Fréttir - Eyjafréttir - 08.04.2010, Page 2

2
Frcttir / Fimmtudagur 8. aprfl 2010
SJÖ AF FJÓRTÁN frambjóðendum Sjálfstæðisflokksins í bæjarstjórnarkosningunum í vor. F.v. Hildur Sólveig, Páll Marvin, Helga Björk, Elliði,
Hildur, Gunnlaugur og Páley.
Bæjarstjórnarkosningar: Sjálfstæðismenn fyrstir með framboðslistann:
Elliði, Páley, Páll Marvin og
Gunnlaugur í sömu sætum
-Nýtt fólk í flestum sætum þar fyrir neðan - Ungt fólk áber andi
Framboðslisti Sjálfstæðisflokksins í
Vestmannaeyjum fyrir bæjarstjórn-
arkosningarnar 29. maí nk. var sam-
þykktur á fundi fulltrúaráðs sjálf-
stæðisfélaganna á miðvikudags-
kvöldið. Elliði Vignisson, bæjar-
stjóri leiðir listann nú eins og fyrir
síðustu kosningar.
Bæjarfulltrúarnir Páley Borgþórs-
dóttir, Páll Marvin Jónsson og
Gunnlaugur Grettisson munu áfram
skipa sæti 2. til 4. í sæti fimm, sex
og sjö kemur nýtt fólk. Fimmta
sætið skipar Helga Björk Ólafs-
dóttir, leik- og grunnkólakennari,
sjötta sætið skipar Hildur Sólveig
Sigurðardóttir, sjálfstætt starfandi
sjúkraþjálfari og sjöunda sætið
Trausti Hjaltason, stjórnmálafræð-
ingur og framkvæmdastjóri.
I áttunda sæti er Arnar Sigur-
mundsson, sem er í fimmta sæti á
núverandi lista.
Nýtt fólk er í sætum níu til fjórtán.
I níunda sæti er Hildur Zöega
Stefánsdóttir, fiskverkakona, í tí-
unda Þorbjörn Víglundsson stýri-
maður, í 11. Drífa Kristjánsdóttir,
tryggingaráðgjafi, í 12. sæti Guð-
mundur Huginn Guðmundsson,
skipstjóri, í 13. sæti Gígja Óskars-
dóttir, framhaldsskólanemi og
Leifur Ársælsson, útgerðarmaður
skipar heiðurssæti listans, 14. sætið.
I frétt frá sjálfstæðisfélögunum
segir að aldursbil frambjóðenda
dreifist frá tvítugsaldri til áttræðs.
„Reyndar má segja að sá yngsti í
röðum frambjóðenda á lista sjálf-
stæðismanna í Vestmannaeyjum
hljóti að vera með yngri frambjóð-
endum á landinu, og þótt víðar væri
leitað. Það skýrist af því að Hildur
Sólveig er barnshafandi," segir í
fréttinni.
„Sjálfstæðismenn í Vestmanna-
eyjum hafa nú leitt starf Vestmanna-
eyjabæjar í fjögur ár í góðu sam-
starfi við aðra bæjarfulltrúa. Sá tími
hefur verið Vestmannaeyingum
gæfuríkur. I upphafi kjörtímabils
logaði samfélagið í pólitískum
deilum. Rekstur sveitarfélagsins var
erfiður, samgöngur óviðunandi og
viðvarandi íbúafækkun. Núna við
lok þess er Vestmannaeyjabær eitt
best setta sveitarfélag á landinu,
samgöngur sterkar og bylting fram-
undan þegar Landeyjahöfn verður
tekin í notkun. íbúum hefur nú
fjölgað í þrjú ár í röð.
Dyggur vörður hefur verið staðinn
um grundvallar atvinnugreinina um
leið og sótt hefur verið fram á nýjum
sviðum. Atvinnuleysi er hverfandi
og fyrirtæki í Vestmannaeyjum
standa flest vel. Skuldir Vestmanna-
eyjabæjar hafa verið greiddar niður
fyrir 2200 milljónir og ráðgert er að
framkvæma fyrir 1700 milljónir á
næstu þremur árum. Allt þetta hefur
verið gert án þess að ganga á
eignasafn Vestmannaeyjabæjar.
Sjálfstæðismenn ganga því keikir
til leiks og leggja verk sín í dóm
kjósenda. Á næstu vikum munu
frambjóðendur kynna verk sín og
áherslur til næstu fjögurra ára. Von
þeirra og trú er að sem flestir bæjar-
búar taki þátt í þeirri vinnu og leggi
sín lóð á þær vogarskálar sem
sveiflað hafa gæfu Eyjamanna til
betri vegar,“ segir í frétt af fund-
inum þar sem fullyrt er að mikill
áhugi sé fyrir framboðslistanum og
að á fimmta tug sjálfstæðismanna
hafi mætt þegar hann var kynntur.
