Bæjarins besta - 12.12.2013, Blaðsíða 8
8 FIMMTUDAGUR 12. DESEMBER 2013
AUGLÝSING UM DEILISKIPULAG -
INGJALDSSANDR ÍSAFJARÐARBÆ
Bæjarstjórn Ísafjarðarbæjar hefur þann
17. október 2013, í samræmi við 41. gr.
skipulagslaga nr. 123/2010 samþykkt
deiliskipulag í landi Álfadals og Hrauns
á Ingjaldssandi, Ísafjarðarbæ.
Um er að ræða 4 svæði fyrir frístunda-
byggð, í landi Álfadals og Hrauns, svæðin
eru staðsett á Ingjaldssandi í Ísafjarðarbæ.
Í landi Hrauns, (svæði merkt F29 og
F30). Á hvoru svæði fyrir sig er heimilt
að byggja fjögur frístundahús, samanlagt
byggingarmagn á lóð má vera að hámarki
150 m². Hámarksstærð gestahúss eða
geymslu er 35 m².
Í landi Álfadals, (svæði merkt F31 og
F32). Á hvoru svæði fyrir sig er heimilt
að byggja fjögur frístundahús, samanlagt
byggingarmagn á lóð má vera að hámarki
150 m². Hámarksstærð gestahúss eða
geymslu er 35 m².
Deiliskipulagstillagan verður til sýnis á
bæjarskrifstofum í Stjórnsýsluhúsinu,
Hafnarstræti 1, Ísafirði og á heimasíðu
Ísafjarðarbæjar www.isafjordur.is frá og
með 12. desember 2013 til og með 23.
janúar 2013. Þeim sem telja sig eiga hags-
muna að gæta er hér með gefinn kostur á
að gera athugasemdir við deiliskipulags-
tillöguna. Skila skal inn athugasemdum
á bæjarskrifstofu Ísafjarðarbæjar, Stjórn-
sýsluhúsinu, Hafnarstræti 1, Ísafirði eigi
síðar en 23. janúar 2013. Þeir sem ekki
gera athugasemdir við skipulagstillöguna
fyrir tilskilinn frest teljast samþykkir henni.
Ísafirði 5. desember 2013.
Jóhann Birkir Helgason, sviðstjóri
framkvæmda- og eignasviðs.
Margrétar Hjartardóttur
Litlaholti Flateyri, áður búsett að Ytri Veðrará í Önundarfirði
Börn, tengdabörn, ömmu og langömmubörn
Innilegar þakkir til allra sem sýndu okkur auðsýnda sam-
úð og virðingu vegna andláts og útfarar móður okkar
Sérstakar þakkir til starfsfólks á Hlíf, FSÍ og vina hennar á Flateyri
Guð blessi ykkur öll.
Bæjarráð Ísafjarðarbæjar hefur
lagt til við bæjarstjórn að útsvar
í sveitarfélaginu á næsta ári verði
14,52%, en það er 0,4 prósentu-
stiga hækkun frá því sem nú er
leyfilegt hámarksútsvar. Þetta er
mögulegt vegna samkomulags
Sambands íslenskra sveitarfélaga
og ríkisins, en fyrir liggur að
markmiðið er að hækka hámarks-
hlutfallið sem þessu nemur.
Í tilkynningu frá SÍS kemur
fram að gert sé ráð fyrir að tekju-
skattur lækki sem þessu nemur,
þannig að ekki verði um hækkun
heildarálagningar að ræða. Þessi
breyting er gerð vegna tilfærslu
þjónustu við fatlað fólk frá ríki
til sveitarfélaga, en henni er ætlað
að koma í stað beingreiðslna rík-
isins á síðustu árum. Sveitarfé-
lögin, sem hafa mörg hver þegar
tekið ákvörðun um útsvarshlut-
fall, geta ákveðið að nýta þetta
svigrúm í desember.
