (Outdoor Biome og Mediterranean) og
það seinna sýndi gróður sem þrífst í regnskógum en
það er jafnframt stærsta gróðurhús í heimi. Yfir ein
milljón plantna eru til sýnis í Eden Project.
Garðurinn var byggður í því skyni að sýna fram á
mikilvægi jafnvægis í samspili manna og náttúru.
Námskeiðið var mjög fróðlegt í alla staði og
frábært að fá tækifæri að eiga samskipti við kennara
frá öðrum Evrópulöndum. Þar deildum við hug
myndum og kynntumst nýrri nálgun í tungumála
kennslu og síðast en ekki síst fengum við innsýn í
mismunandi kennsluheim þessara þjóða og þann
aðbúnað sem er í löndunum.
Í framhaldi af þessu námskeiði erum við að öllum
líkindum á leið í evrópskt samstarf með 6 þjóðum
þar sem unnið verður að þróun CLIL kennsluað
ferðarinnar næstu tvö árin.
Bjarnheiður J. Guðmundsdóttir, María Aðalsteinsdóttir og
Sigurborg H. Sævaldsdóttir
Námskeið í Exeter
Íslenskir þáttakendur námskeiðsins ásamt kennurum frá Lettlandi.
Dagana 5.–18. ágúst
2007 sóttu grunn
s k ó l a k e n n a r n i r
Bjarnheiður J. Guð
mundsdótir, María
A ð a l s t e i n s d ó t t i r
og Sigurborg H.
Sævaldsdóttir nám
skeið í Exeter fyrir
enskukennara sem
kenna á yngri barna
sviði með áherslu
á CLIL (Content and Language Intergraded
Learning).
Hér staddar á Dartmoor heið-
inni, í baksýn er „Big Foot“