Bæjarins besta - 12.12.2013, Blaðsíða 6

6 FIMMTUDAGUR 12. DESEMBER 2013
Harður árekstur varð á milli
tveggja bíla á Skutulsfjarðarbraut
á Ísafirði á mánudagskvöld og
voru bílstjórar beggja bílanna
fluttir á Heilbrigðisstofnun Vest-
fjarða til aðhlynningar en hvor-
ugur þeirra reyndist þó alvarlega
slasaður. Skemmdust bílarnir
mikið og voru fjarlægðir af vett-
vangi með kranabíl. Áreksturinn
er rakinn til töluverðar hálku.
Sama dag hafnaði bíll úti í sjó
í Súgandafirði þegar bílstjóri
missti stjórn á bílnum. Var öku-
maðurinn fluttur á sjúkrahús en
meiðsli hans eru ekki talin al-
varleg. Hann var einn í bifreiðinni
sem er mikið skemmd eftir
óhappið.
– harpa@bb.is
Harður árekstur á
Skutulsfjarðarbraut
Oddvitar framboðanna þriggja
sem eiga fulltrúa í bæjarstjórn
Ísafjarðarbæjar hafa ekki ákveðið
hvort þeir gefi kost á sér áfram í
kosningunum í vor eða eru ekki
reiðubúnir að greina frá því opin-
berlega að svo stöddu. Þetta kom
fram þegar rætt var við þau Al-
bertínu Friðbjörgu Elíasdóttur
(Framsóknarflokki), Sigurð Pét-
ursson (Í-lista) og Gísla Halldór
Halldórsson (Sjálfstæðisflokki)
þegar rætt var við þau fyrir síð-
ustu helgi.
„Ég er ekki tilbúinn að gefa
yfirlýsingu um þetta mál strax en
geri það mjög fljótlega. Það verð-
ur aðalfundur í Samfylkingarfé-
laginu hér í næstu viku. Mér þykir
rétt að láta félaga mína vita af
þessu fyrst,“ sagði Sigurður.
„Ég hef ekki tekið ákvörðun
um það. Tel mjög líklegt að ég
muni endurmeta stöðu mína,“
sagði Gísli Halldór.
„Ég verð að viðurkenna að ég
er hreinlega ekki alveg búin að
gera upp við mig hvað ég vil gera
í vor. Þetta hefur verið ákaflega
skemmtilegur og lærdómsríkur
tími, en hann hefur líka verið
erfiður og mörg erfið mál sem
við höfum þurft að fara í gegnum,
mikill niðurskurður sem hefur
þurft að fara í og miklar breyt-
ingar, sem er alltaf erfitt. Ég hef
metnað fyrir að starfa fyrir
sveitarfélagið mitt, sem og Vest-
firði, en þetta er auðvitað ákvörð-
un sem maður tekur ekki einn,“
sagði Albertína Friðbjörg.
Meirihlutann í bæjarstjórn Ísa-
fjarðarbæjar skipa Framsóknar-
flokkur með einn bæjarfulltrúa
og Sjálfstæðisflokkur með fjóra.
Í minnihlutanum er Í-listinn með
fjóra bæjarfulltrúa.
– hlynur@bb.is
Óvissa um framhald
hjá oddvitunum
Ekki amalegt að vera
spámaður í eigin föðurlandi
„Ég er auðvitað afskaplega
glaður,“ segir Eiríkur Örn
Norðdahl, rithöfundur og
nýskipaður bæjarlistamaður
Ísafjarðarbæjar, en hann var
útnefndur sem slíkur á föstu-
dag. Hann segist varla gera
annað en svara hamingjuósk-
um þessa dagana, en nýverið
var tilkynnt að Eiríkur hefði
verið tilnefndur til bók-
menntaverðlauna Norður-
landaráðs fyrir skáldsöguna
Illsku. Hann hafði áður hlotið
Íslensku bókmenntaverð-
launin 2012 fyrir söguna, auk
þess sem hún var valin besta
íslenska skáldsaga ársins
2012 af starfsfólki bóka-
verslana. „Ég hafði orð á því
við einhvern að þetta væri
orðin svo mikil upphefð að ég
væri farinn að fylgjast sér-
staklega vel með til að geta
síðar meir svarað spurning-
unni ‚hvenær fór að halla
undan fæti?‘ Það er auðvitað
ekki amalegt að fá að vera
spámaður í eigin föðurlandi,
en það er svolítið skrítið
hvernig þetta gerist allt í
einu, öll þessi verðlaunahríð
síðasta árið. Þetta var ekki
alltaf svona mikill glamúr, og
ég reikna ekki með að það
verði það alltaf áfram.“
Eiríkur hefur gefið út fjór-
ar skáldsögur, en Illska er
nýjust þeirra. Eiríkur hefur
einnig gefið út ljóðabækur.
Auk verðlaunanna hefur
Eiríkur haft tilefni til að
fagna þýðingarsamningum,
en Illska hefur verið þýdd á
þýsku, sænsku og frönsku.
Einnig hefur verið unnin
þýðing á dönsku fyrir
Norðurlandaráð, en ekki
hefur verið gengið frá útgáfu
hennar. „Norðurlandaráð lét
gera þýðinguna svo dóm-
nefndin geti ákveðið sig.
Síðan er bara eftir að koma
henni á gott heimili.“
Eiríkur Örn Norðdahl, bæjarlistamaður, og Albertína Friðbjörg
Elíasdóttir, forseti bæjarstjórnar, takast í hendur við útnefningu Eiríks.