Dagblaðið Vísir - DV - 25.06.2008, Blaðsíða 66

miðvikudagur 25. júní 200866 FERÐIR DV
Stokkseyrarkortið er
skemmtileg nýjung
fyrir fjölskyldur sem
ætla að ferðast til
Stokkseyrar í sumar.
AFþREyIng FyRIR
AllA FjölskyldunA
Fjölskyldur sem hyggjast leggja
leið sína á Stokkseyri í sumar geta nú
í fyrsta skipti fest kaup á svokölluðu
Stokkseyrarkorti. Reynir Már Sigur-
vinsson, rekstrarstjóri Draugaset-
ursins á Stokkseyri, segir fjölskyldur
geta sparað allt að fimmtíu prósent
við kaup á slíku korti.
„Stokkseyrarkortið gerir fjölskyld-
unni kleift að fara eitthvað stutt frá
Reykjavík og kaupa bara heilan af-
þreyingarpakka með gistingu fyrir
alla fjölskylduna. Innifalið í kortinu
er gisting í tvær nætur á tjaldsvæð-
inu en þar var opnuð ný aðstaða í vor
og aðgangur að ýmissi fjölskylduaf-
þreyingu.“
Sú afþreying sem í boði er með
Stokkseyrarkortinu er aðgangur að
Draugasetrinu, Töfragarðinum, Álfa-
trölla- og norðurljósasafninu og Rób-
inson Krúsó-kajakferð. „Í kajakferð-
inni er hægt að vera í allt að þrjá tíma
á vatnasvæðinu að dunda sér og við
útvegum öllum kort af svæðinu. Eft-
ir kajakróðurinn gefst fjölskyldunni
svo kostur á að skella sér í sund og
heita pottinn. Í Töfragarðinum, sem
er fjölskyldu- og skemmtigarður, er
hægt að skoða alls kyns dýr og krakk-
arnir geta leikið sér í leiktækjunum á
meðan foreldrarnir gæða sér á veit-
ingunum í veitingasölunni. Drauga-
setrið er svo draugahús sem fólk fer
inn í og þar gerist ýmislegt skemmti-
legt en við mælum hins vegar ekki
með því að börn yngri en tólf ára rölti
þar um þar sem það getur jú orð-
ið ansi draugalegt. Í staðinn kemur
hins vegar Álfa-, trölla- og norður-
ljósasafnið sterkt inn því það er fyrir
alla fjölskylduna,“ segir Reynir.
Hann segir þó rúsínuna í pylsu-
endanum vera þá að gegn framvísun
kortsins er veittur afsláttur á bensín-
inu hjá Shell á Stokkseyri. „Það er sjö
króna afsláttur með kortinu svo það
er hægt að keyra ódýrara í bæinn.“
Nánari upplýsingar um Stokks-
eyrarkortið er að finna á heimasíð-
unni stokkseyri.is. krista@dv.is
Dýrin í Töfragarðinum
gleðja bæði unga sem aldna.
Kajakróður á Stokkseyri
Skemmtileg afþreying fyrir
alla fjölskylduna.
Hopp og hí og trallalí í
Töfragarðinum Þau yngstu
geta skemmt sér í leiktækjunum.