Fréttir - Eyjafréttir - 08.04.2010, Blaðsíða 11
Fréttir / Fimmtudagur 8. apríl 2010
11
$
Skólahornið - Spennandi dagur hjá fimm ára deildinni:
Þáðu matarboð í Höllina
Börnunum á 5 ára deildinni í
Hamarsskóla var boðið í matarboð í
Höllina. Einsi kaldi, sem eldar
fyrir okkur hádegismatinn okkar,
bauð okkur að koma og hjálpa sér
að matbúa og síðan myndum við
borða í Höllinni. Börnin urðu nrjög
spennt. Þessi spennandi dagur var
sl. mánudag. Það var frekar vont
veður þennan dag þannig að við
fengum bfl lánaðan hjá Vest-
mannaeyjabæ og ferjuðum börnin
upp í Höll. Það fannst þeim mjög
spennandi.
Einsi kaldi tók á móti okkur og
við byrjuðum öll á að þvo hend-
urnar okkar og fórum í beina og
fallega röð. Við fengum öll að setja
krydd á kjúklinginn og bömunum
fannst það alveg frábært. Síðan
setti Einsi kaldi kjúklinginn inn í
stóran ofn og við fórum fram og
teiknuðum myndir handa Einsa
kalda og síðan fómm við í fullt af
leikjum í stóra salnum í Höllinni.
Okkur fannst svolítið gaman að fá
góða útrás á stóra dansgólfmu.
Þegar maturinn var tilbúinn var
hann borinn á borð fyrir okkur og
allir borðuðu vel af kjúklingi,
frönskum, sósu og svo fengum við
sprite að drekka. Eftir matinn
hjálpuðum við Einsa kalda að
ganga frá og svo þökkuðum við vel
fyrir okkur og brunuðum heim á 5
ára deildina. Þetta var góð
tilbreyting að fara í svona góða ferð
og viljum við þakka Einsa kalda
innilega fyrir okkur.
MYNDIR frá starfinu okkar á 5 ára deildinni.
Sandra Jóhannsdóttir viðskiptalögfræðingur skrifar:
Leiðum síðasta þorskastríðið til lykta
Við íslendingar stöndum í stríði.
Við stöndum frammi fyrir að missa
margar af okkar verðmætustu
auðlindum. Sem þjóð ber okkur
öllum að standa vörð um sameigin-
lega hagsmuni okkar. Sú vá sem
við stöndum frammi fyrir er þó
ekki vegna ágangs erlendra ríkja
sem ásælast auðlindir okkar og
verðmæti, heldur stöndum við
frammi fyrir skefjalausri græðgi
einstaklinga og fyrirtækja sem vilja
að auðlindum okkar verði afsalað
úr höndum þjóðarinnar í þeirra
hendur til frambúðar.
Við stöndum frammi fyrir því að
allar sameiginlegar auðlindir okkar
geti í framtíðinni lent í einkaeigu.
Nú hafa ungir sjálfstæðismenn
tekið af skarið og krefjast þess að
íslenska þjóðin afsali sér endanlega
yfirráðum yfir sameiginlegri
auðlind landsmanna, nytjastofn-
unum á íslandsmiðum. í ályktun
sem SUS hefur nú sent frá sér
kemur fram að hagsmunum þjóð-
arinnar sé best borgið með því að
útvegsmönnum verði afhentar
auðlindir sjávar og að einstaklings-
eignarréttur þeirra yfír auðlindinni
verði viðurkenndur sem fyrst!
Nú er svo komið að þjóðin getur
ekki látið bjóða sér þessa ógeð-
felldu ránsherferð lengur. Herferð
þar sem greipar hafa verið látnar
sópa um stærstu sameiginlegu
verðmæti þjóðarinnar. Herferð sem
ekki sér fyrir endann á fyrr en
þjóðin rís upp og krefst þess að fá
úrskurðarvaldið yfir örlögum sínum
og hagsmunum, enda hefur Alþingi
sannað að það er óhæft til þess að
fara með málefni sameiginlegra
auðlinda landsmanna fyrir þjóðina
alla.
Við íslendingar þurftum að heyja
hatramma baráttu fyrir sjálfstæði
og valdi yftr auðlindum okkar. Stór
hluti af sjálfstæði okkar felst í valdi
yfir auðlindum okkar. Látum engan
svipta okkur þessum sameiginlegu
áunnu forréttindum baráttulaust.
