Bæjarins besta - 12.12.2013, Blaðsíða 2
2 FIMMTUDAGUR 12. DESEMBER 2013
„Hún fer ekki mjög mikið af
stað fyrr en alveg á síðustu dög-
unum,“ segir Snorri Grímsson,
útsölustjóri í Vínbúðinni á Ísa-
firði, aðspurður um jólasöluna,
en undanfarin ár hefur jólabjórinn
verið stækkandi þáttur í sölunni í
aðdraganda jóla. Salan á honum
byrjaði um leið og hann kom í
verslanirnar 15. nóvember. Teg-
undirnar af jólabjór sem fást í
búðinni á Ísafirði eru rétt um
tuginn en sumar af þeim eru í
fleiri en einni útgáfu.
Tegundafjöldi hvort heldur er
af bjór eða öðru er mismunandi
eftir stærð vínbúðanna. Mest er
úrvalið í Reykjavík, í næsta flokki
er verslunin á Akureyri en búðin
á Ísafirði er kannski í fjórða eða
fimmta flokki varðandi stærð og
úrval. Áfengissalan breytist þeg-
ar líður að áramótunum. „Fyrir
jólin sjálf er mikið keypt af mat-
arvínum en fyrir áramótin er
meira keypt af einhverju sterkara
og síðan talsvert af freyðivínum
til að skjóta töppunum,“ segir
Snorri Grímsson.
Smekkur-
inn misjafn
„Það er ekkert í höfn ennþá,“
segir Daníel Jakobsson, bæjar-
stjóri, um málefni sjúkraflutninga
á norðanverðum Vestfjörðum, en
slökkvilið Ísafjarðarbæjar hefur
séð um rekstur sjúkraflutninga
fyrir Heilbrigðisstofnun Vest-
fjarða á svæðinu. Samningur bæj-
arins og heilbrigðisstofnunarinn-
ar rennur út um áramót, en bæj-
aryfirvöld hafa óskað eftir að
hann verði endurskoðaður. Því
hafa heilbrigðisyfirvöld hafnað,
líkt og víðar. Þannig má nefna
óvissu um fyrirkomulag sjúkra-
flutninga á höfuðborgarsvæðinu,
en Slökkvilið höfuðborgarsvæð-
isins hefur nú þegar byrjað að
draga úr starfsemi sinni á þessu
sviði og að óbreyttu verður sjúkra-
flutningamönnum þess sagt upp
störfum fljótlega á næsta ári.
Fulltrúar Ísafjarðarbæjar, Heil-
brigðisstofnunar Vestfjarða og
Velferðarráðuneytis funduðu í
Reykjavík á föstudag. Daníel
segir að þar hafi forsendur bæj-
arins verið kynntar fyrir ráðu-
neytinu, sem muni taka afstöðu
til þess á næstu dögum. Rétt um
þrjár vikur eru þar til samningur-
inn rennur út. Aðspurður hvort
hann telji að unnt verði að ganga
frá samningum á þessum tíma
segist Daníel standa við það sem
hann hefur áður sagt, að hann
trúi því að málið klárist. „Það
hefur engum verið sagt upp störf-
um hjá slökkviliðinu, og þó það
sé auðvitað óvissa um áfram-
haldið hjá þessum starfsmönnum
högum við okkur eins og allt sé
óbreytt.“
Þorbjörn Sveinsson, slökkvi-
liðsstjóri, tekur í sama streng.
„Við erum ekkert að spá í þetta
hérna, við bara sinnum þessu.
Þegar kemur að þessu verðum
við að kyngja því, en við vonum
hjartanlega að þetta verði óbreytt
ástand. Það er mín skoðun að
þetta eigi hvergi heima annars
staðar en hér, en það eru aðrir
sem ráða því. Hérna verður
óbreytt ástand þangað til annað
kemur í ljós.“ – herbert@bb.is
Óbreytt ástand þangað til annað kemur í ljós
Þrjár vikur eru þar til samningur um rekstur sjúkraflutninga á svæði Heilbrigðisstofnunar Vestfjarða rennur út. Enn er óvíst hvað tekur við á nýju ári.