„Skiljanlega finnst öllum þetta
mjög seint fram komið,“ segir í
bréfi SÍS til sveitarstjóra þar sem
gerð er grein fyrir þessari breyt-
ingu, en þar segir að ástæðan sé
að hægt hafi gengið að formbinda
samkomulagið. Ekki hefur end-
anlega verið gengið frá lagabreyt-
ingum vegna þessa, en búist er
við að það verði gert fyrir lok árs-
ins.
– herbert@bb.is
Seinbúnar breyting-
ar á útsvarshlutfalli
Frammistaða nemenda á Vest-
fjörðum í PISA prófunum hefur
snarversnað á próftímanum, sam-
kvæmt því sem fram kemur í
skýrslu Námsmatsstofnunar um
niðurstöður prófanna 2012. PISA
prófin hafa verið haldin á þriggja
ára fresti frá árinu 2000. Frá upp-
hafi hefur verið kannaður les-
skilningur nemenda, en 2003
bættist við stærðfræðikunnátta og
2006 skilningur á náttúrufræðum.
Frammistaða íslenskra nemenda
hefur heldur hnignað á tímabil-
inu. Þannig hefur til dæmis með-
alstigafjöldi í lesskilningsþætti
prófsins lækkað verulega, eða úr
507 stigum árið 2000 í 483 stig
árið 2012.
Þróunin á Vestfjörðum hefur
haldist í hendur við þetta, en vest-
firskir nemendur höfðu bæði
2000 og 2012 nítján stigum færri
að meðaltali, eða 488 árið 2000
og 464 árið 2012. Lesskilningur
er eina greinin þar sem vestfirskir
nemendur hafa verið undir með-
altali frá upphafi, en þeir voru
átta stigum yfir landsmeðaltali í
stærðfræði árið 2003 og tíu stig-
um yfir landsmeðaltali í náttúru-
fræði árið 2006. Þetta breyttist
rækilega yfir tímabilið, en árið
2012 voru vestfirskir nemendur
sautján stigum undir meðaltali í
stærðfræði. – herbert@bb.is
Vestfirðir hríðfalla í PISA
Verulega bætt afkoma milli ára
Fjárhagsáætlun Ísafjarðarbæj-
ar var tekin til fyrri umræðu í bæj-
arstjórn Ísafjarðarbæjar á fimmtu-
dag en síðari umræða fer fram í
dag. Samkvæmt henni er gert
ráð fyrir því að rekstarafgangur
verði rétt ríflega 100 milljónir
króna en áætlun fyrir árið 2013
gerði ráð fyrir um 50 milljóna
króna afgangi. Meginskýringarn-
ar á bættri afkomu á milli áætlana
eru lægri verðbólguhorfur og
minni vaxtakostnaður samhliða
lækkun skulda, að sögn Daníels
Jakobssonar bæjarstjóra. Rekstr-
arhagnaðurinn, þ.e. tekjur að frá-
dregnum rekstrargjöldum öðrum
en afskriftum og fjármagnsliðum,
er svipaður á milli ára eða um
450 milljónir.
„Þetta árið var nokkuð erfitt
að koma saman áætlun. Við höf-
um reynt eftir fremsta megni að
halda aftur af gjaldskrárhækk-
unum, sem gerir það að verkum
að útgjöld aukast meira en tekjur.
Til dæmis munu leikskólagjöld
og kostnaður í mötuneytum skól-
anna ekki hækka, gangi þessi
áætlun eftir. Niðurstaðan ætti þó
að vera vel viðunandi ef áætlunin
gengur eftir“, segir bæjarstjóri.
Af helstu framkvæmdum má
nefna að bygging hjúkrunarheim-
ilis heldur áfram en gert er ráð
fyrir að það verið tekið í notkun í
byrjun ársins 2015. Áætluð fjár-
festing vegna þessa er um 500
milljónir króna. Einnig er gert
ráð fyrir að halda áfram með of-
anflóðamannvirki neðan Gleið-
arhjalla. Að öðru leyti verður
rekstur bæjarins með svipuðu
sniði og á þessu ári, segir Daníel
Jakobsson bæjarstjóri Ísafjarðar-
bæjar. – hlynur@bb.is
Stjórnsýsluhúsið á Ísafirði.