Tökum afstöðu með framtíð og
frelsi íslensku þjóðarinnar. Ég
skora á alla þjóðholla íslendinga,
hvar í flokki sem þeir standa, til að
krefjast þess að kvótakerfið verði
sett í dóm þjóðarinnar í almennri
þjóðaratkvæðagreiðslu. Stofnuð
hafa verið samtök sem standa fyrir
víðtækri undirskriftasöfnun á net-
inu, sem heita Þjóðareign - Samtök
um auðlindir í almannaþágu.
Ég hvet alla Islendinga til þess að
fara inn á síðu þeirra og skrifa
undir áskorun um að framtíð
kvótakerfisins verði sett í þjóðarat-
kvæðagreiðslu. Slóðin er
www.þjóðareign.is
Sandra Björk Jóhannsdóttir
viðskiptalögfrœðingur
PÁSKAGANGA Klukkan 14.00 á páskadag héldu um 20 til 30 manns í árlega páskagöngu í mjög fallegu veðri. Gengið var suður fyrir feli undir
leiðsögn Kristjáns Egilssonar, fyrrum safnvarðar, og var komið við í Páskahelli og síðan að krossinum í gíg Eldfelis. Þar tók Ruth Zohlen á móti
hópnum og bauð upp á svaladrykk og hraunbakað rúgbrauð. Þar gat fólk tekið þátt í getraun þar sem spurt var hvenær gosinu á
Fimmvörðuhálsi muni Ijúka. Er uppstoppaður lundi í verðlaun.
Framsóknarkonur
fagna breyttum lögum:
Nektar-
dans er til
óheilla
Stjóm Félags framsóknarkvenna
í Reykjavik hefur sent frá sér
ályktun þar sem fagnað er lögum
um allsherjarbann við nektar-
dansi á fslandi sem samþykkt
voru á Alþingi 23. mars sl.
Lögin taka gildi 1. júlí næstkom-
andi og segja framsóknarkonur
að þau séu mikilvægur þáttur í
því að stemma stigu við niður-
lægingu kvenna, mansali og kyn-
bundnu ofbeldi en alþjóðlegar
rannsóknir sýna að nektarstaðir
eru gróðrarstía mansals, fíkni-
efnaneyslu og ofbeldis.
Þær fagna einnig breytingu á
lögum um hlutafélög, sem fela í
sér ákvæði um kynjakvóta og
samþykkt voru á Alþingi nýlega.
í stjómum hlutafélaga, þar sem
starfa að jafnaði fleiri en 50 ein-
staklingar og fleiri en 3 sitja í
stjórn, skal tryggt að hlutfall
hvors kyns sé ekki lægra en 40%.
„Við viljum stuðla að samfélagi
sem tekur mið af mismunandi
hagsmunum og sjónarmiðum
karla og kvenna. Þar fyrir utan
hafa rannsóknir sýnt að arðsemi
fyrirtækja með blandaðar stjómir
er mun meiri en hjá fyrirtækjum
þar sem einungis annað kynið
situr í stjórn. Lögin taka gildi 1.
september 2013 en þangað til
skorar stjórn FFKR á hlutafélög
að jafna hlutfall kynja í stjómum
sínum sem fyrst.
FFKR þakkar öllum þeim sem
barist hafa fyrir þessum
lagabreytingum og munu færa
okkur nær jafnréttissamfélagi,"
segir í ályktuninni sem var
samþykkt á stjórnarfundi FFKR í
Reykjavík þann 24. mars 2010.
Engin hætta
þegar land-
festar slitnuðu
- Vindhraði upp í 37 m
aðfaranótt þriðjudags
Mikið rok var á þriðjudaginn í
Eyjum og klukkan 7.00 um
morguninn mældist meðalvind-
hraði 30 metrar á sekúndu og um
nóttina fóm mestu hviðurnar upp
í 37 metra á sekúndu.
Landfestar uppsjávarskipsins
Álseyjar VE slitnuðu um morg-
uninn en Eyþór Harðarson,
útgerðarstjóri hjá ísfélaginu sem
á og rekur skipið, segir enga
hættu hafa verið á ferðinni.
„Þetta var bara einn spotti sem
slitnaði og menn voru fljótir til og
festu skipið aftur. Það var í raun
engin hætta á ferðum, bara
dæmigerður rokdagur á bryggj-
unni,“ sagði Eyþór.
Vind lægði þegar leið á daginn
og í gær, miðvikudag, var gott
veður í Eyjum.