I dag eru sjálfstæðismenn með
fjóra bæjarfulltrúa og V-listi þrjá.
Umhverfis- og skipu-
lagsráð - Breyting á
skipulagi við Hástein:
Tjaldsvæði
í sátt við
íbúana?
-Meirihluti ráðs á þeirri
skoðun - Einn vildi bíða
eftir fundi með íbúum
Á fundi umhverfis og skipu-
lagsráðs á miðvikudaginn lá fyrir
breytingartillaga á deiliskipulagi
íþrótta- og útvistasvæðis við
Hástein. Tillagan felur í sér að
svæðið sunnan við Þórsheimili
og austur að Iþróttamiðstöð verði
nýtt fyrir tjaldsvæði. Hún hafði
verið auglýst og var lögð fram á
fundinum til samþykktar.
Eitt bréf með athugasemdum
hafði borist og undir það hafði 61
skrifað. Ráðið samþykkti erindið
með þeim breytingum að syðstu
hlutar tjaldsvæðisins, þau sem
liggja næst íbúðum, verði færð
fjær byggð. Taldi ráðið að með
þessu væri verið að taka tillit til
ábendinga íbúa.
„Þá leggur ráðið ríka áherslu á
að reynt verði að nota þau tjald-
stæði sem hugsanlega valda
ónæði aðeins í þeim tilfellum sem
önnur tjaldstæði eru þegar í
notkun," segir f fundargerð og er
bent á að vegslóði, sem lagður
verður um tjaldsvæðið, tekur mið
af því að valda sem minnstu raski
á landslagi skipulagssvæðisins.
Ráðið leggur einnig mikla
áherslu á að á tjaldsvæðinu verði
útbúnar umgengnisreglur og góð
gæsla verði á svæðinu. Að lokum
er það vilji ráðsins að áhersla
verði strax lögð á að trjágróðri,
sem gert er ráð fyrir milli tjald-
svæðis og íbúabyggðar, verði
plantað og hann nýtist til að að-
greina tjaldstæði frá íbúabyggð.
Skipulags-og byggingafulltrúa
var falin framganga málsins, að
undirbúa og boða til fundar með
íbúum í nálægð við tjaldsvæði
þar sem tjaldsvæðisreglur verða
kynntar.
Erindið var samþykkt með
þremur atkvæðum gegn einu.
Friðbjöm Valtýsson lét bóka að
hann óskaði eftir að afgreiðslu
yrði frestað þar til að loknum
fyrirhuguðum fundi með íbúum í
nágrenni við tjaldsvæðið.
Á fundinum verði þess freistað
að ná sáttum við íbúa um breyt-
ingar á fyrirliggjandi deiliskipu-
lagi.
Gunnlaugur Grettisson, Hörður
Óskarsson og Kristín Jóhanns-
dóttir létu bóka að þau teldu að
með afgreiðslunni sé verið að
koma til móts við óskir íbúa á
svæðinu enda alltaf staðið til að
vinna að málinu í eins mikilli sátt
við íbúa á svæðinu eins og unnt
er.
Á föstudaginn langa var lcsið upp úr Passíusálmunum í Hvítasunnukirkjunni þar sem Gídeonsfélagar og safnaðarfólk sáu um lesturinn.
Upplesturinn á þessum sálmum Hallgríms Péturssonar tók um tvo tíma og upplesarar voru um 15. Var þetta notaleg stund í
Hvítasunnukirkjunni. Hér erAnna Jónsdóttir að lesa.
tltgefandi; Eyjasýn chf. 480278-054(1 - Vestmannaoyjnm. Bitstjóri; Ómar Gaiðarsson.
Blaðamenn; Guðbjörg Sigurgeirsdóttir og JuÍitis Ingason. Ábyrgdarmenn; Omar Gai-dars-
son & Gísli Valtýsson.
Prentrinna; Eyjasýn/ Eyjaprent. Vestmannaeyjnm. Aðsetnr ritstjómar: Strandvegi 47.
Símar: 481 1300 & 481 3310. MyndritL 481-1293. Netfang/rafpóstnr. frettir@eyjafrettir.is.
Veffang: http/Avww.eyjafrettir.is
ERÉ'i'i'iK kóma út alla fimmtudaga. Blaðið er selt í áskrift og einnig í lausasölu á Ivletti,
Tristinum, Toppnum, Vöruval, Herjólfi, Flughafnarversluninni, Krónnnni, Ísjakanum,
verslun 11-11 og Skýlinu í Friðarhöfn.. FJtÉÍTiK eru prentaðar í 3000 eintöknm.
FRÉiiiK eru aðilar að Samtökum bæjar- og héraðsfréttablaða. Eftirprentnn, hljóðritun,
notkun ljósmynda og annað er óheimilt nema heimilda sé getið.